ధనుష్‌ ని మరోసారి టార్గెట్‌ చేసిన నయనతార?.. కావాలనే ఆ పని చేసిందా?

నటి నయనతార నటించిన సూపర్ హిట్ చిత్రాలలో ఒకటి 'నానమ్ రౌడీధాన్'. ఈ చిత్రానికి నయనతార భర్త విఘ్నేష్ శివన్ దర్శకత్వం వహించగా, ధనుష్ నిర్మించారు. నయనతార చెవిటి, మూగ పాత్రలో నటించగా, ఆమెకు జంటగా విజయ్ సేతుపతి నటించారు. ఇంకా ముఖ్య పాత్రల్లో ఆర్.జె.బాలాజీ, రాధిక, మన్సూర్ అలీఖాన్, పార్తిబన్ వంటి వారు నటించారు.

బిగ్‌ బాస్‌ తెలుగు 8 అప్‌ డేట్స్ కోసం ఇక్కడ క్లిక్‌ చేయండి.

కామెడీ కథాంశంతో రూపొందిన ఈ రొమాంటిక్ చిత్రం 2015లో విడుదలైంది. ఈ చిత్రంలో నయనతార నటిస్తున్నప్పుడే దర్శకుడు విఘ్నేష్ శివన్‌ను ప్రేమించడం ప్రారంభించారు. ఆ తర్వాత ఇద్దరూ కలిసి జీవించడం మొదలుపెట్టారు, మూడు నెలలకు ఒకసారి విదేశాలకు డేటింగ్‌కు కూడా వెళ్లారు. కొంత కాలం డేటింగ్‌ అనంతరం ఎట్టకేలకు పెళ్లి చేసుకున్నారు.  2022లో నయనతార - విఘ్నేష్ శివన్ చెన్నై మహాబలిపురంలోని స్టార్ హోటల్‌లో వివాహం చేసుకున్నారు.

వీరి వివాహం చాలా ఘనంగా జరిగింది, వారి వివాహ వీడియో ప్రసార హక్కులను నెట్‌ఫ్లిక్స్ OTT వేదికకు అమ్మారు. వీరి వివాహానికి అయిన మొత్తం ఖర్చు 10 కోట్ల కంటే తక్కువే అయినప్పటికీ... నెట్‌ఫ్లిక్స్‌కు వివాహ వీడియో ప్రసార హక్కులను 25 కోట్లకు ఇచ్చినట్టు తెలుస్తుంది. గత రెండేళ్లుగా నయన్ - విక్కీల వివాహ వీడియో విడుదల కోసం ఎదురుచూస్తున్న అభిమానులకు నిరాశే మిగిలింది, నయనతార పుట్టినరోజు సందర్భంగా నవంబర్ 18న ఈ వీడియో OTTలో విడుదలైంది.

Nayanthara: Beyond the Fairy Tale అనే పేరుతో రూపొందిన ఈ డాక్యుమెంటరీ వీడియో పూర్తిగా విడుదల కాకముందే, దాని ట్రైలర్‌ను నెట్‌ఫ్లిక్స్ విడుదల చేసింది. అందులో నయనతారను విఘ్నేష్ శివన్ మొదటిసారి తీసిన సన్నివేశానికి సంబంధించిన వీడియో క్లిప్‌ ఉంది. ఈ సన్నివేశాన్ని వివాహ వీడియోలో ఉంచడానికి నయన్ - విక్కీ ధనుష్ అనుమతి కోరగా, ఆయన నిరాకరించినట్లు తెలిసింది. అయితే తగిన అనుమతి లేకుండానే ఈ వీడియో ట్రైలర్‌లో ఉండటం చూసి, ధనుష్ 10 కోట్లు డిమాండ్ చేస్తూ నయనతార - విఘ్నేష్ శివన్‌కు నోటీసు పంపారు.

దీని తర్వాత నటి నయనతార మూడు పేజీల ప్రకటన విడుదల చేసి తన మనసులోని మాట బయటపెట్టారు. కొందరు నయనతారకు మద్దతుగా నిలిచినప్పటికీ, మరికొందరు 'మీరు మీ వివాహ వీడియోను ఉచితంగా ఇవ్వలేదు కదా, డబ్బుకు ఇచ్చారు. అప్పుడు ధనుష్ మీ దగ్గర డబ్బు అడగడంలో తప్పులేదు' అని ప్రకటన విడుదల చేసి నయనతారకే వ్యతిరేకంగా మారారు.

నయన్ - ధనుష్ వివాదం ఇంకా ముగియని నేపథ్యంలో, ఇప్పటికే ధనుష్‌ను తీవ్రంగా విమర్శిస్తూ ప్రకటన విడుదల చేసిన నయనతార, మళ్ళీ ధనుష్‌ను ఉద్దేశించి మరో ప్రకటన విడుదల చేశారు. మరింత అగ్గి రాజేసే ప్రయత్నం చేసింది. ఇప్పుడిది మరోసారి దుమారం రేపుతుంది. 

వందనం, మా డాక్యుమెంటరీ Nayanthara: Beyond the Fairy Tale విడుదలైంది. నా సినీ ప్రయాణంలోని అనేక ఆనందదాయక ఘట్టాలతో కూడిన ఈ డాక్యుమెంటరీలో, మనం కలిసి పనిచేసిన సినిమాల జ్ఞాపకాలు కూడా ఉండాలని మిమ్మల్ని సంప్రదించినప్పుడు, ఎలాంటి సంకోచం లేకుండా అనుమతి ఇచ్చిన మీ ప్రేమను ఎప్పటికీ కృతజ్ఞతతో గుర్తుంచుకుంటాను అని నయనతార అన్నారు.

తమిళం, తెలుగు, హిందీ, మలయాళం భాషల్లో తాను కలిసి పనిచేసిన అందరు నిర్మాతల పేర్లను ప్రస్తుతం విడుదల చేసిన ప్రకటనలో పేర్కొని ధన్యవాదాలు తెలిపారు. కానీ అందులో ధనుష్ పేరు లేదు. అందుకే నయనతార మళ్ళీ ధనుష్‌ను ఉద్దేశించే ఈ ప్రకటన విడుదల చేశారా అని అభిమానులు ప్రశ్నిస్తున్నారు.

మహేష్‌ బాబు రిజెక్ట్ చేసిన సినిమాతో డిజాస్టర్‌ని ఫేస్‌ చేసిన రామ్‌ చరణ్‌, తండ్రి కారణంగా అడ్డంగా బుక్కయ్యాడా?