Shyam Singha Roy Movie Review: శ్యామ్ సింగ రాయ్ ప్రీమియర్ షో టాక్.. నాని, సాయి పల్లవి విశ్వరూపం, బ్రిలియంట్

17

నేచురల్ స్టార్ నాని నటించిన తాజా చిత్రం Shyam Singha Roy. క్రిస్టమస్ కానుకగా ఈ చిత్రాన్ని నేడు ప్రేక్షకుల ముందుకు తీసుకువస్తున్నారు. సాయి పల్లవి మరోసారి ఈ చిత్రంలో నానికి జోడిగా నటించింది. ఈ చిత్రంలో నాని రెండు పాత్రల్లో కనిపించబోతున్నాడు. ఒకటి శ్యామ్ సింగ రాయ్ పాత్ర కాగా మరొకటి మోడ్రన్ యువకుడు వాసు. నాని వాసు రోల్ కి జోడిగా ఉప్పెన బ్యూటీ కృతి శెట్టి నటిస్తోంది. 

27

ఇప్పటికే యుఎస్ లో శ్యామ్ సింగ రాయ్ ప్రీమియర్ షోలు ప్రారంభం అయ్యాయి. మరి ప్రేక్షకుల నుంచి ఈ చిత్రానికి ఎలాంటి స్పందన వస్తోందో చూద్దాం. ఈ చిత్రం సాయి పల్లవి వాయిస్ ఓవర్ తో ప్రారంభం అవుతుంది. నాని వాసు పాత్రలో దర్శకుడు కావాలనే కోరికతో కనిపిస్తుంటాడు. కృతి శెట్టిని తన షార్ట్ ఫిలింలో నటింపజేసే ప్రయత్నం చేస్తుంటాడు. అలా నాని, కృతి శెట్టి మధ్య ప్రేమ సన్నివేశాలు ప్రారంభం అవుతాయి. 

37

ఫస్ట్ హాఫ్ నెమ్మదిగా మొదలైనప్పటికీ ఇంటరెస్టింగ్ గా మారుతుంది. వాసు తెరకెక్కించిన చిత్రం వివాదంగా మారి అతడు అరెస్ట్ అవుతాడు. నాని ఎందుకు అరెస్ట్ అయ్యాడు అనేది కథలో ఆసక్తికర అంశం. ఇక ఇంటర్వెల్ ముందు శ్యామ్ సింగ రాయ్ పాత్రలో నాని ఎంట్రీ ఇస్తాడు. వాసు కెరీర్ ని శ్యామ్ సింగ రాయ్ పాత్రలో దర్శకుడు ముడిపెట్టిన విధానం ఆసక్తికరంగా ఉంది. అలా ఫస్ట్ హాఫ్ డీసెంట్ గా ముగుస్తుంది. 

47

సెకండ్ హాఫ్ లో నాని శ్యామ్ పాత్రలో సోషల్ యాక్టివిస్ట్ గా కనిపిస్తాడు. బడుగు బలహీన వర్గాల కోసం శ్యామ్ సింగ రాయ్ పోరాటం చేస్తుంటాడు. నక్సలైట్స్ తమతో చేతులు కలపమని శ్యామ్ ని అడుగుతారు. కానీ శ్యామ్ అందుకు అంగీకరించడు. బుల్లెట్స్ కంటే రచనలు శక్తివంతమైనవి అని నాని వారితో అంటాడు. 

57

ఈలోపు నానికి సాయి పల్లవి మైత్రేయి పాత్రలో పరిచయం అవుతుంది. ఆమె దేవదాసీగా గుడిలో ఉంటుంది. శ్యామ్ ఆమె ప్రేమలో పడతాడు. గుడి నుంచి బయటకు వచ్చేయాలని అడుగుతాడు. అందుకు సాయి పల్లవి అంగీకరించదు. సిరివెన్నెల రచించిన 'ప్రణవలయ' సాంగ్ లో సాయి పల్లవి విశ్వరూపమే చూపించింది. డాన్స్ మూవ్స్ తో అదరగొట్టింది. 

67

ఇక ఊహించని మలుపులతో క్లైమాక్స్ అద్భుతమా ఉంటుంది. శ్యామ్, మైత్రేయి మధ్య ఏం జరిగింది.. వాసు తన సినిమా వివాదం నుంచి ఎలా బయట పడ్డాడు అనేది మిగిలిన కథ. దర్శకుడు రాహుల్ ఈ చిత్రంలో ప్రతి ప్రేముకి క్లాసిక్ టచ్ ఇచ్చాడు. ప్రతి సన్నివేశాన్ని చెక్కినట్లుగా మలిచాడు. అతడి దర్శకత్వం అద్భుతం అంటూ ప్రేక్షకుల నుంచి ప్రశంసలు దక్కుతున్నాయి. 

77

Shyam Singha Roy

ఇక నాని వాసు, శ్యామ్ పాత్రల్లో ప్రదర్శించిన వేరియేషన్స్ సూపర్బ్ అనే చెప్పాలి. తనకు మాత్రమే సాధ్యం అన్నట్లుగా నాని నటించాడు. సాయి పల్లవి, కృతి శెట్టి ఇద్దరి రోల్స్ చాలా బావున్నాయి. మిక్కీ జె మేయర్ సంగీతం సినిమాలో లీనం అయ్యేలా చేస్తుంది. ఫస్ట్ హాఫ్ డీసెంట్ గా ఉన్నప్పటికీ సెకండ్ హాఫ్ ప్రేక్షకులని అరెస్ట్ చేసే విధంగా ఆకట్టుకుంటుంది. మొత్తంగా ఈ క్రిస్టమస్ కి నాని సాలిడ్ మూవీతో వచ్చాడు.