చచ్చేంత భయం ఉన్నా భార్య కోసం ఆ పని చేసిన కళ్యాణ్ రామ్.. పచ్చబొట్టు వెనుక ఎమోషనల్ స్టోరీ
బింబిసారా లాంటి బ్లాక్ బస్టర్ హిట్ తర్వాత నందమూరి కళ్యాణ్ రామ్ నటిస్తున్న లేటెస్ట్ మూవీ 'అమిగోస్'. ఫిబ్రవరి 10న ఈ చిత్రం గ్రాండ్ రిలీజ్ కి రెడీ అవుతోంది. ఈ చిత్ర రిలీజ్ కి అన్ని ఏర్పాట్లు పూర్తయ్యాయి.
బింబిసారా లాంటి బ్లాక్ బస్టర్ హిట్ తర్వాత నందమూరి కళ్యాణ్ రామ్ నటిస్తున్న లేటెస్ట్ మూవీ 'అమిగోస్'. ఫిబ్రవరి 10న ఈ చిత్రం గ్రాండ్ రిలీజ్ కి రెడీ అవుతోంది. ఈ చిత్ర రిలీజ్ కి అన్ని ఏర్పాట్లు పూర్తయ్యాయి. సెన్సార్ కూడా పూర్తయింది. అమిగోస్ తో కళ్యాణ్ రామ్ ప్రేక్షకులని థ్రిల్ చేయడం మాత్రమే మిగిలి ఉంది. ఈ చిత్రానికి రాజేంద్ర రెడ్డి దర్శకుడు కాగా.. జిబ్రాన్ సంగీతం అందిస్తున్నారు.
ప్రస్తుతం కళ్యాణ్ రామ్ ఈ చిత్ర ప్రమోషన్స్ లో బిజీ బిజీగా గడుపుతున్నారు. కళ్యాణ్ రామ్ పర్సనల్ లైఫ్ విషయాలని మీడియా ముందు మాట్లాడేందుకు అంతగా ఇష్టపడరు. కానీ లేటెస్ట్ ఇంటర్వ్యూలో తన భార్య గురించి ఒక ఎమోషనల్ ఇన్సిడెంట్ రివీల్ చేశారు. కళ్యాణ్ రామ్ చేతిపై అతని భార్య స్వాతి పేరు పచ్చబొట్టుగా కనిపిస్తుంది.
భార్యపై ప్రేమతో ఆ టాటూ వేసుకుని ఉండొచ్చు. కానీ ప్రేమకి మించి ఎమోషనల్ కథ ఉందట ఆ టాటూ వెనుక. కళ్యాణ్ రామ్ ఆ టాటూ సీక్రెట్ రివీల్ చేస్తూ.. 2007లో నాకు అనారోగ్య సమస్యలు వచ్చాయి. ఆరోగ్యం ఏమాత్రం సహకరించలేదు. ఆ సమయంలో ఏ భార్య అయినా భర్తకి సేవలు చేస్తుంది.. నిజమే. కానీ నా భార్య స్వాతి తనకి హెల్ప్ గా నర్స్ ని కూడా పెట్టుకోవచ్చు.
కానీ తను నర్స్ వద్దంది. ఎందుకంటే నా గురించి ఆమెకి పూర్తిగా తెలుసు. ఒక అమ్మ కొడుకుని చూసుకున్నట్లు నన్ను నా భార్య చూసుకుంది. నా భార్య వల్లే నేను కోలుకోగలిగాను. నాకు సూదులు అంటే చచ్చేంత భయం. ఇంజక్షన్ వేయించుకోవడానికి కూడా భయపడతాను. మా టెన్త్ యానవర్సరీ రోజున నీకు ఏం కావాలి చెప్పు.. ఏమైనా చేస్తా అని తనని అడిగా. నాకు ఏమీ వద్దు.. అన్నీ ఉన్నాయి. మీరు, పిల్లలు పక్కన ఉన్నారు అది చాలు అని తెలిపింది.
ఆరోజే అనుకున్నాను.. నా భార్య పేరు పచ్చబొట్టు వేయించుకుని సూదులు అంటే ఉన్న భయాన్ని విడిచిపెట్టాలి అని. అలా నా భార్య పేరు టాటూగా వేయించుకున్నా అని కళ్యాణ్ రామ్ తెలిపారు.
కళ్యాణ్ రామ్ అమిగోస్ చిత్రంలో తొలిసారి త్రిపాత్రాభినయం చేస్తున్నారు. కళ్యాణ్ రామ్ సరసన యంగ్ బ్యూటీ ఆషిక రంగనాథ్ నటిస్తోంది. ఎన్టీఆర్ ప్రీరిలీజ్ ఈవెంట్ కి హాజరు కావడం, ట్రైలర్ బావుండడంతో అమిగోస్ పై మంచి అంచనాలు ఉన్నాయి.