బాలకృష్ణ స్పెషల్ షో వేయించుకుని మరీ చూసిన జూ.ఎన్టీఆర్ మూవీ ఏదో తెలుసా, తారక్ కి ఫోన్ కలపండి అని ఆర్డర్

బాలకృష్ణతోనే కాదు.. నందమూరి ఫ్యామిలీకి జూనియర్ ఎన్టీఆర్ కి మధ్య కాస్త గ్యాప్ ఉందని ఫ్యాన్స్ చాలా కాలంగా భావిస్తున్నారు. ఆ విషయంలో చాలా రూమర్స్ కూడా ఉన్నాయి. కానీ సందర్భం వచ్చినప్పుడల్లా జూనియర్ ఎన్టీఆర్ నందమూరి కుటుంబ సభ్యులతో కలుస్తూనే ఉన్నాడు. జూనియర్ ఎన్టీఆర్ ని బాలకృష్ణ చాలా సందర్భాల్లో అభినందించారు. అయితే తొలిసారి తారక్ నటనని బాలయ్య మెచ్చుకున్న సందర్భం ఒకటి ఉంది. 

ఎన్టీఆర్ నిన్ను చూడాలని చిత్రంతో ఎంట్రీ ఇచ్చాడు. ఆ తర్వాత స్టూడెంట్ నంబర్ 1 చిత్రంతో తొలి సక్సెస్ వచ్చింది. వివి వినాయక్ దర్శకత్వంలో తెరకెక్కిన ఆది చిత్రం సంచలనం సృష్టించింది. బెల్లంకొండ సురేష్ నిర్మాతగా.. వివి వినాయక్ దర్శకత్వంలో ఈ చిత్రాన్ని రూపొందించారు. రాయలసీమ బ్యాక్ డ్రాప్ కథలో తారక్ పవర్ ఫుల్ పెర్ఫామెన్స్ తో అదరగొట్టాడు. 

బెల్లంకొండ సురేష్ ఆది తర్వాత బాలయ్యతో సినిమా సెట్ చేసుకున్నాడు. అది కూడా వివి వినాయక్ దర్శకత్వంలోనే. ఆ చిత్రమే చెన్నకేశవ రెడ్డి. వివి వినాయక్ ని బాలయ్య దగ్గరకి పంపించి కథ చెప్పించినట్లు బెల్లంకొండ సురేష్ తెలిపారు. అప్పటికి బాలయ్యకి వినాయక్ ఆది డైరెక్టర్ అని తెలియదు. కథ విన్న విన్న తర్వాత ఇతనే ఆది డైరెక్టర్ అని చెప్పా. ఆది సూపర్ హిట్ అని బాలయ్యకి తెలుసు. కానీ ఇంకా సినిమా చూడలేదు. 

ఇతనే ఆది డైరెక్టర్ అని చెప్పగానే.. ముందే చెప్పాలి కదా అని అన్నాడు. ఆది మూవీ నాకు స్పెషల్ షో వేయండి అని బాలయ్య స్వయంగా అడిగారు. ప్రసాద్ ల్యాబ్స్ షో వేశాం. బాలయ్య సినిమా చూశాక.. వెంటనే జూనియర్ ఎన్టీఆర్ కి ఫోన్ కలపండి అని అడిగారు. ఫోన్ చేసి ఎన్టీఆర్ ని అభినందించారు. ఆ టైంలో ఎన్టీఆర్ అల్లరి రాముడు షూటింగ్ లో ఉన్నారు. రేయ్ బాగ చేశావ్ రా.. బ్రహ్మాండంగా ఉంది. టాప్ పెర్ఫార్మెన్స్.. కంగ్రాట్స్ అని అభినందించారు. 

బాలకృష్ణ కల్మషం లేని వ్యక్తి అంటూ బెల్లకొండ సురేష్ ప్రశంసలు కురిపించారు. ఆయనకి ఆ టైంలో మనసులో అనిపించింది చెప్పేస్తారు.. దాచుకోరు. కోపం అయినా ప్రేమ అయినా బాలయ్యతో అలాగే ఉంటుంది అని బెల్లంకొండ సురేష్ అన్నారు. కానీ చెన్నకేశవ రెడ్డి చిత్రం ఆశించిన స్థాయిలో సక్సెస్ కాలేదు.