Unstoppable With NBK: ఎన్టీఆర్ వెన్నుపోటు ఘటనపై హాట్ కామెంట్స్.. బోయపాటి ముందే బాలయ్య కంటతడి

నందమూరి బాలకృష్ణ నటించిన 'అఖండ' చిత్రం బాక్సాఫీస్ వద్ద సునామి సృష్టిస్తోంది. బాలయ్య, బోయపాటి కాంబినేషన్ అంటే అభిమానుల్లో అంచనాలు ఎలా ఉంటాయో ప్రత్యేకంగా చెప్పనవసరం లేదు. ఆ అంచనాలకు తగ్గకుండా 'అఖండ' చిత్రం ఫాన్స్ పండుగ చేసుకునే విధంగా ఉంది. దీనితో బాక్సాఫీస్ వద్ద కాసుల వర్షం కురుస్తోంది. డిసెంబర్ 2న థియేటర్స్ లో విడుదలైన అఖండ ఈ ఏడాది భారీ విజయం దిశగా దూసుకుపోతోంది. 

నందమూరి ఫ్యాన్స్ అఖండ సంబరాల్లో మునిగితేలుతుండగా చిత్ర యూనిట్ మరింత జోరుగా ప్రచార కార్యక్రమాలు నిర్వహిస్తోంది. బాలయ్య ఆహా ఓటిటిలో అన్ స్టాపబుల్ షోకి హోస్ట్ గా చేస్తున్న సంగతి తెలిసిందే. అఖండ రిలీజ్ కావడంతో చిత్ర యూనిట్ తో ఓ ఎపిసోడ్ ప్లాన్ చేశారు. డిసెంబర్ 10 నుంచి ఈ ఎపిసోడ్ ఆహా లో స్ట్రీమింగ్ కానుంది. ఈ ఎపిసోడ్ కి అఖండ డైరెక్టర్ బోయపాటి శ్రీను, సంగీత దర్శకుడు తమన్, హీరోయిన్ ప్రగ్య జైస్వాల్, విలన్ గా నటించిన శ్రీకాంత్ హాజరయ్యారు. దీనికి సంబందించిన ప్రోమో తాజాగా విడుదలైంది. 

బాలయ్య అన్ స్టాపబుల్ షోలో తన టీంతో కలసి ఫుల్ జోష్ లో కనిపిస్తున్నాడు. చిన్నపిల్లాడిలా మారిపోయి వారితో గంతులు వేస్తున్నాడు. ప్రగ్య జైస్వాల్ అందమైన చీరలో మెరిసింది. ప్రోమోలో బాలయ్యతో ప్రగ్యాతో బాగా అల్లరి చేశారు. బోయపాటి సర్, బాలకృష్ణ సర్ అని ప్రగ్యా పిలుస్తుండడంతో.. సర్ సర్ ఏంటి అంటూ బాలయ్య సరదాగా విసుక్కుంటాడు. దీనితో ఒకే బాల అని అనేస్తుంది. దీనితో బాలయ్య ఆశ్చర్యపోతాడు. 

ఇక శ్రీకాంత్ అఖండ చిత్రంలోని డైలాగ్ చెప్పారు. నాకు బురదంటింది, దురదొచ్చింది అనే డైలాగ్ తో శ్రీకాంత్ ఆకట్టుకోగా..దానికి కౌంటర్ గా బాలయ్య ఫ్రంట్ బ్యాక్ రైట్ లెఫ్ట్ అనే డైలాగ్ తనదైన స్టైల్ లో చెబుతాడు. ఇక తమన్ బాలయ్యపై సరదాగా పంచ్ వేశాడు. నేను వాడే స్పీకర్ కన్నా బాలయ్య వాల్యూమ్ ఎక్కువ ఉంటుంది అని అనగా అందరూ నవ్వేస్తారు. 

ఇక చిత్ర యూనిట్ తో కలసి బాలయ్య వేదికపై సరదా గేమ్స్ ఆడారు. ఈ ఎపిసోడ్ లో బాలయ్య, ప్రగ్యా జైస్వాల్ అట్రాక్షన్ గా మారుతున్నట్లు ప్రోమో ద్వారా అర్థం అవుతోంది. ఇక ప్రోమో చివర్లో బాలయ్య ఎమోషనల్ కామెంట్స్ చేశాడు. సందర్భం లేడకుండా బాలయ్య ఎప్పుడూ రాజకీయ విషయాలు ప్రస్తావించారు. కానీ ఈ ప్రోమోలో తన తండ్రి ఎన్టీఆర్ కి జరిగిన వెన్నుపోటు ఘటనపై బాలయ్య సంచలన వ్యాఖ్యలు చేశారు. 

ఒక తప్పుడు ప్రచారం జరుగుతోంది. వెన్నుపోటు పొడిచారు అని అంటుంటారు. దీని గురించి మాట్లాడుతుంటే కళ్ళల్లో నీళ్లు వస్తున్నాయి. నేను ఆయన కొడుకుని.. అంతేకాక అభిమానుల్లో ఒకడిని అని చెబుతూ బాలయ్య ఎమోషనల్ అయ్యారు. బాలయ్య మాట్లాడుతుంటే బోయాపాటి, శ్రీకాంత్ అలా ఎమోషనల్ గా చూస్తూ ఉండి పోయారు. అసలు ఇంతకి వెన్ను పోటు సంఘటనపై బాలయ్య ఎందుకు మాట్లాడవలసి వచ్చింది అనేది డిసెంబర్ 10న పూర్తి ఎపిసోడ్ లో తేలనుంది.