బిగ్ బాస్ అభిమానులకు షాక్.. సీజన్ 4 వాయిదా?
బిగ్ బాస్ తాజా సీజన్ వాయిదా పడిందట. ముందుగా అనుకున్నట్టుగా ఆగస్టు నెలాఖరున కాకుండా వారం ఆలస్యంగా సెప్టెంబర్ తొలి వారంలో ప్రారంభించేందుకు ప్లాన్ చేస్తున్నారు. ఇప్పటికే ఈ మేరకు నిర్ణయం తీసుకున్నట్టుగా ప్రచారం జరుగుతోంది.
బుల్లితెర మీద బ్లాక్ బస్టర్ రియాలిటీ షో బిగ్ బాస్. హిందీతో పాటు దాదాపు అన్ని రీజినల్ భాషల్లోనూ ప్రసారమైన ఈ షో సూపర్ హిట్ అయ్యింది. నాగార్జున హోస్ట్ చేస్తున్న ఈ షోను ఈ నెలాఖరున ప్రారంభించాలని ప్లాన్ చేశారు. ఇప్పటికే ప్రమోషన్ కూడా ప్రారంభమయ్యింది. ఆగస్టు 29 నాగ్ బర్త్ డే కూడా కావటంతో అది కూడా కలిసోస్తుందని భావించింది బిగ్ బాస్ యూనిట్.
అయితే తాజా సమాచారం ప్రకారం బిగ్ బాస్ తాజా సీజన్ వాయిదా పడిందట. ముందుగా అనుకున్నట్టుగా ఆగస్టు నెలాఖరున కాకుండా వారం ఆలస్యంగా సెప్టెంబర్ తొలి వారంలో ప్రారంభించేందుకు ప్లాన్ చేస్తున్నారు. ఇప్పటికే ఈ మేరకు నిర్ణయం తీసుకున్నట్టుగా ప్రచారం జరుగుతోంది.
అయితే బిగ్ బాస్ టీం ఇంతవరకు షో ప్రారంభ తేదిని అధికారికంగా ప్రకటించలేదు. అయితే ఇంకా ప్రమోషన్లో వేగం పెంచకపోవటంతో ఈ నెలాఖరున ప్రారంభమయ్యే అవకాశం లేదని తెలుస్తోంది. దీంతో ఈ నెలాఖరు నుంచి సాలిడ్ ఎంటర్టైన్మెంట్ కన్ఫాం అని భావించిన టీవీ అభిమానులు నిరాశ పడుతున్నారు.
ఇప్పటికే షోలో పాల్గొన బోయే కంటెస్టెంట్లను సెలెక్ట్ చేసిన క్వారెంటైన్లో ఉంచినట్టుగా ప్రచారం జరుగుతోంది. అయితే వీళ్లలో ఓ యువ గాయకుడికి కరోనా పాజిటివ్ అని నిర్ధారణ అయినట్టుగా ప్రచారం జరుగుతోంది. షో వాయిదా వెనక ఇది కూడా ఓ కారణం అని తెలుస్తోంది. అయితే ఏది ఏమైన మరో మూడు రోజుల్లో షో స్టార్ట్ అని ఆశించిన అభిమానులు ఇప్పుడు షాక్లో ఉన్నారు.