అందరి ముందు నిహారిక పరువు తీసిన నాగబాబు.. చిన్నప్పుడు ఏం చేసిందో తెలుసా?
మెగాడాటర్‌ నిహారిక మెగా ఫ్యామిలీలో అల్లరి అమ్మాయి అనే కామెంట్ ఉంది. అయితే ఆమె చిన్నప్పుడు చేసిన చిలిపి పనులు బయటపెట్టాడు నాగబాబు.
- FB
- TW
- Linkdin
Follow Us
Niharika Konidela
మెగా డాటర్ నిహారిక.. యాంకర్‌గా కెరీర్‌ని ప్రారంభించింది. హీరోయిన్‌గా మారి సినిమాలు చేసింది. కానీ నటిగా ఆమె సక్సెస్‌ కాలేకపోయింది. ఆ తర్వాత పెళ్లి చేసుకుని లైఫ్‌లో సెట్‌ అయ్యింది. కానీ రెండేళ్లలోనే భర్తతో విడిపోయింది. ఇప్పుడు ఒంటరిగానే ఉంటుంది. ఈ క్రమంలో తాను సినిమాలపై ఫోకస్‌ పెట్టింది. ఓవైపు యాక్టర్ గా మరోసారి తానేంటో నిరూపించుకునేందుకు వస్తుంది. అదే సమయంలో నిర్మాతగానూ యాక్టీవ్‌గా ముందుకెళ్తుంది.
Nagababu - Niharika
అందులో భాగంగా మొదటిసారి ఆమె సినిమాని నిర్మించింది. `కమిటీ కుర్రోళ్లు` పేరుతో ఓ మూవీని నిర్మించింది. ఇది ఈ నెల 9న విడుదల కానుంది. ఈ సందర్భంగా సోమవారం రాత్రి ప్రీ రిలీజ్‌ ఈవెంట్‌ని నిర్వహించారు. ఇందులో ఫాదర్‌ నాగబాబు కూడా పాల్గొన్నాడు. ఆయన మాట్లాడుతూ నిహారిక పరువు తీశాడు. ఆమె చిన్నప్పుడు చేసిన పని బయటపెట్టి షాకిచ్చాడు. ఇక్కడ ఎవడి సెల్ఫ్‌ డబ్బా వాడే కొట్టుకోవాలని,అందరు అదే చేస్తున్నారని, తాను నిహారిక గురించి చెప్పాలని నాగబాబు ఆమె సీక్రెట్‌ బయటపెట్టాడు.
మరి నిహారిక చిన్నప్పుడు ఏం చేసిందో తెలుసా? నిహారిక తన స్వీటెస్ట్ డాటర్ అని చెప్పిన నాగబాబు.. మూడు, నాలుగేళ్ల ఏజ్‌లో ఆమె చేసిన పని చెప్పాడు. కాస్త పెద్దగా అయ్యింది కాబట్టి, ఇండిపెండెంట్‌గా పడుకోమని చెప్పేవారట నాగబాబు, ఆయన భార్య పద్మ. మొదట బాగానే వెళ్లేదట. కానీ మదర్‌ అటు కిచెన్‌లోకి వెళ్లగానే వచ్చిన బెడ్‌లో దూరేదని, అమ్మకి కనిపించకుండా తన షర్ట్ లోకి దూరేదని, అల్లరి బాగా చేసేదని చెప్పాడు నాగబాబు.
నాగబాబు తన కూతురు గురించి పాజిటివ్‌గా చెప్పినా, బెడ్‌ మ్యాటర్‌ రాగానే అటు నిహారికా, అలాగే పక్కన ఉన్న వాళ్ల అమ్మ పద్మ కూడా ముఖం చాటేశారు. ఫేస్‌కి చేయి అడ్డుపెట్టుకుని సిగ్గు పడ్డారు. పాపం ఇబ్బంది పడటం గమనార్హం. కానీ ఇది చూసేవారికి హిలేరియస్‌గా అనిపించింది. హైలైట్‌గా నిలిచింది. ఈ సందర్భంగా ఆడవాళ్ల గురించి, అమ్మాయిల గురించి గొప్పగా చెప్పాడు నాగబాబు. ఇప్పుడు అన్ని రంగాల్లో ఆడవాళ్లు దూసుకుపోవాలని, మీకు అడ్డే లేదని, ఎవరు ఆపాలని చూసిన భయపడొద్దని, ధైర్యంగా ముందుకెళ్లాలని, తమ టాలెంట్‌ చూపించాలని, నటిగానే కాదు టెక్నీషియన్‌ విభాగంలోనూ రాణించాలని చెప్పాడు నాగబాబు. ఆడపిల్లలపై ఎవడైనా ఏదైనా చేస్తే మడతపెట్టి లోపల వేసేస్తామని వెల్లడించారు నాగబాబు.
నిహారికా `ఢీ జూనియర్స్` షోకి యాంకర్‌గా చేసింది. ఆ తర్వాత ఆమె హీరోయిన్‌గా మారి `ఒక మనసు`, `హ్యాపీ వెడ్డింగ్‌`, `సూర్యకాంతం` చిత్రాల్లో హీరోయిన్‌గా నటించింది. ఈ మూవీస్‌ ఆడలేదు. ఆ తర్వాత చిరంజీవి `సైరా`లోనూ గెస్ట్ గా చిన్న పాత్రలో మెరిసింది. కానీ ఇది కూడా ఆడలేదు. ఆ తర్వాత ఆమె సినిమాలకు దూరమయ్యింది. చైతన్య జొన్నలగడ్డతో ఆమెకి 2020 డిసెంబర్‌9న వివాహమైంది. 2023 జులైలో విడిపోయారు.