రామ్‌చరణ్‌ వదిలేసిన స్క్రిప్ట్ తో ఫ్లాప్‌ అందుకున్న నాగచైతన్య.. పాపం నాగ్‌ జడ్జ్ మెంట్‌ తేడా కొట్టిందే?

గ్లోబల్‌ స్టార్‌ రామ్‌చరణ్‌ కెరీర్‌లో హిట్లు పరాజయాలున్నాయి. కానీ ఓ డిజాస్టర్‌ ని ఆయన తెలివిగా వదిలేశాడు. దీంతో నాగచైతన్య బలయ్యాడు. ఫస్ట్ లోనే దెబ్బేసింది.  

అక్కినేని ఫ్యామిలీ నుంచి ఏఎన్నార్‌, నాగార్జునల తర్వాత మూడో తరం నట వారసుడిగా నాగచైతన్య టాలీవుడ్‌లోకి అడుగుపెట్టాడు. ఆయన `జోష్‌` సినిమాతో హీరోగా ఎంటర్‌ అయ్యాడు. కాస్త లవ్‌, ఇంకాస్త మాస్‌ యాక్షన్‌ మేళవింపుగా ఈ మూవీ రూపొందింది. ఇందులో సీనియర్‌ నటి రాధిక కూతురు కార్తిక హీరోయిన్‌గా నటించింది. ఇందులో అటు నాగచైతన్య, ఇటు కార్తిక వెండితెరకి పరిచయం అయ్యారు. కానీ ఈ మూవీ డిజాస్టర్‌ అయ్యింది. 

వాసు వర్మ రూపొందించన ఈ మూవీ కాలేజ్‌ గొడవల నేపథ్యంలో సాగుతుంది. కాలేజ్‌ గొడవలకు, రాజకీయ గొడవలకు ముడిపెడుతూ రూపొందించారు. రాజకీయ నాయకులు స్టూడెంట్స్ ని తమ అవసరాలకు ఎలా వాడుకుంటున్నారనేది చూపించారు. ఈ గొడవల్లో ఇరుక్కున్న నాగచైతన్య.. దాని వల్ల ఎలాంటి సమస్యలు ఎదుర్కొన్నాడు, దాన్నుంచి ఎలా బయటపడ్డాడు అనేది కథ. కథ పరంగా బాగానే ఉంది. కానీ నాగచైతన్యకి సెట్‌ కాలేదు. ఎగ్జిక్యూషన్‌లో మిస్‌ ఫైర్‌ అయ్యింది. దీంతో సినిమా ఫ్లాప్‌ అయ్యింది. 

అయితే ఈ మూవీని మొదట చేయాల్సింది రామ్‌చరణ్‌. వాసు వర్మ ఈ కథతో రామ్‌ చరణ్‌ వద్దకు వెళ్లాడట. ఆయనకు, చిరంజీవికి కథని నెరేట్‌ చేశాడట. కొన్నాళ్లపాటు దీనిపై చర్చలు జరిగాయి. కానీ చివరికి పక్కన పెట్టారు. చిరంజీవినే ఈ మూవీని రిజెక్ట్ చేసినట్టు సమాచారం. దీంతో ఆ తర్వాత నాగచైతన్యకి వెళ్లగా, ఆయన ఓకే చేశాడు. 

నాగార్జున నటించిన `శివ` ఎంత పెద్ద విజయం సాధించిందో తెలిసిందే. నాగ్ కెరీర్‌కి పెద్ద బ్రేక్‌ ఇచ్చింది. ట్రెండ్‌ సెట్టర్‌గా నిలిచింది. అది కూడా కాలేజ్‌ గొడవల నేపథ్యంలోనే సాగుతుంది. దానికి రాజకీయాలను ముడిపెడుతూ వర్మ రూపొందించారు. ఆ సినిమా సంచలనం సృష్టించింది. దీంతో `జోష్‌`లో కూడా అలాంటి కంటెంటే ఉండటంతో నాగార్జున ఓకే చేశాడు. తనకు `శివ` లాంటి చిత్రం చైతూకి అవుతుందని భావించారు. కానీ బాక్సాఫీసు వద్ద బెడిసి కొట్టింది. 

అక్కినేన నట వారసుడు కావడం, చైతూ తొలి మూవీ కావడంతో భారీ బడ్జెట్‌తో నిర్మించారు. బడ్జెట్‌ పరంగా రాజీపడలేదు. గ్రాండ్‌ లాంఛింగ్‌ ప్లాన్‌ చేశారు. ఈ మూవీకి చైతూకి ఏకంగా 4కోట్ల పారితోషికం ఇచ్చినట్టు ప్రచారం జరిగింది. భారీగానే ప్లాన్‌ చేశారు, కానీ సినిమా బాక్సాఫీసు వద్ద సత్తా చాటలేకపోయింది. నిరాశ పరిచింది. ఇలా తెలివిగా రామ్‌చరణ్‌ ఈ మూవీని వదులుకోగా, చైతూ మాత్రం పరాజయాన్ని చవిచూడాల్సి వచ్చింది. ఈ మూవీ 19.5కోట్ల బిజినెస్‌ అయితే, 17కోట్ల కలెక్షన్లు వచ్చాయట. 

ఇక నాగచైతన్య `ఏం మాయ చేసావె` చిత్రంతో తొలి బ్రేక్‌ అందుకున్నారు. `100% లవ్‌`, `మనం`, `ప్రేమమ్‌`, `మజిలి`, `లవ్‌ స్టోరీ` చిత్రాలతో విజయాలను అందుకున్నారు. చివరగా ఆయన `కస్టడీ`తో డిజాస్టర్‌ అయ్యింది.ఇప్పుడు `తండేల్‌` మూవీ చేస్తున్నాడు. చందూ మొండేటి దర్శకుడు. సాయిపల్లవి హీరోయిన్‌గా నటిస్తుంది. దసరాకి ఈ మూవీ రాబోతుంది.