Mirna Menon : నాగార్జునను ఆ వరుసతో పిలిచిన ఏకైక యంగ్ హీరోయిన్... మిర్నా మీనన్ ఏమందంటే?

మలయాళం, తమిళ చిత్రాలతో యంగ్ హీరోయిన్ మిర్నా మీనన్ ప్రేక్షకులను అలరించింది. తెలుగులోనూ ఇప్పటికే రెండు చిత్రాల్లో నటించింది. ఆది సాయి కుమార్ సరసన ‘క్రేజీ ఫెలోస్’,  అల్లరి నరేశ్ సరసన ’ఉగ్రం’లో  ఫీమేల్ లీడ్ రోల్స్ లో  నటించింది. కానీ ఆ చిత్రాలతో మలయాళీ ముద్దుగుమ్మకు పెద్దగా గుర్తింపు రాలేదు.  

గతేడాది ప్రేక్షకుల ముందుకు వచ్చిన సూపర్ స్టార్ రజినీకాంత్ (Rajinikanth)  ‘జైలర్’తో మంచి క్రేజ్ దక్కించుకుంది. జైలర్ కోడలిగా వెండితెరపై అదరగొట్టింది. పద్ధతిగా మెరిసి ఆడియెన్స్ ను అట్రాక్ట్ చేసింది. 
 

‘జైలర్’ సక్సెస్ తో ఈ ముద్దుగుమ్మకు మళ్లీ తెలుగులో ఆఫర్లు అందుతున్నాయి. ఈ క్రమంలో ప్రస్తుతం అక్కినేని నాగార్జున (Akkineni Nagarjuna) లేటెస్ట్ ఫిల్మ్ ‘నా సామిరంగ’ (Naa Saami Ranga) లో అవకాశం దక్కించుకుంది. 

ఈ చిత్రంలో కీలక పాత్ర పోషిస్తోంది. ‘మంగ’గా అలరించబోతోంది. ఇప్పటికే ‘నా సామిరంగ’ నుంచి ఆమె ఫస్ట్ లుక్ పోస్టర్ విడుదలై ఆకట్టుకుంది. జనవరి 14న మూవీ గ్రాండ్ గా రిలీజ్ కానుంది. ఈ సందర్భంగా ప్రమోషన్స్ జరుగుతున్నాయి. 

అందులో భాగంగా మిర్నా మీనన్ నాగార్జున గురించి చెబుతూ ఓ పోస్ట్ పెట్టింది. ‘నా సామిరంగ’ సెట్స్ లో నాగార్జున పక్కన దిగిన ఫొటోను తన సోషల్ మీడియాలో షేర్ చేసింది. ఫొటోను పంచుకోవడంతో పాటు... ‘మా అన్నయ్య, నాగార్జున’తో అంటూ క్యాప్షన్ ఇచ్చింది. 
 

అయితే, నాగార్జున ఎప్పటి నుంచో హీరోయిన్లు ముద్దుగా ‘మన్మథుడు’ అని పిలుచుకుంటారు. ఇప్పటికీ ‘బిగ్ బాస్’ షోకు వచ్చిన యంగ్ బ్యూటీలు కూడా నాగ్ ను నవమన్మథుడు అంటూనే పొగుడుతూ ఆకాశానికి ఎత్తుతుంటారు. కానీ మిర్నా మాత్రం అన్నయ్య అనడం ఆక్తికరంగా మారింది. దీంతో నాగార్జున కుర్ర హీరోయిన్లతో ఎంత మర్యాదపూర్వకంగా ఉంటారో అర్థం చేసుకోవచ్చని అంటున్నారు.