Netflix Series: నెట్‌ఫ్లిక్స్‌లో టాప్ 5 సిరీస్‌లు.. మళ్లీ మళ్లీ చూడాలనిపించే వెబ్ మూవీస్ ఇవే

Must Watch Netflix Series: ప్రస్తుతం నెట్‌ఫ్లిక్స్ ఓటీటీలో 5 వెబ్ సిరీస్‌లు తెగ ట్రెండ్ అవుతున్నాయి. లవ్, సస్పెన్స్, యాక్షన్, థ్రిల్లర్.. ఇలా ఒక్కో సిరీస్ ఒక్కో రకమైన అనుభూతిని ఇస్తోంది. అవేంటో వివరంగా చూద్దాం.

Image Credit : Netflix

ట్రెండింగ్ వెబ్ సిరీస్‌లు

వీకెండ్‌లో ఏం చూడాలా అని చాలామందికి కన్‌ఫ్యూజన్ ఉంటుంది. ముఖ్యంగా సస్పెన్స్, థ్రిల్లర్, లవ్, యాక్షన్ లాంటి వెరైటీ కథలను ఇష్టపడే వాళ్లంతా ఇప్పుడు నెట్‌ఫ్లిక్స్ వైపు చూస్తున్నారు. ఈ మధ్య ప్రపంచవ్యాప్తంగా బాగా పాపులర్ అయిన ఐదు వెబ్ సిరీస్‌లు ప్రేక్షకులను ఆకట్టుకుంటున్నాయి. ప్రతి సిరీస్ భిన్నమైన కథ, వేగవంతమైన స్క్రీన్‌ప్లేతో ప్రత్యేక అనుభూతిని ఇస్తుంది.

Image Credit : Netflix

బ్రిడ్జర్టన్ సీజన్ 4

ఈ లిస్ట్‌లో మొదటగా చెప్పుకోవాల్సింది 'బ్రిడ్జర్టన్ సీజన్ 4' గురించి. ఒక మాస్క్ పార్టీలో కలిసిన మిస్టీరియస్ అమ్మాయి కోసం బెనెడిక్ట్ బ్రిడ్జర్టన్ వెతకడమే ఈ సిరీస్ కథ. సామాజిక హోదా, వర్గ బేధాలను దాటి సాగే ఈ ప్రేమకథపై అభిమానుల్లో అంచనాలు పెరిగాయి. ఇక సౌత్ కొరియా విద్యావ్యవస్థలోని అధికార దుర్వినియోగం, విద్యార్థుల వేధింపుల నేపథ్యంలోని 'టీచ్ యూ ఎ లెసన్' సిరీస్ కూడా అందరి దృష్టిని ఆకర్షిస్తోంది.

Image Credit : Netflix

హిస్ అండ్ హెర్స్

థ్రిల్లర్ ప్రియులకు 'హిస్ అండ్ హెర్స్' సిరీస్ కొత్త అనుభూతిని ఇస్తుంది. తన సొంత ఊరిలో జరిగిన హత్య కేసును ఓ మాజీ న్యూస్ యాంకర్ విచారిస్తుంటుంది. అయితే, ఆ కేసుకు ఇన్వెస్టిగేషన్ ఆఫీసర్ తన మాజీ భర్తే అని తెలుసుకుంటుంది. ఆ తర్వాత బయటపడే రహస్యాలు కథను సైకలాజికల్ థ్రిల్లర్‌గా మారుస్తాయి. అలాగే 'వన్ పీస్ సీజన్ 2'లో లఫీ, అతని టీమ్ చేసే కొత్త సాహసాలు కూడా ప్రేక్షకులను ఆకట్టుకుంటున్నాయి.

Image Credit : Netflix

ది వండర్ఫుల్ ఫూల్స్

మరో సిరీస్ 'ది వండర్‌ఫుల్ ఫూల్స్'. 1990ల చివర్లో ప్రపంచం అంతమైపోతుందనే భయాలు వ్యాపించిన కాలాన్ని ఇది నేపథ్యంగా తీసుకుంది. సమాజం వెలివేసిన కొందరికి అనుకోకుండా అద్భుత శక్తులు వస్తాయి. ఆ తర్వాత వారి జీవితాల్లో వచ్చే మార్పులే ఈ కథ. ఫాంటసీ, సస్పెన్స్ కలగలిసిన ఈ సిరీస్ చాలామందిని ఆకట్టుకుంటోంది.

Image Credit : Netflix

చూడాల్సిన వెబ్ సిరీస్

మొత్తం మీద ఈ వారం నెట్‌ఫ్లిక్స్.. లవ్, మిస్టరీ, క్రైమ్, యాక్షన్, ఫాంటసీ.. ఇలా అన్ని జానర్ల ప్రేక్షకులకు నచ్చే కంటెంట్‌ను అందిస్తోంది. బోర్ కొట్టకుండా ఎక్కువసేపు చూసే వెబ్ సిరీస్‌ల కోసం వెతికేవారికి ఈ ఐదు సిరీస్‌లు బెస్ట్ ఛాయిస్ అవుతాయి.