ఈ సినిమాలు ఫ్లాప్ అవుతాయని ఎవరైనా ఊహించారా!
కొన్ని సినిమాలపై షూటింగ్ దశలోనే భారీ అంచనాలు మొదలవుతాయి. అభిమానుల్లో ఈ చిత్రం మినిమమ్ గ్యారెంటీ హిట్ అనే నమ్మకం ఏర్పడుతుంది. కానీ సినిమా రిలీజయ్యాక సీన్ రివర్స్ అవుతుంది. రీసెంట్ గా రిలీజై ఊహించని విధంగా పరాజయం చెందిన చిత్రాలు ఇవే.
పడి పడి లేచే మనసు : సాయి పల్లవి, శర్వానంద్ జంటగా నటించిన ఈ చిత్రానికి హను రాఘవపూడి దర్శకుడు. రొమాంటిక్ ఎంటర్ టైనర్ గా తెరకెక్కిన ఈ చిత్రంపై రిలీజ్ కు ముందు మంచి అంచనాలు ఉన్నాయి. కానీ సినిమా నిరాశపరిచింది.
మిస్టర్ మజ్ను: తొలిప్రేమ చిత్రంతో రొమాంటిక్ హిట్ అందుకున్న వెంకీ అట్లూరి ఈ చిత్రానికి దర్శకుడు కావడంతో ఈ సారి అఖిల్ కు హిట్ పక్కా అని అంతా భావించారు. కానీ మిస్టర్ మజ్ను ఆకట్టుకోలేకపోయింది.
అంతరిక్షం : వరుణ్ తేజ్ నటించిన ప్రయోగాత్మక చిత్రం ఇది. ఈ చిత్ర దర్శకుడు సంకల్ప్ రెడ్డి అంతకు ముందు సబ్ మెరైన్ కథతో తెరకెక్కిన ఘాజి చిత్రంతో మ్యాజిక్. అదే తరహాలో అంతరిక్షం కూడా ఉంటుందని అనుకున్నారు. కానీ అంతరిక్షం చిత్రం ఆశించిన స్థాయిలో ఆకట్టుకోలేదు.
స్పైడర్ : మురుగదాస్, సూపర్ స్టార్ మహేష్ బాబు కాంబినేషన్ లో వచ్చిన ఈ చిత్రంపై కనీవినీ ఎరుగని రీతిలో అంచనాలు ఉన్నాయి. కానీ ఈ చిత్రాన్ని మురుగదాస్ తెలుగు ఆడియన్స్ కు కనెక్ట్ అయ్యేలా తీయడంలో విఫలమయ్యారు.
అజ్ఞాతవాసి: పవర్ స్టార్ పవన్ కళ్యాణ్, మాటల మాంత్రికుడు త్రివిక్రమ్ శ్రీనివాస్ హ్యాట్రిక్ కాంబినేషన్ లో వచ్చిన చిత్రం ఇది. ఈ సినిమా నిరాశపరుస్తుందని ఎవరూ ఊహించి ఉండరు. భారీ అంచనాల నడుమ విడుదలై పవన్ అభిమానులని సైతం ఈ చిత్రం నిరాశపరిచింది.
కృష్ణార్జున యుద్ధం: నాని నటించిన ఈ చిత్రం కూడా కామెడీ పరంగా మెప్పిస్తుందని భావించారు. కానీ ఏరకంగా ఈ చిత్రం ఆకట్టుకోలేకపోయింది.
నా పేరు సూర్య: కథా రచయిత వక్కంతం వంశీ దర్శకత్వం వహించిన తొలి చిత్రం ఇది. అల్లు అర్జున్ ఆర్మీ ఆఫీసర్ గా ట్రైలర్స్ లో పవర్ ఫుల్ గా కనిపించాడు. దీనితో నాపేరు సూర్య పెద్ద విజయం సాధిస్తుందని అంతా అనుకున్నారు. ఈ చిత్రం పూర్తి స్థాయిలో ఆకట్టుకోలేక పోయింది.
వినయ విధేయ రామ : ఇక బోయపాటి దర్శకత్వంలో రాంచరణ్ నటించిన చిత్రం ఇది. ఈ చిత్రం మాస్ హిట్ పక్కా అని అంతా భావించారు. కానీ సంక్రాంతికి విడుదలైన వినయవిధేయరామ తీవ్రంగా నిరాశపరిచింది.
నోటా : విజయ్ దేవరకొండ నటించిన ఈ చిత్రం పొలిటికల్ కథాంశంతో తెరకెక్కింది. గీతా గోవిందం లాంటి సూపర్ హిట్ తర్వాత విజయ్ దేవరకొండ నటించిన ఈ చిత్రం ఆకట్టుకోలేకపోయింది.
శైలజారెడ్డి అల్లుడు : దర్శకుడు మారుతి, నాగచైతన్య కాంబినేషన్ లో వచ్చిన చిత్రం ఇది. మంచి వినోదాన్ని అందిస్తుందనుకున్న ఈ చిత్రం కూడా మెప్పించలేదు.
ఎన్టీఆర్ బయోపిక్ : బాలయ్య నటించిన ఎన్టీఆర్ జీవిత కథ రెండు తెలుగురాష్ట్రాల ప్రేక్షకులని ఆకట్టుకోవడం ఖాయం అని అంత భావించారు. కానీ ఎన్టీఆర్ బయోపిక్ గా తెరకెక్కిన ఎన్టీఆర్ కథానాయకుడు, మహానాయకుడు చిత్రాలు దారుణంగా పరాజయం చెందాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
