- Home
- Entertainment
- Mohan Babu: ఎన్టీఆర్ తో సినిమా చేశాక మోహన్బాబు పని అయిపోయిందన్నారు.. తిరిగి టాప్లో నిలబెట్టిన మూవీ ఏంటో తెలుసా?
Mohan Babu: ఎన్టీఆర్ తో సినిమా చేశాక మోహన్బాబు పని అయిపోయిందన్నారు.. తిరిగి టాప్లో నిలబెట్టిన మూవీ ఏంటో తెలుసా?
ఎన్టీఆర్తో `మేజర్ చంద్రకాంత్`లో నటించారు మోహన్ బాబు.. ఆ తర్వాత చేసిన సినిమాలు ఆడకపోవడంతో ఇక మోహన్ బాబు పని అయిపోయిందన్నారు. కానీ ఒక్క సినిమా అన్ని లెక్కలు మార్చేసింది.
మేజర్ చంద్రకాంత్తో హిట్ అందుకున్న మోహన్ బాబు
ఎన్టీఆర్, మోహన్ బాబు కలిసి సినిమాలు చేశారు. కానీ వీరిద్దరి కాంబినేషన్లో వచ్చిన బిగ్గెస్ట్ మూవీ `మేజర్ చంద్రకాంత్`. కె రాఘవేంద్రరావు దర్శకత్వంలో రూపొందిన చిత్రమిది. ఇందులో ఎన్టీఆర్ పాత్ర చాలా బలంగా ఉంటుంది. ఓ రకంగా ఆయనే హీరో అనేలా ఉంటుంది. మోహన్బాబు పాత్ర క్యారెక్టర్ ఆర్టిస్ట్ లానే ఉంటుంది. సినిమా మాత్రం పెద్ద హిట్ అయ్యింది. అయితే ఈ మూవీ తర్వాత మోహన్ బాబు చాలా విమర్శలు ఫేస్ చేశారు. ఇందులో ఎన్టీఆరే హీరో అని అంతా అన్నారు.
మోహన్ బాబు పని అయిపోయిందన్నారు
అంతేకాదు ఆ తర్వాత మోహన్ బాబు చేసిన సినిమాలు ఆడలేదు. ఆయన సోలో హీరోగా చేసిన సినిమాలు పరాజయం చెందాయి. వరుసగా మూడు నాలుగు సినిమాల విషయంలో అదే జరిగింది. `రౌడీ మొగుడు`, `అల్లరి పోలీస్`, `పుణ్యభూమి నాదేశం` పెద్దగా ఆడలేదు. `ఎం ధర్మరాజు ఎంఏ` కూడా యావరేజ్గానే ఆడింది. దీంతో అనేక విమర్శలు ఫేస్ చేశాడు కలెక్షన్ కింగ్. ఈ క్రమంలో తానేంటో చూపించారు మోహన్ బాబు. ఒక్క సినిమాతో ఇండస్ట్రీ రికార్డులు తిరగరాశారు. ఇక హీరోగా అయిపోయిందనుకున్న వారిచేతే టాప్ స్టార్గా పిలిపించుకున్నారు. మరి అంతగా మోహన్బాబుని టాప్ స్టార్గా నిలబెట్టిన మూవీ ఏంటనేది చూస్తే.. అదే `పెదరాయుడు`.
మోహన్బాబు ని టాప్లో నిలబెట్టిన పెదరాయుడు
`పెదరాయుడు` మూవీలో మోహన్ బాబు ద్విపాత్రాభినయం చేశారు. రజనీకాంత్ గెస్ట్ రోల్ చేశారు. దీన్ని రవిరాజా పినిశెట్టి రూపొందించారు. భానుప్రియ, సౌందర్య హీరోయిన్లుగా నటించారు. ఈ చిత్రం 1995 జూన్ 15న విడుదలైంది. టాలీవుడ్లో బిగ్గెస్ట్ బ్లాక్ బస్టర్గా నిలిచింది. ఓ రకంగా ఆ ఏడాది ఇండస్ట్రీ హిట్ గా నిలిచిందని చెప్పొచ్చు. ఈ సినిమా విజయంతో ఒక్కసారిగా టాప్లోకి వచ్చారు మోహన్ బాబు. టాలీవుడ్ టాప్ స్టార్స్ లో ఒకరిగా నిలిచారు. ఈ సినిమా ప్రభావం చాలా ఏళ్లు ఉంది. ఆ తర్వాత మోహన్ బాబుకి ఎన్ని పరాజయాలు వచ్చినా, ఆయన ఇమేజ్ ఏమాత్రం తగ్గలేదని చెప్పొచ్చు.
ఇప్పుడు క్యారెక్టర్స్ చేస్తున్న మోహన్బాబు
`పెదరాయుడు` తర్వాత `అదిరింది అల్లుడు`, `వీడెవడండి బాబు`, `అన్నమయ్య`, `రాయుడు`, `ఖైదీ గారు`, `శ్రీరాములయ్య`, `యమజాతకుడు`, `పోస్టమన్`, `రాయలసీమ రామన్న చౌదరి`, `తప్పు చేసి పప్పు కూడు` వంటి చిత్రాలతో విజయాలు అందుకున్నారు. ఆ తర్వాత మళ్లీ ఆయనకు ఆ స్థాయి విజయాలు రాలేదు. ఇప్పుడు కొంత గ్యాప్ తీసుకున్న మోహన్ బాబు ప్రస్తుతం క్యారెక్టర్ ఆర్టిస్ట్ గా, విలన్గా చేస్తున్నారు. `పారడైజ్`లో విలన్గా కనిపించబోతున్నారు. త్వరలో రిలీజ్ కాబోతున్న `శ్రీనివాస మంగాపురం`లోనూ నటించారు.
