నాని 'హాయ్ నాన్న' చిత్రానికి మెగా డాటర్ నిహారిక క్రేజీ రివ్యూ..అబద్ధం కాదు, ఇకపై ఆ పేరు ప్రతిధ్వనిస్తుంది

నేచురల్ స్టార్ నాని నటించిన లేటెస్ట్ మూవీ 'హాయ్ నాన్న'. నూతన దర్శకుడు శౌర్యువ్ తెరకెక్కిస్తున్న ఈ చిత్రంలో మృణాల్ ఠాకూర్ హీరోయిన్ గా నటించింది. తండ్రి కూతుళ్ళ సెంటిమెంట్ తో పాటు ఆకట్టుకునే ప్రేమ కథతో కూడా ఈ చిత్రం డిసెంబర్ 7న అంటే నేడు ప్రేక్షకుల ముందుకు వచ్చింది. 

ఎమోషనల్ గా ఆకట్టుకునే చిత్రం అంటూ హాయ్ నాన్న చిత్రానికి ప్రేక్షకుల నుంచి రెస్పాన్స్ వస్తోంది. క్లాసీగా ఆకట్టుకుంటూ ఫ్యామిలీ ఆడియన్స్ కి మంచి ట్రీట్ లాంటి చిత్రం అనే రివ్యూలు ఫిలిం క్రిటిక్స్ ఇస్తున్నారు. నాని ఇలాంటి ఎమోషనల్ కథలు చేస్తూ అప్పుడప్పుడూ దసరా లాంటి మాస్ కథలతో ఆకట్టుకుంటున్నారు. 

హాయ్ నాన్న చిత్రం రిలీజ్ కావడంతో ఈ చిత్రానికి సెలెబ్రిటీల నుంచి కూడా మంచి రెస్పాన్స్ మొదలైంది. ముందుగా మెగా డాటర్ నిహారిక కొణిదెల హాయ్ నాన్న చిత్రాన్ని వీక్షించారు. ఈ మూవీ చూసిన అనంతరం నిహారిక సోషల్ మీడియాలో రివ్యూ ఇచ్చింది. 

హాయ్ నాన్న చిత్రం గురించి వర్ణించడానికి నాకు మాటలు రావడం లేదు. ఈ అద్భుతమైన చిత్రాన్ని చూస్తే మీకు మీరు మంచి చేసుకున్న వారు అవుతారు. నాని, మృణాల్ ఠాకూర్ నటన అద్భుతం. హేషం అబ్దుల్ వాహబ్ ఇచ్చిన సంగీతం హృదయాలు దోచుకునేలా ఉంది. 

శౌర్యువ్.. ఇక ఈ పేరు అంతటా ప్రతిధ్వనిస్తూ వినిపిస్తుంది. నేను అబద్దం చెప్పడం లేదు. ఈ విషయం గురించి ఆల్రెడీ శౌర్యువ్ కి చెప్పా అంటూ నిహారిక ఇచ్చిన రివ్యూ వైరల్ గా మారింది. 

ఇక హాయ్ నాన్న చిత్రం కాస్త స్లోగా సాగుతున్నట్లు ప్రేక్షకుల నుంచి వస్తున్న నెగిటివ్ రెస్పాన్స్. రేపు డిసెంబర్ 8న నితిన్ ఎక్స్ట్రా ఆర్డినరీ మ్యాన్ చిత్రం రాబోతోంది. రెండు వారాల తర్వాత బాక్సాఫీస్ సునామి ప్రభాస్ సలార్ రాబోతోంది. ఈ నేపథ్యంలో హాయ్ నాన్న చిత్రం ఏ స్థాయిలో వసూళ్లు సాధిస్తుందో చూడాలి.