కుర్ర మాస్టర్ చిలిపి పని, మోనాల్ కి అందరి ముందే ముద్దు పెట్టి షాక్ ఇచ్చాడు!
బిగ్ బాస్ షోతో మోనాల్ గజ్జర్ ఫేమ్ తో పూర్తిగా మారిపోయింది. ఆమెకు సినిమా అవకాశాలతో పాటు... అనేక బుల్లితెర షోలలో కనిపించే అవకాశాలు దక్కుతున్నాయి. అప్పటి వరకు కొన్ని సినిమాలలో నటించినా మోనాల్ కి బ్రేక్ రాలేదు.
బిగ్ బాస్ షో ఆమె కెరీర్ కి బూస్ట్ ఇచ్చింది. ఫైనల్ కి ముందు ఎలిమినేటైన మోనాల్ పై ప్రేక్షకుల్లో నెగెటివిటీ బాగా కనిపించింది. ఆమె డ్రెస్సింగ్ స్టైల్, అఫైర్స్ ని కొందరు తీవ్రంగా విమర్శించారు. కానీ ఆమె షో నుండి ఎలిమినేట్ కాకుండా, చివరి వరకు కొనసాగింది.
బిగ్ బాస్ హౌస్ నుండి బయటికి వచ్చాక అల్లు అదుర్స్ మూవీలో ఓ స్పెషల్ సాంగ్ చేసింది మోనాల్. ఇక స్టార్ మా లో కొత్తగా మొదలైన డాన్స్ ప్లస్ షోలో మోనాల్ జడ్జిగా కొనసాగుతున్నారు.
కాగా తాజా ఎపిసోడ్ లో ఓ ఆసక్తికర పరిణామం చోటు చేసుకుంది. కన్నా మాస్టర్ ఏకంగా అందరి ముందు మోనాల్ కి ముద్దు ఇచ్చాడు. జడ్జి కుర్చీలో నుండి, వేదికపైకి తీసుకొచ్చి మరి ఆమెకు కిస్ ఇవ్వడం జరిగింది.
ఓ ఎపిసోడ్ లో మంచి పెర్ఫార్మన్స్ కనబరిచిన కన్నా మాస్టర్ ని మోనాల్ అభినందించారు. ఏకంగా తనను వేదికపై నుండి తీసుకెళ్లి తన కుర్చీలో కుర్చోపెట్టింది.దానితో మేడం మోనాల్ కోసం నేను ఏదైనా చేస్తానని కన్నా మాస్టర్ చెప్పాడు.
మోనాల్ కోరిన విధంగా లేటెస్ట్ ఎపిసోడ్ కోసం పట్టు వస్త్రాలలో వచ్చిన కన్నా మాస్టర్, మోనాల్ ని వేదికపై తీసుకు వచ్చాడు. ఆమెకు గులాబీ పువ్వు ఇవ్వడంతో పాటు, మోకాళ్లపై కూర్చొని రొమాంటిక్ గా చేయి అందుకొని ముద్దు పెట్టాడు.
కన్నా చర్యకు షో మిగతా జడ్జెస్ తో పాటు, కంటెస్టెంట్స్ షాక్ తిన్నారు. మోనాల్ ని అతడు కిస్ చేయడం నిజంగా సంచలనమే అని చెప్పాలి.
అలాగే ఈ షోలో మరో జడ్జిగా ఉన్న బాబా భాస్కర్, కంటెస్టెంట్ చొక్కా విప్పాడని, తానూ కూడా చొక్కా విప్పి స్టేజ్ పై కండలు ప్రదర్శించారు. ప్రోమోలో ఇదే చూపిస్తా అంటూ, యాంకర్ ఓంకార్ అతన్ని భయపెట్టాడు.
మరోవైపు మోనాల్ తన బిగ్ బాస్ హౌస్ మేట్ అఖిల్ తో స్నేహం కొనసాగిస్తోంది. వీరి మధ్య ఉన్న బంధం ఏమిటో ఇప్పటికి స్పష్టంగా చెప్పడం లేదు ఈ జంట.