Prema Entha Madhuram: పట్టలేని ఆనందంలో మాన్సీ.. అను ఇకపై భర్తకు దూరంగా ఉండనుందా?

Prema Entha Madhuram: జీ తెలుగులో ప్రసారమవుతున్న ప్రేమ ఎంత మధురం సీరియల్ మంచి కంటెంట్ తో టాప్ రేటింగ్ ని సంపాదించుకుంటుంది. భార్య తనని వదిలి వెళ్ళిపోవటానికి కారణం తెలియక సతమతమవుతున్న  ఒక భర్త కథ ఈ సీరియల్. ఈరోజు మే 23 ఎపిసోడ్ లో ఏం జరిగిందో చూద్దాం. 

ఎపిసోడ్ ప్రారంభంలో కారణం తెలియదు కానీ తను ఈ హాస్పిటల్ పరిసర ప్రాంతాల్లోనే ఉంటుంది. ఎక్కువ దూరం వెళ్లి ఉండదు అంటాడు ఆర్య. తలోవైపు వెళ్లి వెతుకుతారు ఆర్య వాళ్ళు. ఈలోపు అను మెల్లగా నడుచుకుంటూ ఇద్దరు పిల్లల్ని ఎత్తుకోలేక గుడిలోకి వెళ్తుంది. ఈరోజు ఆర్య కి అపరిచితురాలు ఫోన్ చేసి ట్విన్స్ పుట్టారంట కదా కంగ్రాట్స్ అని చెప్తుంది.

ఇంతలో మళ్ళీ తనే సారీ.. పిల్లల్ని తీసుకొని మీ ఆవిడ వెళ్లిపోయిందంట కదా అంటూ వెటకారంగా మాట్లాడుతుంది. ఆర్య ఏదో కోపంగా మాట్లాడబోతే ప్రామిస్ అను వెళ్లిపోవటానికి నాకు ఏ సంబంధం లేదు. ఇప్పటివరకు నా మీద కాన్సన్ట్రేషన్ పెట్టాను అంటే ఎక్కడ దొరికిపోతాను అని టెన్షన్ పడ్డాను కానీ ఇప్పుడు నాకు ఆ టెన్షన్ లేదు.

ఎందుకంటే నీ పెళ్ళాం పిల్లల్ని వెతుక్కోవటంతోనే నీకు సరిపోతుంది అంటూ ఆనంద పడుతూ ఫోన్ పెట్టేస్తుంది. మరోవైపు ఆర్య వాళ్ళు కార్లో వెతకడం ప్రారంభిస్తారు. అను వెళ్లిన గుడి ముందు కారు ఆపమంటాడు ఆర్య. ఏమైంది ఆర్య అంటాడు జెండే. హాస్పిటల్ కి దగ్గర్లో ఉన్న గుడి ఇదే నాకు ఎందుకో అను ఇక్కడే ఉందనిపిస్తోంది పదా లోపలికి వెళ్దాం అంటాడు.

నీరజ్, జెండే, ఆర్య ముగ్గురు గుడిలో తలోవైపు వెళ్తారు. గుడిలో ఉన్న అను అమ్మవారిని చూస్తూ నేను ఇలా ఎందుకు వచ్చేసానో నీకు బాగా తెలుసు.. నా భర్తకి నేనంటే ప్రాణం నన్ను వెతుక్కుంటూ వస్తారు. వాళ్ళ కంట పడకుండా చూసే బాధ్యత నీదే అంటూ మొక్కుకుంటుంది. దండం పెట్టుకుని వెనక్కి తిరిగేసరికి దూరంగా ఆర్య కనిపిస్తాడు. కంగారుపడుతూ మెల్లగా వెనక్కి తప్పుకుంటుంది అను.

ఈ లోపు జెండే, నీరజ్ వచ్చి అను ఇక్కడ లేదు ఆర్య ఇక్కడికి రాలేదేమో పద వెళ్లి బయట వెతుకుదాం అంటాడు జెండే. కాదు జెండే తను ఇక్కడే ఉంది తనకి నేను చాలా దగ్గరలో ఉన్నాను అనిపిస్తుంది మరొకసారి వెతుకుదాం అనటంతో మళ్ళీ వెతుకులాట ప్రారంభిస్తారు నీరజ్ వాళ్లు. ఆ మాటలు విన్న అను బాధతో కన్నీరు పెట్టుకుంటుంది. అను ఇద్దరు పిల్లలతో వెళ్ళటానికి ఒక పూజారి చూస్తారు.

అనుకోకుండా అదే పంతులు గారి దగ్గరికి వెళ్లి అను ఫోటో చూపించి ఈ అమ్మాయిని ఎక్కడైనా చూసారా అని అడుగుతాడు. ఇప్పుడే అటువైపు వెళ్ళింది బాబు అని చెప్పడంతో అందరూ పూజారి చెప్పిన వైపు వెళ్లి వెతకటం ప్రారంభిస్తారు. మరోవైపు శారదమ్మ దిగులుగా కూర్చుని ఉంటుంది. ఆమెకి ధైర్యం చెపుతూ ఉంటుంది అంజలి.

అను దొరికిందేమో ఒకసారి నీరజ్ కి ఫోన్ చేసి కనుక్కో అంటుంది శారదమ్మ. అంజలి నీరజ్ కి ఫోన్ చేసి  విషయం కనుక్కుంటుంది. వదినమ్మ దొరకలేదు వెతుకుతున్నాము దొరికిన వెంటనే నేనే ఫోన్ చేస్తాను అని నీరజ్ చెప్పడంతో ఫోన్ పెట్టేసి శారదమ్మకి అదే విషయాన్ని చెప్తుంది అంజలి. శారదమ్మ బాధపడుతుంది. కానీ మాన్సీ మాత్రం తను దొరకదు ఇక మీదట ఈ ఇంటికి రావడం కూడా జరగదు అంటూ ఆనందంగా మనసులోనే అనుకుంటుంది. పిల్లలు పుట్టారని ఆనందించే లోపు పిల్లలు తీసుకుని అని వెళ్ళిపోయింది ఇద్దరు పిల్లలతో తను ఎంత అవస్థ పడుతుందో ఏంటో.. అయినా అను ఎప్పుడు అలా చేయదు అయినా అలా వెళ్ళిపోయింది అంటే కారణం ఏమిటో అర్థం కావడం లేదు.

ఇది ఏ జన్మ పాపమో అంటూ బాధపడుతుంది శారదమ్మ. మరోవైపు ఆర్య గుడి పైకి ఎక్కి చుట్టూ వెతుకుతాడు. ఎక్కడ కనిపించకపోవడంతో పానిక్ అయిపోతాడు. మనం ఎన్ని కబుర్లు చెప్పుకున్నామో నిన్ను వదిలి నేను నన్ను వదిలి నువ్వు ఉండలేవు అని తెలుసు అయినా అలా వెళ్ళిపోవటానికి కారణమేంటి నీకు అంత కష్టం వచ్చింది అని బాధపడతాడు. ఆర్య బాధపడటం చూసి అను కూడా బాధపడుతుంది. మనం ఇద్దరం ఒకరిని విడిచి ఒకరం బ్రతకలేము కానీ కలిసి ఉండే పరిస్థితి లేదు అందుకు కారణం చెప్పుకోలేను అని కన్నీరు పెట్టుకుంటుంది. చేతిలో ఉన్న ఇద్దరు బిడ్డలలో ఒక బిడ్డని కింద పడుకోబెడుతుంది. తర్వాత ఏం జరిగిందో రేపటి ఎపిసోడ్ లో చూద్దాం.