ఉదయ్ కిరణ్ 'మనసంతా నువ్వే' నటి నిశ్చితార్థం.. వరుడు ఎవరో తెలుసా, ఫొటోస్ వైరల్
ఉదయ్ కిరణ్ కెరీర్ పీక్స్ లో ఉన్న టైంలో పడిన మరో బ్లాక్ బస్టర్ మూవీ 'మనసంతా నువ్వే'. ఆ టైం లో ఉదయ్ కిరణ్ లవర్ బాయ్ గా వరుస విజయాలు అందుకుంటున్నాడు.
ఉదయ్ కిరణ్ కెరీర్ పీక్స్ లో ఉన్న టైంలో పడిన మరో బ్లాక్ బస్టర్ మూవీ 'మనసంతా నువ్వే'. ఆ టైం లో ఉదయ్ కిరణ్ లవర్ బాయ్ గా వరుస విజయాలు అందుకుంటున్నాడు. మనసంతా నువ్వే చిత్రం ఎప్పుడు చూసినా చాలా రిఫ్రెషింగ్ గా అనిపిస్తుంది. ఆ చిత్రంలో ఆర్పీ పట్నాయక్ అందించిన సాంగ్స్, సునీల్ కామెడీ.. హీరో హీరోయిన్ల మధ్య సస్పెన్స్ తో కొనసాగే లవ్ ట్రాక్, ఎమోషన్స్ అన్ని హై లైట్ గా నిలిచాయి.
ఉదయ్ కిరణ్ కి జోడిగా ఈ చిత్రంలో రీమా సేన్ నటించింది. పరుచూరి బ్రదర్స్ ఈ చిత్రానికి స్క్రీన్ ప్లే అందించారు. ఈ చిత్రంలో చిన్ననాటి హీరోయిన్ గా అప్పటి చైల్డ్ ఆర్టిస్ట్ సుహాని కలిత నటించింది. చాలా క్యూట్ గా నటించి మెప్పించింది. తూనీగా తూనీగా సాంగ్ లో సుహాని భలే అలరించింది.
చైల్డ్ ఆర్టిస్ట్ గా అలరించిన సుహాని ప్రస్తుత వయసు ఎంతో తెలుసా.. 30 ఏళ్ళు. పెళ్లీడుకి వచ్చిన ఈ బ్యూటీ త్వరలో పెళ్లి పీటలు ఎక్కబోతోంది. ఇటీవలే ఆమె నిశ్చితార్థం కూడా జరిగింది. ఆమె నిశ్చితార్థానికి సంబంధించిన ఫోటోలు సోషల్ మీడియాలో వైరల్ గా మారాయి.
సుహాని వివాహం చేసుకోబోయే వరుడి పేరు విభర్ హసీజా. విభర్ మమ్యూజిక్ ఆర్టిస్ట్ గా, మోటివేషనల్ స్పీకర్ గా గుర్తింపు పొందారు. విభర్, సుహాని నిశ్చితార్థం ఇటీవలే జరిగింది. నిశ్చితార్థం కోసం కలిత అందమైన లెహంగాలో మెరిసింది.
ఇదిలా ఉండగా సుహాని కలిత 1996లోనే బాల రామాయణంలో చైల్డ్ ఆరిస్ట్ గా ఎంట్రీ ఇచ్చింది. ఆ తర్వాత ప్రేమంటే ఇదేరా, గణేష్, ఎలా చెప్పను లాంటి చిత్రాల్లో చైల్డ్ ఆర్టిస్ట్ గా నటించింది.
వయసొచ్చాక కలిత హీరోయిన్ గా కూడా తన అదృష్టాన్ని పరీక్షించుకుంది. కానీ హీరోయిన్ గా సక్సెస్ కాలేకపోయింది. సందీప్ కిషన్ సరసన స్నేహ గీతం చిత్రంలో హీరోయిన్ గా నటించింది.
