Mamitha Baiju: అప్పుడు సూర్యను కలవలేక కన్నీళ్లు.. ఇప్పుడు ఆయన పక్కనే హీరోయిన్‌గా, లైఫ్‌ టర్నింగ్‌ మూమెంట్

Mamitha Baiju: 2015లో 8వ తరగతి చదువుతున్నప్పుడు యాక్టర్ సూర్యను కలవలేకపోయానని ఓ అమ్మాయి చాలా బాధపడింది. కానీ ఇప్పుడు, అదే సూర్య సినిమాలో హీరోయిన్‌గా, అదే ప్లేస్‌లో ఆయనతో కలిసి ఎంట్రీ ఇచ్చింది.

Image Credit : insta

8వ తరగతిలో సూర్యని కలవాలనుకున్న మమితా బైజు

నటి మమితా బైజు సినీ ప్రయాణంలో ఓ అందమైన 'ఫుల్ సర్కిల్' మూమెంట్ ఇది. తమిళ నటుడు సూర్య సినిమాలో హీరోయిన్‌గా ఛాన్స్ రావడం ఆమెకు కేవలం సినిమా అవకాశమే కాదు, చిన్ననాటి కల నిజమైన క్షణం కూడా. మమితా బైజు 8వ తరగతి చదువుతున్నప్పుడు, కేరళలోని లులూ మాల్‌కి ఓ కార్యక్రమానికి సూర్య వచ్చారు. అప్పుడు సూర్యను ఒక్కసారైనా కలవాలని చిన్నారి మమిత చాలా ఆశపడింది.

Image Credit : X

సూర్యని కలిసే ఛాన్స్ మిస్‌

సూర్య దగ్గరికి వెళ్లి ఫోటో దిగాలని మమిత ఎంతో ఆశపడింది. కానీ, వాళ్ల పేరెంట్స్ ఆమెను ఆ కార్యక్రమానికి తీసుకెళ్లడానికి ఒప్పుకోలేదు. దీంతో తన ఫేవరెట్ హీరోను కలిసే ఛాన్స్ మిస్ అయింది.

Image Credit : others

సూర్యని మిస్‌ చేసుకున్నందుకు మమితాలో బాధ

మమితా వాళ్ల అన్నయ్య, అతని ఫ్రెండ్స్ సూర్యను కలిసి ఆయనతో ఫోటో దిగారు. ఆ ఫోటోను మమితాకు చూపించడంతో, తాను మాత్రం సూర్యను కలవలేకపోయాననే బాధ ఆమెలో మరింత పెరిగింది.

Image Credit : insta

హీరోయిన్‌గా మారిన మమితా బైజు

కాలం మారింది. ఆ చిన్నారి పెరిగి, నటిగా ఇండస్ట్రీలోకి అడుగుపెట్టింది. కానీ చిన్ననాటి ఆ జ్ఞాపకం మాత్రం మమిత మనసులో అలాగే ఉండిపోయింది. మలయాళం సినిమాతో ఎంట్రీ ఇచ్చిన మమిత, ఇప్పుడు స్టార్ హీరోలతో నటిస్తోంది.

Image Credit : X

సూర్యతోనే లులూ మాల్ కి వచ్చిన మమితా

ఏళ్ల తర్వాత, మమితా మళ్లీ అదే లులూ మాల్‌కు వచ్చింది. కానీ ఈసారి సీన్ పూర్తిగా రివర్స్. అప్పుడు సూర్యను కలవలేక బాధపడిన అమ్మాయి, ఇప్పుడు ఆయన సినిమాకే హీరోయిన్‌గా, ఆయన పక్కనే నిలబడింది!

Image Credit : stockphoto

అప్పుడు చూసే ఛాన్స్ మిస్‌, ఇప్పుడు ఏకంగా ఆయనతోనే హీరోయిన్‌గా

ఒకప్పుడు దూరం నుంచి అయినా తన ఫేవరెట్ హీరోను చూడాలని ఆరాటపడిన మమిత, ఇప్పుడు అదే నటుడితో స్క్రీన్ షేర్ చేసుకుంటోంది. ఫ్యాన్‌గా మొదలైన ఆమె ప్రయాణం, ఇప్పుడు సినిమా ప్రపంచంలో ఓ అందమైన అధ్యాయంగా మారింది. 2015లో మిస్ అయిన ఆ మూమెంట్, హీరోయిన్‌గా మారి ఇప్పుడు పూర్తయింది. ఇదే కదా అసలైన 'ఫుల్ సర్కిల్' మూమెంట్ అంటే. ఇక సూర్య, మమితా బైజు నటించిన `విశ్వనాథ్‌ అండ్‌ సన్స్` మూవీ ఈనెల 14న విడుదల కాబోతుంది.