సమంత- ప్రీతమ్ మధ్య రిలేషన్ పై క్లారిటీ, తెలివి తెచ్చుకోండి.. హాట్ టాపిక్ గా మారిన ఆ పోస్ట్

సౌత్ లో క్రేజీ సెలెబ్రిటీ కపుల్స్ గా ఉన్న నాగ చైతన్య, సమంత విడిపోవడం ఇప్పటికీ షాకింగే. చాలా మంది అభిమానులు ఈ విషయాన్ని జీర్ణించుకోలేకున్నారు. ప్రేమించుకుని పెళ్లిచేసుకున్న ఈ జంట మూడేళ్లపాటు ఎంతో అన్యోన్యంగా జీవించారు. అందంగా సాగిపోతున్న వీరిద్దరి జీవితంలోకి తుఫాను తరహాలో విపత్తు వచ్చింది. ఫలితంగా ఇద్దరూ విడిపోయి అందరికి షాక్ ఇచ్చారు. ఎంతో అన్యోన్యంగా ఉన్న ఈ జంట విడిపోవడానికి గల కారణాలు ఎవ్వరికి తెలియదు. 

బహుశా వారి కుటుంబ సభ్యులకు తెలుసేమో. బలమైన కారణం లేనిదే చై సామ్ ఇలాంటి నిర్ణయం తీసుకోరు. విడిపోవడానికి దారితీసేలా మనసు ముక్కలు కావడానికి కారణమైన ఆ సంఘటన ఏంటి అంటూ అనేక ఊహాగానాలు వినిపిస్తున్నాయి. ఈ క్రమంలో సమంతకి స్టైలిస్ట్ గా పనిచేసిన ప్రీతమ్ జుకల్కర్ పై సోషల్ మీడియాలో దారుణంగా ట్రోలింగ్ జరుగుతోంది. 

చైసామ్ దాంపత్య జీవితంలో చిచ్చు రేపావు అంటూ నెటిజన్లు అతడిపై విరుచుకుపడుతున్నారు. ఇక ప్రీతమ్ కూడా సోషల్ మీడియాలో పరోక్షంగా పోస్ట్ లు పెడుతుండడంతో అతడి గురించి చర్చ ఎక్కువైంది. ఈ క్రమంలో అభిమానుల మధ్య సమంత, ప్రీతమ్ గురించి డిస్కషన్ జరుగుతోంది. వ్యవహారం మొత్తం మరో కోణంలోకి వెళుతుండడంతో సమంత మేకప్ ఆర్టిస్ట్ సాధన సింగ్ సోషల్ మీడియాలో స్పందించింది. 

సమంత, ప్రీతమ్ మధ్య రిలేషన్ ని తప్పుగా చిత్రీకరిస్తున్నారు అంటూ సాధన సింగ్ మండిపడింది. వాస్తవానికి ప్రీతమ్.. సమంతను జీజీ అని పిలుస్తాడు. జీజీ అంటే అక్క.. అర్థం తెలుసుగా.. దేవుడు నాకు తెలివి ప్రసాదించాడు. ఈ రోజు నేను ఖాళీగా ఉండడంతో తెలివిలేని వాళ్లకు కొంచెం పంచుదామని డిసైడ్ అయ్యాను అంటూ సాధన సింగ్ పోస్ట్ పెట్టింది. 

సమంత, ప్రీతమ్ ఇద్దరూ అక్కా తమ్ముడిలా ఉంటారని..తప్పుగా అర్థం చేసుకోవద్దని సాధన సింగ్ క్లారిటీ ఇచ్చింది. అయితే ప్రీతమ్ పెడుతున్న పోస్ట్ లు హాట్ టాపిక్ గా మారుతున్నాయి. సమంత, చైతు విడిపోతున్నట్లు ప్రకటించినప్పటి నుంచి ప్రీతమ్ సోషల్ మీడియాలో అనేక వ్యాఖ్యలు చేస్తూ అందరిని కన్ఫ్యూజ్ చేస్తున్నాడు. 

ప్రీతమ్ హాట్ కామెంట్స్ చేస్తూ ఓ పోస్ట్ పెట్టి డిలీట్ చేశాడు. 'వారంతా అసలు స్వరూపాన్ని దాచిపెట్టి ఇళ్లల్లో ఉండే మగాళ్లు. మహిళలపై హింసకు అలాంటి మగాళ్లే కారణం. హింస అంటే ఈరోజుల్లో మానసిక వేధింపులు, విమర్శలు..' అంటూ ప్రీతమ్ సంచలన వ్యాఖ్యలతో పోస్ట్ పెట్టి డిలీట్ చేశాడు. ఏ మాయ చేసావే చిత్రంతో సమంత, చైతన్య ప్రయాణం మొదలయింది. కొన్నేళ్లపాటు ప్రేమించుకున్న ఈ జంట ఇరు కుటుంబ సభ్యులని ఒప్పించి 2017లో వివాహం చేసుకున్నారు. సౌత్ లో చూడముచ్చటైన సెలెబ్రిటీ జంటగా గుర్తింపు పొందారు. చై సామ్ ఇద్దరూ తమ చిత్రాలతో రాణిస్తూ భార్యాభర్తలుగా కొనసాగారు. తాజాగా వీరిద్దరూ విడిపోవడం అటు అభిమానులకు, కుటుంబ సభ్యులకు ఊహకు అందని షాక్ గా మారిపోయింది. 

Also Read: 'నేను ఎప్పటికీ నీదాన్నే'... ఆ ప్రామిస్ బ్రేక్ చేసిన సమంత, ఏడాది క్రితం ఉన్న ఆ ప్రేమ ఏమైంది?