రీ రిలీజ్‌ చేస్తే 50కోట్లు కలెక్ట్ చేసిన మహేష్‌ బాబు రీమేక్‌ మూవీ ఏంటో తెలుసా?.. స్ట్రెయిట్‌ రిలీజ్‌ని మించి

మహేష్‌ బాబు నటించిన చాలా సినిమాలు రీమేక్‌ అయ్యాయి. ముఖ్యంగా తమిళంలో ఎక్కువగా వీటిని రీమేక్‌ చేస్తున్నారు. అయితే ఓ మూవీ మాత్రం ఓరిజినల్‌ కలెక్షన్లని తలపించడం విశేషం.  

మహేష్‌ బాబు నటించిన `ఒక్కడు` సినిమా ఆయనకు పెద్ద బ్రేక్‌ ఇచ్చింది. కమర్షియల్‌గా మహేష్‌ని నెక్ట్స్ లెవల్‌కి తీసుకెళ్లిన మూవీ. గుణశేఖర్‌ తెరకెక్కించిన ఈ చిత్రం పెద్ద హిట్‌ అయ్యింది. అప్పట్లో టాలీవుడ్‌లో టాప్‌ కలెక్టెడ్‌ మూవీస్‌లో ఒకటిగా నిలిచింది. ఇందులో మహేష్‌ బాబుకి జోడీగా భూమిక నటించడం విశేషం. ఇది ప్రేమ, కబడ్డి నేపథ్యంలో సాగుతుంది. 

ఈ మూవీని తమిళంలో విజయ్‌ హీరోగా `గిల్లి` పేరుతో రీమేక్‌ చేశారు. ధరణి దర్శకత్వం వహించగా, ఇందులో విజయ్‌ కి జోడీగా త్రిష నటించింది. 2004లో ఈ మూవీ విడుదలై అక్కడ కూడా పెద్ద విజయాన్ని సాధించింది. తెలుగుకి మించిన హిట్‌ కావడం విశేషం. ఏకంగా యాభై కోట్ల కలెక్షన్లని రాబట్టింది. ఓ రికార్డు క్రియేట్‌ చేసింది. 

ఇదిలా ఉంటే ఈ మూవీ విడుదలై 20ఏళ్లు పూర్తి చేసుకున్న సందర్భంగా ఏప్రిల్ లో రీ రిలీజ్‌ చేశారు. ఇటీవల రీ రిలీజ్‌ల ట్రెండ్‌ నడుస్తున్న నేపథ్యంలో `గిల్లి`ని రీ రిలీజ్‌ చేశారు. ఇక రీ రిలీజ్‌లో ఇది రికార్డు క్రియేట్‌ చేయడం విశేషం. ఇప్పటి వరకు ఇండియన్‌ సినిమాలోనే ఎవరికీ సాధ్యం కాని విధంగా ఈ మూవీ ఏకంగా యాభై కోట్ల గ్రాస్‌ వసూలు చేసింది. ఇది ఒరిజినల్‌ కలెక్షన్లతో సమానం కావడం విశేషం. 

తెలుగులో చాలా సినిమాలు రీ రిలీజ్‌ అయ్యాయి. పవన్‌ కల్యాణ్‌ `ఖుషి`, `తమ్ముడు`, `జల్సా`, `తొలి ప్రేమ`, అలాగే ప్రభాస్‌ `రెబల్‌`, మహేష్‌బాబు `ఒక్కడు`, `పోకిరి`, `బిజినెస్‌ మేన్‌`తోపాటు ఎన్టీఆర్‌, చిరంజీవి, బాలయ్య, వెంకటేష్‌, రవితేజ సినిమాలు రీ రిలీజ్‌ అయ్యాయి. కానీ ఏ సినిమా పది కోట్లు దాటలేదు. `జల్సా` సినిమా ఐదారు కోట్లు వసూలు చేసిందన్నారు. అదే మనవాళ్లు పండగ చేసుకున్నారు. కానీ తమిళంలో విజయ్‌ `గిల్లి` మూవీ మాత్రం ఏకంగా యాభై కోట్లు వసూలు చేయడం విశేషం. అధికారికంగా ప్రకటించిన లెక్క ఇదైతే, ఒరిజినల్‌గా ఇది ముప్పై ఓట్లు చేసిందని సమాచారం. 

కోలీవుడ్‌లో టాప్‌ స్టార్‌లో విజయ్‌ ఒకరు. రజనీకాంత్‌, కమల్‌ హాసన్‌లను పక్కన పెడితే ఇప్పుడు విజయ్‌ ని మించిన స్టార్‌ లేరనే చెప్పాలి. ఇక్కడ తెలుగులో పవన్‌ కళ్యాణ్‌కి ఎలా అయితే మాస్‌, కల్ట్ ఫాలోయింగ్‌ ఉంటుందో అక్కడ విజయ్‌కి ఆ రేంజ్‌లో ఫాలోయింగ్‌, ఫ్యాన్‌ బేస్‌ ఉంది. ఈ నేపథ్యంలో `గిల్లి` మూవీని రీ రిలీజ్‌లోనూ బిగ్గెస్ట్ బ్లాక్‌ బస్టర్‌ ని చేయడం విశేషం.