మహేష్ మూర్ఖత్వమే అల్లు అర్జున్ ని స్టార్ హీరో చేసిందా... ఆసక్తికర విషయాలు వెలుగులోకి!

సక్సెస్ ని డిసైడ్ చేసేది నిర్ణయాలే. చిత్ర పరిశ్రమలో ఈ నిర్ణయాలకు మరింత విలువ ఉంటుంది. ఎంచుకునే స్క్రిప్ట్స్ ఆధారంగా కెరీర్ సాగుతుంది. కాగా మహేష్ బాబు తీసుకున్న పూర్ డెసిషన్స్ అల్లు అర్జున్ కి కలిసొచ్చాయనేది ఒక వాదన..   

సూపర్ స్టార్ మహేష్ బాబు టాలీవుడ్ అతిపెద్ద హీరో. ఆయనకు భారీ ఫ్యాన్ బేస్ ఉంది. మహేష్ బాబు సక్సెస్ రేటు ఎక్కువే. శ్రీమంతుడు చిత్రం తర్వాత మహేష్ బాబు నటించిన ప్రతి సినిమా హిట్ టాక్ తెచ్చుకుంది. నిర్మాతలకు లాభాలు పంచింది. లేటెస్ట్ మూవీ గుంటూరు కారం సైతం మిక్స్డ్  టాక్ తో కూడా చెప్పుకోదగ్గ వసూళ్లు రాబట్టింది. 

Mahesh babu and Allu Arjun

అంటే మహేష్ బాబు స్క్రిప్ట్ సెలక్షన్ గొప్పగానే ఉందని చెప్పొచ్చు. అయితే మహేష్ బాబు రిజెక్ట్ చేసిన చిత్రాలు చేసిన అల్లు అర్జున్ స్టార్ అయ్యారు. ముఖ్యంగా అల్లు అర్జున్ ఇమేజ్ ని ఎల్లలు దాటించిన మూడు చిత్రాలు మహేష్ చేయాల్సింది. ఆయన రిజెక్ట్ చేయడంతో అల్లు అర్జున్ వద్దకు వచ్చాయి. 

పుష్ప కథను దర్శకుడు సుకుమార్ మహేష్ బాబును దృష్టిలో ఉంచుకుని రాశాడు. సరిలేరు నీకెవ్వరు అనంతరం మహేష్ బాబు చేయాల్సిన మూవీ ఇదే. నెగిటివ్ షేడ్స్ తో కూడిన డీ గ్లామర్ రోల్ చేసేందుకు మహేష్ బాబు వెనుకాడారు. ఇదే కథను అల్లు అర్జున్ ఇమేజ్ తగ్గట్లు సుకుమార్ మార్పులు చేశారు.

2021లో విడుదలైన పుష్ప ఎంత పెద్ద హిట్టో తెలిసిందే. వరల్డ్ వైడ్ రూ. 360 కోట్ల వసూళ్లు రాబట్టింది. వసూళ్ల సంగతి అటుంచితే అల్లు అర్జున్ కి పాన్ ఇండియా ఇమేజ్ తెచ్చిపెట్టింది. నార్త్ లో అల్లు అర్జున్ కి ఉన్న క్రేజ్ గురించి ఎంత చెప్పినా తక్కువే. 

అల్లు అర్జున్ కెరీర్లో సెకండ్ బిగ్గెస్ట్ హిట్ అల వైకుంఠపురములో. 2020 సంక్రాంతి కానుకగా విడుదలైన అల వైకుంఠపురములో ఇండస్ట్రీ హిట్ గా నిలిచింది. ఈ కథను ముందుగా మహేష్ బాబుకు నెరేట్ చేశాడట త్రివిక్రమ్. కథ నచ్చినప్పటికీ మహేష్ బాబుకు ఉన్న కమిట్మెంట్స్ రీత్యా అల వైకుంఠపురములో చేయడం కుదరలేదట.

దాంతో తన ఫేవరేట్ హీరో అల్లు అర్జున్ తో త్రివిక్రమ్ అల వైకుంఠపురములో చిత్రం తెరకెక్కించాడు. అల వైకుంఠపురములో అనేక రికార్డ్స్ తిరగరాసింది. అల వైకుంఠపురంలో చిత్రానికి పోటీగా విడుదలైన సరిలేరు నీకెవ్వరు సైతం భారీ విజయం అందుకుంది. అయితే సంక్రాంతి విన్నర్ మాత్రం అల వైకుంఠపురములో..

Allu Arjun

మహేష్ రిజెక్ట్ చేసిన మరొక చిత్రం రుద్రమదేవి. ఈ మూవీలో అనుష్క శెట్టి ప్రధాన పాత్ర చేసింది. అల్లు అర్జున్ గోన గన్నారెడ్డి అనే ఓ పవర్ఫుల్ రోల్ చేశాడు. రుద్రమదేవి దర్శకుడు గుణశేఖర్ మహేష్ కి అత్యంత ఆప్తుడు. వీరి కాంబోలో ఒక్కడు, అర్జున్, సైనికుడు తెరకెక్కాయి. కారణం తెలియదు కానీ... మహేష్ బాబు గోన గన్నారెడ్డి రోల్ చేయను అన్నాడట. రుద్రమదేవి చిత్రంలో గోన గన్నారెడ్డి పాత్ర నిడివి తక్కువే కానీ అల్లు అర్జున్ కి మంచి పేరు తెచ్చింది... 

రుద్రమదేవి, అల వైకుంఠపురములో, పుష్ప చిత్రాలు అల్లు అర్జున్ ఇమేజ్ ఎల్లలు దాటించాయి. ఈ మూడు చిత్రాలు రిజెక్ట్ చేసిన మహేష్ బాబు పరోక్షంగా అల్లు అర్జున్ ఎదుగుదలకు కారణం అయ్యాడు. అయితే ఆ చిత్రాలు మహేష్ చేస్తే హిట్ అవుతాయి అని చెప్పలేం. మహేష్ అనేక విషయాలు పరిశీలించే రిజెక్ట్ చేసి ఉంటారు..