అట్టర్ ఫ్లాప్ మూవీ చూశాడు, నాన్ సెన్స్ అంటూ మహేష్ బాబుకి చివాట్లు పెట్టాడు..అప్పటి నుంచి భయం పట్టుకుంది

సూపర్ స్టార్ మహేష్ బాబు తన చిత్రాల విషయంలో చాలా జాగ్రత్తగా ఉంటారు ఒకసారి జరిగిన తప్పుని మళ్ళీ రిపీట్ కాకుండా చూసుకుంటారు. త్వరలో మహేష్ బాబు రాజమౌళి దర్శకత్వంలో తన కెరీర్ లోనే బిగ్గెస్ట్ మూవీలో నటించేందుకు రెడీ అవుతున్నారు. మహేష్ బాబు చివరగా గుంటూరు కారం చిత్రం లో నటించిన సంగతి తెలిసిందే. ఈ చిత్రం ఆశించిన స్థాయిలో సక్సెస్ కాలేదు. 

మహేష్ బాబు తనకి హిట్స్ ఇచ్చిన దర్శకులని రిపీట్ చేస్తుంటారు. త్రివిక్రమ్, శ్రీనువైట్ల, పూరి జగన్నాధ్, గుణశేఖర్, కొరటాల  శివ ఇలా కొందరు దర్శకులతో మహేష్ బాబు రిపీట్ గా సినిమాలు చేస్తుండడం చూస్తూనే ఉన్నాం. శ్రీనువైట్ల దర్శకత్వంలో మహేష్ బాబు దూకుడు చిత్రంలో నటించారు. ఆ మూవీ బ్లాక్ బస్టర్ హిట్ అయింది. దీనితో వీళ్లిద్దరి కాంబినేషన్ రిపీట్ అయింది మరోసారి ఆగడు చిత్రం చేశారు. ఇది మహేష్ కెరీర్ లోనే బిగ్గెస్ట్ ఫ్లాప్స్ లో ఒకటిగా నిలిచింది. 

ఆగడు చిత్రంపై అనేక విమర్శలు కూడా వచ్చాయి. అయితే తాను చేయాలనుకున్న కథ వేరు.. కానీ తెరకెక్కించిన కథ వేరు అని శ్రీనువైట్ల పలు సందర్భాల్లో వివరణ ఇచ్చారు. అయితే ఈ చిత్రం విషయంలో మహేష్ బాబుకి ఒక పొలిటికల్ సెలెబ్రిటీతో ఆసక్తికర సంఘటన జరిగిందట. ఆ సెలెబ్రిటీ ఎవరో కాదు.. తెలంగాణ మాజీ మంత్రి, బిఆర్ఎస్ వర్కింగ్ ప్రెసిడెంట్ కేటీఆర్. 

Also Read: ప్రభాస్ తన కెరీర్ లోనే అద్భుతంగా నటించిన సన్నివేశం, బాహుబలిలో కాదు.. రాజమౌళి కూడా ఎమోషనల్

మహేష్ బాబు సినిమాలని కేటీఆర్ చూస్తుంటారట. సినిమా చూసి తనకు అనిపించిన విషయాన్ని కేటీఆర్ నిజాయతీగా చెబుతుంటారట. మహేష్  ఓ ఇంటర్వ్యూలో మాట్లాడుతూ కేటీఆర్ ఆగడు సినిమా చూసి నాకు మెసేజ్ చేశారు. ఇలాంటి నాన్ సెన్స్ మూవీస్ చేయడం ఆపు అంటూ చివాట్లు పెట్టారట. అప్పటి నుంచి కేటీఆర్ తన సినిమాలు చూస్తున్నాడంటే తనకి భయం అని మహేష్ బాబు తెలిపారు. 

ఆ తర్వాత కేటీఆర్.. మహేష్ బాబు భరత్ అనే నేను చిత్రం చూసి స్వయంగా అభినందించారు. అంతేకాదు మహేష్, కొరటాల శివ ఇద్దరితో ఇంటర్వ్యూలో కూడా పాల్గొన్నారు. కేటీఆర్ కి టాలీవుడ్ సెలెబ్రిటీలతో మంచి సాన్నిహిత్యం ఉంది. దీనివల్ల కేటీఆర్ రాజకీయంగా కూడా విమర్శలు ఎదుర్కొంటున్న సంగతి తెలిసిందే.