బిగ్ బాస్ ప్రియాంక జైన్, ఆమె ప్రియుడిపై చిరుత దాడి... పరుగులు తీసిన జంట!

ఇటీవల ప్రియాంక జైన్, ఆమె ప్రియుడు శివ కుమార్ తిరుమల వెళ్లారట. వాళ్లపై చిరుత దాడి చేసిందట. దీనికి సంబంధించిన వీడియో వైరల్ గా మారింది.  

Priyanka Jain

ప్రియాంక జైన్ బిగ్ బాస్ వేదికగా పాపులారిటీ తెచ్చుకుంది. సీజన్ 7లో పాల్గొన్న ఈ సీరియల్ నటి ఫైనలిస్ట్స్ లో ఒకరిగా నిలిచింది. ప్రియాంక జైన్ కి ఐదవ స్థానం దక్కింది. గత సీజన్ లో ఫైనల్ కి వెళ్లిన ఓన్లీ లేడీ కంటెస్టెంట్ ప్రియాంక జైన్. 

ప్రియాంక జైన్ గేమ్ కోసం తన జుట్టు కత్తిరించుకున్న విషయం తెలిసిందే. కాగా ప్రియాంక జైన్ ఈ షోలో తన ప్రియుడిని పరిచయం చేసింది. సీరియల్ నటుడు శివ కుమార్ ని ఆమె ప్రేమిస్తున్నట్లు వెల్లడించారు. ఫ్యామిలీ వీక్ లో శివ కుమార్ ప్రియాంక జైన్ ని చూసేందుకు హౌస్లోకి వచ్చాడు. 

మౌనరాగం సీరియల్ లో ప్రియాంక జైన్-శివ కుమార్ జంటగా నటించారు. అప్పుడు వీరి మధ్య ప్రేమ చిగురించింది. ప్రస్తుతం సహజీవనం చేస్తున్నట్లు సమాచారం. పెళ్లి కాకుండా కలిసి జీవించడం పై విమర్శలు వినిపిస్తున్నాయి. అయితే పెళ్లి అనేది ఖర్చుతో కూడుకున్న వ్యవహారం త్వరలో చేసుకుంటామని శివ కుమార్ గతంలో చెప్పాడు.

కాగా శివ కుమార్, ప్రియాంక ఇటీవల తిరుమల వెళ్లారు. వాళ్ళు మెట్ల దారిలో కాలినడకన తిరుమల వెళ్లిన నేపథ్యంలో చిరుత దాడి చేసిందట. దీనికి సంబందించిన వీడియో తమ యూట్యూబ్ ఛానల్ లో శివ కుమార్ పోస్ట్ చేశాడు. రాత్రివేళ మెట్లదారి మార్గంలో శివ కుమార్-ప్రియాంక వెళుతున్నారు. వీరికి సడన్ గా చిరుత కనిపించింది. 

దాంతో ఇద్దరూ పరుగులు పెట్టారు. ఈ సంఘటనను వీడియో తీశారు. చిరుత నుండి తాము తప్పించుకున్నామని చెప్పారు. అనంతరం ఇదంతా ఫ్రాంక్ అంటూ షాక్ ఇచ్చారు. మాకు ఎలాంటి చిరుత కనిపించలేదు. కేవలం మిమ్మల్ని భయపెట్టేందుకు ఫ్రాంక్ చేశామని ఆ వీడియోలో వెల్లడించారు. 

గతంలో కూడా ప్రియాంక జైన్ ఇలాంటి ఫ్రాంక్ వీడియోలు చేశారు. టేస్టీ తేజకు హార్ట్ అటాక్ వచ్చినట్లు, శివ కుమార్ విదేశాలకు వెళుతున్నట్లు, వాళ్ళ మధ్య గొడవలు జరిగినట్లు ఫ్రాంక్ వీడియోలు చేశారు. ఈ ఫ్రాంక్ వీడియోల మీద కొందరు అసహనం వ్యక్తం చేస్తున్నారు.