Krithi Shetty: మెస్మరైజ్ చేస్తున్న కృతి శెట్టి.. నవ్వుతో కుర్రాళ్ళకు నిద్రలేకుండా చేస్తుంది.

వరుస ఆఫర్లతో రెచ్చిపోతోంది యంగ్ హీరోయిన్ కృతి శెట్టి(Krithi Shetty). తగ్గేదే లేదంటుంది.శ్యామ్ సింగరాయ్ లో నాని సరసన మెరిసింది ఉప్పెన భామ. నాని వాసు పాత్రకు లవర్ గా కీర్తి పాత్రలో ఆకట్టుకుంది. ముఖ్యంగా నానితో రొమాంటిక్ సీన్స్ లో అదరగొట్టింది కృతి శెట్టి. కథ డిమాండ్ చేస్తే.. పరిది దాటకుండా రొమాంటిక్స్ సీన్స్ చేయడానికి రెడీ అంటుంది.

వరుస అవకాశాలతో దూసుకుపోతోంది ఉప్పెన బ్యూటీ కృతి శెట్టి(Krithi Shetty). ఒక్క సినిమా తన ఫేట్ ను మార్చేసింది. ఉప్పెన సినిమాతో కుర్ర కారు గుండెల్లో రైళ్లు పరిగెత్తించిన కృతి.ఈ సినిమా తరువాత వరుస అవకాశాలను అందుకుంటుంది. ఇప్పటికే తన ఖాతాలో ఐదు సినిమాలు ఉండగా.. మరో క్రేజీ ప్రాజెక్ట్ కు  కూడా ఆమె సైన్ చేసినట్టు తెలుస్తోంది.

18 ఏళ్లకే ఇన్ని అవకాశాలు అందుకుని.. ఈరేంజ్ లో దూసుకుపోతున్న కృతి శెట్టి ..సక్సెస్ టార్గెట్ గా అడుగులు వేస్తోంది. అటు కమర్షియల్ సినిమాలు .. ఇటు స్టోరీ బేస్డ్ మూవీ రెండింటికీ ఇంపార్టెన్స్ ఇవ్వాలని ప్లాన్ చేసుకుంటుంది. అందుకే ఆమె ఈ సారి ప్రయోగాత్మక సినిమా చేయబోతున్నట్టు సమాచారం. అది కూడా ఓపెద్ద బేనర్ లో చేయనున్నట్టు తెలుస్తోంది.

ఇప్పటికే శ్యామ్ సింగరాయ్ రిలీజ్ అయిపోయింది.. ఇక  సుధీర్ బాబుతో చేస్తోన్న ఆ అమ్మాయి గురించి చెప్పాలి సినిమా షూటింగ్ లాస్ట్ స్టేజ్ లో ఉంది. రేపో మాపో రిలీజ్ కు రెడీ అవుతుంది. అటు కల్యాణ్ క్రిష్ణ డైరెక్షన్ లో నాగచైతన్యకు జోడీగా బంగార్రాజులో రచ్చ చేయబోతోంది కృతి. ఈమూవీ సంక్రాంతి బరిలో నిలిచే అవకాశం ఉంది. ఇవి కాకుండా యంగ్ హీరో నితిన్ జంటగా మాచర్ల నియోజకవర్గం సినిమాతో పాటు ఎనర్జటిక్ స్టార్ రామ్ కు జోడీగా మరో సినిమా చేస్తోంది కృతి.

చాలా మంది హీరోయిన్లు.. కెరీర్ అయిపోతుంది అనుకున్న టైమ్ లో ఉమెన్ సెంట్రిక్ మూవీస్ వైపు అడుగులు వేస్తారు. కాని కెరీర్ బిగినింగ్ లోనే ఈ హీరోయిన్ విమెన్ ఓరియెంటెడ్ సబ్జెక్ట్ ను తీసుకున్నట్టు సమాచారం.  అది కూడా పెద్ద పేరున్న బ్యానర్ లో .. సీనియర్ డైరెక్టర్ తో ఈ సినిమా తెరకెక్కబోతున్నట్టు టాక్. ముఖ్యంగా ఈ సినిమా కథ నచ్చడంతో కృతి ఈ సినిమా చేయడానికి గ్రీన్ సిగ్నల్ ఇచ్చినట్టు తెలుస్తోంది.