Balakrishna: చిరంజీవి, బాలకృష్ణతో ఒక్క సినిమా కూడా చేయని స్టార్ హీరోయిన్ ఎవరు? కారణం ఏంటి?

సౌత్ ఫిల్మ్ఇండస్ట్రీని ఒక ఊపు ఊపేసిన ఓ హీరోయిన్ వెంకటేష్, నాగార్జు, మోహన్ బాబు లాంటి స్టార్ హీరోలతో ఎన్నో సినిమాలు చేసింది. కానీ మెగాస్టార్ చిరంజీవి, బాలకృష్ణతో మాత్రం ఒక్క సినిమా కూడా చేయలేదు కారణం ఏంటో తెలుసా? 

Image Credit : Asianet News

చిరంజీవి, బాలకృష్ణతో నటించలేకపోయిన హీరోయిన్

టాలీవుడ్ లో స్టార్ హీరోలుగా వెలుగు వెలిగారు మెగాస్టార్ చిరంజీవి, నటసింహం బాలకృష్ణ. ఈ ఇద్దరు హీరోల సరసన ఎంతో మంది హీరోయిన్లు నటించి మెప్పించారు. అంతే కాదు చిరంజీవి తన కెరీర్ లో ఎంతో మంది హీరోయిన్లను పనిచయం చేశాడు, బాలకృష్ణ కూడా తన కెరీర్ లో చాలామంది హీరోయిన్లను స్టార్లు గా మార్చాడు. చిరంజీవి, బాలయ్య సరసన రమ్యకృష్ణ, మీన, సౌందర్య, రంభ, రాశి లాంటి స్టార్ హీరోయిన్లు నటించారు. వీరిద్దరితో నటించిన హీరోయిన్లు ప్రస్తుతం యంగ్ హీరోలకు తల్లి పాత్రల్లో నటిస్తున్నారు. అయితే టాలీవుడ్ లో స్టార్ హీరోలందరితో నటించిన ఓ హీరోయిన్ చిరంజీవి, బాలకృష్ణతో మాత్రం నటించలేకపోయింది. ఇంతకీ ఆ హీరోయిన్ ఎవరో కాదు ఖుష్బూ సుందర్.

Image Credit : instagram / kushboo

చిరంజీవి అక్కగా నటించిన ఖుష్బూ..

సీనియర్ నటి ఖుష్బూ సుందర్ (Kushboo Sundar) కొన్ని వందల సినిమాల్లో నటించారు. తమిళం, మలయాళం, కన్నడ, హిందీ, తెలుగులో హీరోయిన్ గా ప్రేక్షకులను అలరించింది. లీడ్ యాక్ట్రెస్ గానే కాకుండా పలు కీలక పాత్రలు కూడా పోషించారు. టాలీవుడ్ లో హీరోయిన్ గా మెప్పించిన ఖుష్బూ చిరంజీవి, బాలకృష్ణతో మాత్రం ఒక్క హీరోయిన్ గా ఒక్క సినిమాలో కూడా నటించలేదు. అందుకు కారణం ఏంటో కూడా ఓ ఇంటర్వ్యూలో ఆమె వెల్లడించారు.

Image Credit : our own

బాలకృష్ణతో ఒక్క మూవీ కూడా చేయలేకపోయిన హీరోయిన్

చిరంజీవితో హీరోయిన్ గా నటించలేదు కానీ.. ఖుష్బూ సుందర్ చిరంజీవికి సోదరి పాత్రలో నటించింది. ఏఆర్ మురగదాస్ దర్శకత్వం వహించిన స్టాలిన్ సినిమాలో చిరుకు అక్కగా ‘జాన్సీ’ పాత్రలో అలరించింది. ఆతరువాత ఓ రియలెస్టేట్ యాడ్ లో చిరంజీవి భార్యగా కొద్దిసేపు కనిపించింది ఖుష్బూ. అటు బాలకృష్ణతో అయితే ఒక్క సినిమాలో కూడా కలిసి నటించలేదు.

Image Credit : instagram

క్లారిటీ ఇచ్చిన ఖుష్బూ సుందర్

రీసెంట్ గా జరిగిన ఓ ఇంటర్వ్యూలో ఖుష్బూ సుందర్ మాట్లాడుతూ.. నేను తెలుగు సినిమాతోనే ఇండస్ట్రీలోకి ఎంట్రీ ఇచ్చాను. వెంకటేష్ గారి మనవూరి పాండవులు సినిమాతో మంచి పేరు వచ్చింద. ఆతరువాత తెలుగులో వరుసగా సినిమాలు చేస్తూ వచ్చాను. కానీ చిరంజీవి, బాలకృష్ణతో సినిమాలు చేయలేకపోయాను. ఇక్కడ సినిమాలు చేస్తున్నటైమ్ లోనే తమిళంలో బాగా ఆఫర్లు వచ్చాయి. చెన్నైలో లాక్ అయిపోయాను. బాలకృష్ణతో సినిమా చేయడానికి అవకాశం వచ్చింది. కానీ తమిళంలో ఫుల్ బిజీగా ఉండటంతో తెలుగులో సినిమాలు చేయలేకపోయాను అంతే కానీ.. వారితో సినిమాలు చేయకపోవడానికి వేరే కారణం ఏమీ లేదు'' అని ఖుష్బూ అన్నారు.