Kangana Ranaut: అల్లు అర్జున్,యష్ పై సంచలన వ్యాఖ్యలు చేసిన కంగనా రనౌత్.. ఏమన్నదంటే..?

బాలీవుడ్ బ్యూటీ కంగనా రనౌత్ అంటేనే సంచలనం. ఎవరు అని చూడకుండా.. ఎంత పెద్ద స్టార్ అయినా.. ఎంత హోదాలో ఉన్నా.. తనకు నచ్చకపోతే కడిగిపడేస్తుంది కంగనా. ఇటు సోషల్ మీడియాలో కూడా తనదైన శైలి చూపించే కంగనా సౌత్ హీరోల గురించి కామెంట్ చేస్తూ పోస్ట్ పెట్టింది

సౌత్ స్టార్ హీరోల‌ను పొగుడుతూ.. బాలీవుడ్ స్టార్స్ ను  విమర్శిస్తూ.. కంగ‌నా ర‌నౌత్ చాలా సార్లు పోస్ట్ లు పెట్టింది. బాలీవుడ్ లో మహా మహులపైనే కాంట్రవర్సియల్ కామెంట్స్ చేసిన ముద్దు గుమ్మ.. మన టాలీవుడ్ హీరోలపై ఎన్నో సార్లు పొగడ్తల వర్షం కురిపించింది. ఇక ఈసారి కూడా మన టాలీవుడ్ హీరోతో  అల్లు అర్జున్ తో పాటు.. కన్నడ స్టార్ యష్ పై కామెంట్స్ చేసింది.

ఈ సంద‌ర్భంగా సౌతిండియా స్టార్ హీరోలు అల్లు అర్జున్, య‌శ్‌ల ఫొటోల‌ను పోస్ట్ చేసింది. పుష్ప లుక్‌లో బ‌న్నీ, కేజీఎఫ్ సినిమా లుక్‌లో య‌శ్ లుక్స్ ను పోస్ట్ చేసిన కంగనా సౌతిండియా స్టార్స్ కు ఆవేశం ఎక్కువని కామెంట్ చేసింది.  అందుకు కారణాలు ఉన్నాయ‌ని చెప్పుకొచ్చింది. ద‌క్షిణాది కంటెంట్‌తో పాటు సూపర్ స్టార్స్‌లో అంత ఆవేశం ఉండడానికి వారు భారతీయ సంస్కృతిలో లోతుగా పాతుకుపోవ‌డ‌మే కార‌ణ‌మ‌ని చెప్పింది.

అలాగే సౌత్ స్టార్స్  తమ కుటుంబాలను ప్రేమిస్తారు,  అందులో ఈ ఇద్దరు స్టార్స్ తమ సంబంధాల విషయంలో ఫారెన్  దేశాల‌ను అనుకరించబోర‌ని పేర్కొంది.మంచి సంబంధాల‌ను కొన‌సాగిస్తూ వాటిని నిలుపుకుంటారని చెప్పింది. సౌతిండియా స్టార్ల వృత్తి నైపుణ్యం, అభిరుచి అసమానమైన‌వ‌‌ని ప్ర‌శంస‌ల జ‌ల్లు కురిపించింది.

ఇక ఇదే స‌మ‌యంలో బాలీవుడ్ తీరుపై ఇండైరెక్ట్ గా గట్టిగానే విమ‌ర్శ‌లు గుప్పించింది కంగనా. బాలీవుడ్ వాళ్లు వచ్చి  త‌మ‌ను భ్రష్టు పట్టించడానికి సౌత్ స్టార్లు అస్సలు  అనుమతించబోర‌ని చెప్పింది.  సౌత్ వాళ్లు తమ ట్రెడిషన్ ను కాపాడుకోవడానికి ఎప్పుడు ప్రయత్నిస్తుంటారని కంగనా ఇండైరెక్ట్ గా బాలీవుడ్  స్టాన్స్ ను కడిగిపడేసింది.