60 కోట్ల బడ్జెట్ 400 కోట్ల కలెక్షన్లు, టాలీవుడ్ జెండాను బాలీవుడ్ లో ఎగరేసిన సినిమా?

16

కొన్ని సినిమాలు పదే పదే చూసినా బోర్ కొట్టదు. కథ ముందే తెలిసినా చూడాలనిపిస్తుంది. సౌత్ సినిమా ఒకటి హిందీలో రీమేక్ అయి పెట్టిన పెట్టుబడికి ఆరు రెట్లు ఎక్కువ కలెక్ట్ చేసింది. అంతేకాదు, వరుస ఫ్లాపులతో ఉన్న ఒక నటుడికి ఇది పెద్ద హిట్ ఇచ్చింది. ఇక ఈ నటుడి కెరీర్ అయిపోయిందనుకున్న వాళ్ళకి సూపర్ హిట్ ఇచ్చి మళ్ళీ స్టార్ హోదా తెచ్చింది ఈ సినిమా. అంతే కాదు బాలీవుడ్ నోరెళ్లబెట్టేలా 400 కోట్ల కలెక్షన్స్ ను చాలా తక్కువ టైమ్ లో సాధించిన సినిమా ఏదో తెలుసా? 

26

kabir singh

ఇంతకీ ఆ సినిమా ఏదో కాదు కబీర్ సింగ్. అవును 2017లో వచ్చిన తెలుగు సినిమాఅర్జున్ రెడ్డిని, 2019లో హిందీలోకి రీమేక్ చేశారు. చాలా మంది తెలుగు సినిమా చూసినా, హిందీలో ఎలా ఉందో చూడాలని థియేటర్లకు వెళ్లారు. మంచి కథ, మ్యూజిక్ తో సినిమా సూపర్ హిట్ అయింది. అర్జిత్ సింగ్ పాడిన పాటలు ఇందులో చాలా స్పెషల్. ఈసినిమా బాలీవుడ్ లో సంచలనంగా మారింది. 

36

విజయ్ దేవరకొండ నటించిన అర్జున్ రెడ్డి సినిమా యూత్ కి బాగా నచ్చింది. టీనేజర్ల మధ్య  ప్రేమ ఇలా కూడా  ఉంటుందా అని డైరెక్టర్ సందీప్ వంగా రెడ్డి తెరపై చూపించారు. ఇదే సినిమాను కబీర్ సింగ్ పేరుతో సందీప్  రెడ్డి వంగానే  రెండోసారి తెరకెక్కించి హిట్ కొట్టాడు. అర్జున్ రెడ్డిలో విజయ్ దేవరకొండ, షాలిని పాండే నటించగా, కబీర్ సింగ్‌లో షాహిద్ కపూర్, కియారా అద్వానీ నటించారు.

46

Shahid Kapoor

షాహిద్ కపూర్ బాలీవుడ్‌లో పెద్ద స్టార్ కాదు, చిన్న స్టార్ కాదు అంటారు. పద్మావత్ తర్వాత ఫ్లాపుల్లో ఉన్న షాహిద్ కపూర్‌కు 'కబీర్ సింగ్' పెద్ద హిట్ ఇచ్చింది. కబీర్ సింగ్ ఒక బిజినెస్ మేన్ కొడుకు. మెడికల్ స్టూడెంట్ అయిన కబీర్‌కు తన జూనియర్ ప్రీతి మీద లవ్ అవుతుంది.

ప్రీతికి కూడా కబీర్ అంటే ఇష్టం. ప్రీతికి పాఠాలు చెబుతూనే ఆమెను ప్రేమిస్తాడు. ఆమెను ఒక్క క్షణం కూడా వదిలి ఉండలేనంత పిచ్చిగా ప్రేమిస్తాడు. సినిమాలో రొమాంటిక్ సీన్స్, కబీర్ సింగ్ కోపం, ప్రేమలోని స్వచ్ఛత ప్రేక్షకులకు బాగా నచ్చుతాయి.

ఎక్కువ తాగుడు, కోపం వల్ల ఇద్దరి ప్రేమ ఎలా దూరమవుతుందో సందీప్ వంగా రెడ్డి తెరపై అద్భుతంగా చూపించారు. 2 గంటల 52 నిమిషాల సినిమా ఇది. యూత్ కి బాగా నచ్చుతుంది. అందమైన ప్రేమను చాలా దారుణంగా చూపించారని కూడా అన్నారు. 

56

kabir Singh

అంతే కాదు ఈసినిమా యువతను చెడగొడుతుంది అని విమర్శలు ఉన్నా..థియేటర్లకు వెళ్ళి చూడటం మాత్రం మానుకోలేదు ఆడియన్స్. చాలా తక్కువ టైమ్ లో ఈ సినిమా 300 కోట్ల క్లబ్‌లో చేరింది. 60 కోట్ల బడ్జెట్‌తో తీసిన కబీర్ సింగ్ సినిమా బాక్సాఫీస్ దగ్గర టోటల్ గా 400  కోట్ల వరకూ కలెక్ట్ చేసింది.

66

ఇక తెలుగులో 2017లో విడుదలైన అర్జున్ రెడ్డి సినిమాను 5 కోట్ల అతి తక్కువ బడ్జెట్ తో తెరకెక్కించారు. ఈసినిమా మాత్రం ఓవర్ ఆల్ గా సంచలనం సృష్టించి బాక్సాఫీస్ దగ్గర 50 కోట్లకు పైగా కలెక్ట్ చేసింది.

విజయ్ దేవరకొండ, షాలిని పాండే ఇద్దరికీ మంచి పేరు తెచ్చింది. సింపుల్ లుక్‌లో కనిపించిన షాలిని పాండే చాలామంది అబ్బాయిల క్రష్ అయింది. ఇక విజయ్ దేవరకొండ కు వచ్చిన క్రేజ్ గురించి ప్రత్యేకంగా చెప్పాల్సిన పనిలేదు.