- Home
- Entertainment
- Jr NTR: పవన్ కి మహేష్, అఖిల్ కి ఎన్టీఆర్.. థ్యాంక్యూ టైగర్ అంటూ అక్కినేని హీరో ఎమోషనల్ పోస్ట్
Jr NTR: పవన్ కి మహేష్, అఖిల్ కి ఎన్టీఆర్.. థ్యాంక్యూ టైగర్ అంటూ అక్కినేని హీరో ఎమోషనల్ పోస్ట్
అఖిల్ నటించిన లెనిన్ చిత్రం గ్రాండ్ రిలీజ్ కి రెడీ అవుతోంది. ఈ నేపథ్యంలో అఖిల్, జూ.ఎన్టీఆర్ కలిసున్న ఫోటోలు సోషల్ మీడియాలో వైరల్ అవుతున్నాయి. ఆ వివరాలు ఈ కథనంలో తెలుసుకుందాం.
అఖిల్ లెనిన్ మూవీ
అఖిల్ అక్కినేని నటించిన లేటెస్ట్ మూవీ లెనిన్ జూలై 10న ప్రేక్షకుల ముందుకు వస్తోంది. చిత్తూరు బ్యాక్ డ్రాప్ లో తెరకెక్కుతున్న ఈ చిత్రంపై మంచి బజ్ ఉంది. అన్నపూర్ణ స్టూడియోస్ బ్యానర్ పై అక్కినేని నాగార్జున, సితార ఎంటర్టైన్మెంట్స్ బ్యానర్ పై నాగవంశీ ఈ చిత్రాన్ని నిర్మిస్తున్నారు. టాలీవుడ్ లోకి ఎంట్రీ ఇచ్చినప్పటి నుంచి ఇప్పటి వరకు అఖిల్ కి ఒక్క హిట్ కూడా దక్కలేదు.
లెనిన్ చిత్రానికి జూ.ఎన్టీఆర్ వాయిస్ ఓవర్
దీనితో లెనిన్ పై అందరిలో ఆసక్తి నెలకొంది. మురళి కిషోర్ దర్శకత్వంలో ఈ చిత్రం తెరకెక్కుతోంది. లెనిన్ మూవీ సూపర్ హిట్ అయ్యేందుకు ఉన్న చిన్న అవకాశాన్ని కూడా చిత్ర యూనిట్ వదిలిపెట్టడం లేదు. ఈ చిత్రానికి యంగ్ టైగర్ ఎన్టీఆర్ వాయిస్ ఓవర్ అందిస్తుండడం మరో ఆసక్తికర అంశం. తారక్ వాయిస్ ఓవర్ ఈ చిత్రానికి కలసి వస్తుంది అని చెప్పడంలో సందేహం లేదు.
తారక్ పై అఖిల్ ఎమోషనల్ కామెంట్స్
తాజాగా ఎన్టీఆర్ వాయిస్ ఓవర్ కి సంబంధించిన డబ్బింగ్ పూర్తి చేశారు. ఆ దృశ్యాల్ని అఖిల్ సోషల్ మీడియాలో షేర్ చేస్తూ ఎమోషనల్ పోస్ట్ పెట్టారు. థ్యాంక్యూ టైగర్.. లెనిన్ చిత్రానికి నువ్విచ్చిన గర్జనకు కృతజ్ఞతలు. ఎప్పటికీ మరచిపోలేనంత ప్రేమ ఇచ్చావు.. లవ్యూ అంటూ అఖిల్ ఎమోషనల్ కామెంట్స్ చేశారు.
Thank you Tiger🐅. Thanks for roaring for #Lenin. 🙏🏻🙏🏻🙏🏻
Eppatiki marichipolenantha Prema ichhavu. Love you brother @tarak9999 ❤️ pic.twitter.com/D2Xd0pZDpH— Akhil Akkineni (@AkhilAkkineni8) July 6, 2026
అప్పట్లో పవన్ కోసం మహేష్
ఒక హీరో చిత్రానికి మరో హీరో వాయిస్ ఓవర్ అందివ్వడం ఇదేమీ కొత్త కాదు. గతంలో పవన్ కళ్యాణ్ జల్సా చిత్రానికి మహేష్ బాబు వాయిస్ ఓవర్ అందించిన సంగతి తెలిసిందే. ఆ టైంలో పవన్ వరుస పరాజయాల్లో ఉన్నారు. జల్సా చిత్రం మంచి విజయం సాధించింది.
అఖిల్ కి తొలి విజయం దక్కుతుందా ?
ఇప్పుడు అఖిల్ కి కూడా ఒక్క హిట్టు అవసరం. మహేష్ బాబు తరహాలోనే తారక్ వాయిస్ ఓవర్ అఖిల్ కి విజయాన్ని తెచ్చిపెడుతుందేమో చూడాలి. లెనిన్ చిత్రంలో శివాజీ, బ్రహ్మాజీ, ఈశ్వరి రావు, సునీల్ కీలక పాత్రల్లో నటించారు.
