Janaki kalaganaledu: జెస్సికి జానకి సలహా.. రోజంతా పనిచేస్తున్న జానకిని చూసి బాధపడుతున్న రామ!

Janaki Kalaganaledu: బుల్లితెరపై ప్రసారమవుతున్న జానకి కలగనలేదు సీరియల్ తెలుగు ప్రేక్షకుల్ని బాగా ఆకట్టుకుంటుంది. ఐపీఎస్ కలను నిజం చేసుకునేందుకు అత్తవారింట్లో జానకి పడే కష్టాలే ఈ సీరియల్ కాన్సెప్ట్. నిత్యం ట్విస్టులతో కొనసాగుతున్న ఈ సీరియల్ ఈ రోజు ఆగస్ట్ 15వ తేదీ ఎపిసోడ్‌లో ఏం జరిగిందో తెలుసుకుందాం... 

ఈరోజు ఎపిసోడ్ ప్రారంభంలోనే.... గోవిందరాజు, మల్లిక దాచి పెట్టిన ప్లేట్ ని చూస్తాడు.ఇదా సంగతి అని అనుకుంటాడు. ఏ అమ్మ మల్లికా మౌనవ్రతమా అని అడగగా మల్లికా అవును అని బుర్ర ఊపుతుంది. అప్పుడు గోవిందరాజు,నీ మెడలో చైన్ లేదు ఏమైంది అమ్మ? అని అనగా మల్లికా కంగారుగా ప్లేట్ ని టేబుల్ మీద పెట్టి నా చైన్ అని అరుస్తూ ఉంటుంది. అప్పుడు జ్ఞానాంబ అన్నం ప్లేట్ ని చూసి, నేను తిండి తినొద్దు అన్నంత దుర్మార్గురాల్ని కాదు. నువ్వు ఇంకెప్పుడు మాంసం తినకూడదని ఇలా చెప్పాను.ఇంటికి వచ్చిన వెంటనే తినమని చెబుదామనుకున్నాను కానీ నువ్వు నా మాట వినలేదు.

కనుక రెండు రోజులు కాదు మూడు రోజులు వరకు నీకు ఇంట్లో భోజనం ఉండదు అని అక్కడ నుంచి వెళ్ళిపోతుంది. మల్లిక ముఖం మాడిపోతుంది. ఆ తర్వాత సీన్లో కాలేజ్ లో జెస్సి కోపంతో, నన్ను ఇప్పటికి వచ్చి మా అమ్మ కూడా అలాగే తిట్టలేదు ఆ ముసలావిడ నన్ను అంత మాట అంది అని రగిలిపోతూ ఉంటుంది. ఈలోగ జానకి జెస్సిని చూసి హాయ్ జెస్సి అని అరుస్తుంది. అప్పుడు జెస్సి హాయ్ మేడం మీరేంటి ఇక్కడ అని అడుగుతుంది.ఇక్కడ ఫ్రీ సివిల్ కోచింగ్ ఉంది కదా అక్కడ జాయిన్ అయ్యాను అని అంటుంది.పెళ్లయిన తర్వాత కూడా చదవడం అంటే చాలా గ్రేట్ మేడం నాది ఇదే కాలేజీ డిగ్రీ ఫైనల్ ఇయర్ చదువుతున్నాను అని అంటుంది.

అప్పుడు జానకి ఇందాక నేను చూసినప్పుడు ఏదో కోపంలో ఉన్నట్టున్నావు ఏమైంది అని అడగగా ఇందాక నాకు ఒక పెద్ద ఆవిడ కనిపించింది ఆవిడ ఎవరో నాకు తెలీదు నేనెవరో ఆవిడకి తెలియదు అయినా సరే ఆవిడ కొట్టినంత కోపంగా నాతో మాట్లాడింది అని అనగా జానకి, పెద్దవాళ్ళు ఏం చెప్పినా మన గురించే చెప్తారు.మన కోసమే చెప్తారు వీలైతే అందులోని మంచిని మనం తీసుకోవాలి కానీ ఇలా తప్పుగా అనకూడదు అని అంటుంది. అప్పుడు జెస్సి చూడక్క నువ్వు ఇంత నెమ్మదిగా చెప్పావు ఆవిడ మాత్రం కొట్టినట్టు చెప్పింది అని అంటుంది.అప్పుడు జానకి నాకు క్లాస్ కి టైం అవుతుంది మళ్లీ కలిసినప్పుడు మాట్లాడదామని అక్కడి నుంచి వెళ్ళిపోతుంది.

జెస్సీ మనసులో ఇంకోసారి ఆవిడ నాకు కనిపిస్తే మిమ్మల్ని చూసి నేర్చుకోమని చెప్పాలి అక్క అని అనుకుంటుంది. ఆ తర్వాత సీన్ లో జానకి ఇంటికి వస్తుంది.అప్పుడు మల్లిక జానకిని ఏటకారిద్ధాం అనుకుంటాది.కానీ జానకి మల్లికని,నేను కోచింగ్ కి వెళ్తున్నాను అని తెలుసు నీకు అలాంటి అప్పుడు యూనిఫామ్ వేసుకోలేదు ఎందుకని, పోస్టింగ్ ఎక్కడ పడిందని ఎటకారం చేయడం మానేస్తే నీకు మంచిది నాకు మంచిది అని చెప్పి అక్కడి నుంచి వెళ్ళిపోతుంది. ఆ తర్వాత సీన్లో జానకి,వాళ్ళ అత్తయ్య మావయ్య లకు కాఫీ ఇస్తుంది. గోవిందరాజు కాఫీ చాలా బాగుందమ్మా నీ జానకి ని మెచ్చుకుంటాడు. కానీ జ్ఞానం మాత్రం ఏదో అసంతృప్తి ఉన్నట్టు ముఖం పెడుతుంది.

 తర్వాత జానకి రాత్రి భోజనానికి అన్నం వండి టేబుల్ మీద చికితతో పాటు వడ్డిస్తుంది.ఇంట్లో వాళ్ళందరూ భోజనం చేస్తూ ఉండగా మళ్లీక మూలన నించొని ఇదంతా చూస్తూ, ఇంట్లో నేను ఉన్నానని కూడా అందరూ మర్చిపోయారు అని అనుకుంటుంది. జానకి మల్లికను చూస్తూ,అత్తయ్య గారు నేను మీ మాటకి ఎదురు చెప్తున్నాను అని అనుకోకండి కానీ మల్లికా ఆకలికి ఓర్చుకోలేదు. ఈసారి కి తన తప్పును మన్నించి భోజనం చెయ్యనివ్వంది అని అంటుంది. అప్పుడు జ్ఞానం మీరందరూ తన ఆకలి బాధ చూస్తున్నారు కానీ నేను మాత్రం జరగబోయే భయాన్ని చూస్తున్నాను. ఈ ఇంటికి కొన్ని కట్టుబాట్లు ఉంటాయి అవి దాటితే ఎవరికైనా శిక్ష పడాల్సిందే.

 రేపు నీకైనా జానకి ఐదవకాశాలు దాటిపోతే నేను తీసుకునే నిర్ణయం చాలా కఠినంగా ఉంటుంది అని అంటుంది. ఆ తర్వాత సీన్లో జానకి ఇంట్లో పనులన్నీ పూర్తిచేసుకుని చదువుకుంటూ ఉండగా రామా అక్కడికి వచ్చి, ఉదయం నుంచి పనులన్నీ చేసి రాజమండ్రి వరకు వెళ్లి తిరిగి వచ్చి అలసిపోయి ఉంటారు పడుకోండి జానకి గారు అని అంటాడు. అప్పుడు జానకి, పరీక్షలు దగ్గరలో ఉన్నాయి డేట్ కూడా ప్రకటించారు. ఈ రోజు నుంచి ఇంకా ఎక్కువ చదవాలి అని అంటుంది. అప్పుడు రామ నేను అమ్మతో ఈ విషయం గురించి మాట్లాడాలని నిర్ణయం తీసుకున్నాను. పరీక్షలు అయ్యేవరకు ఇంట్లో పనులు మీకు చెప్పొద్దు అని అడుగుదామనుకుంటున్నా ను అని అంటాడు.

అప్పుడు జానకి, అలాగ చెయ్యొద్దు రామ గారు.నాకు చదివెంత ముఖ్యమో ఇంట్లో బాధ్యతలు కూడా అంతే ముఖ్యమని అత్తయ్య గారు నాకు గుర్తు చేశారు. ఈసారి పరీక్ష పోతే వచ్చేసారైనా రాసుకోవచ్చు కానీ అత్తయ్య గారి దగ్గర నమ్మకం పోతే జీవితాంతం తలదించుకునే ఉండాలి. ఆ బాధని నేను చూడలేను నేను పరీక్షలోనే కాకుండా ఇంట్లో కోడలు బాధ్యత కూడా గెలవాలి అని అంటుంది.ఈ మాటలన్నీ జ్ఞానాంబ ఒక మూల నుంచి వింటుంది. ఇంతటితో ఈ ఎపిసోడ్ ముగుస్తుంది. తర్వాయి భాగంలో ఏం జరిగిందో తెలియాలంటే రేపటి వరకు ఎదురు చూడాల్సిందే!