తనని పెళ్లి చేసుకోవాలంటే అది కావాలంటూ ఇమ్మాన్యుయెల్కి జబర్దస్త్ వర్ష కండీషన్.. రంగంలోకి చిరు, నాగ్, పవన్
`జబర్దస్త్`లో హాట్ ఫేవరేట్గా నిలుస్తుంది వర్ష-ఇమ్మాన్యుయెల్ జోడి. రష్మి, సుధీర్ తర్వాత ఆ స్థాయిలో పాపులర్ అయ్యారు. తాజాగా ఈ ఇద్దరు పెళ్లికి సిద్దమవడం విశేషం.
`ఎక్స్ ట్రా జబర్దస్త్`లో సందడి చేస్తుంది వర్ష, ఇమ్మాన్యుయెల్ జోడీ. ఇందులో తమదైన స్కిట్లతో నవ్వులు పూయిస్తుంటారు. లవ్ స్టోరీని బయటపెడుతూ ఈ జంట చేసే రచ్చ అంతా ఇంతా కాదు. రియల్ లైఫ్లోనూ లవర్స్ గా ఆడియెన్స్ లో ముద్ర వేసుకున్నారు. అయితే ఈ జంటపై చాలా రూమర్స్ వచ్చాయి. తాజాగా ఏకంగా వీరిద్దరు పెళ్లికి సిద్ధమవడం విశేషం.
వర్ష.. గతంలో ఇమ్మాన్యుయెల్ని లేకుండా లైఫ్ని ఊహించుకోవడం కష్టం అంటూ `జబర్దస్త్`స్టేజ్పైనే కామెంట్ చేసింది. పలు మార్లు మ్యారేజ్ స్కిట్లు కూడా చేశారు. స్టేజ్పై తమ మధ్య కెమిస్ట్రీని రక్తికట్టించారు. ఇప్పుడు మరోసారి మ్యారేజ్కి సిద్ధపడ్డారు. అయితే తమ పెళ్లి జరగాలంటే ఆ పని చేయాలని కండీషన్ పెట్టింది వర్ష.
ఇమ్మూ మన పెళ్లి జరగాలంటే చాలా పెద్ద బ్యాక్గ్రౌండ్ కావాలని తెలిపింది. దీంతో ఆనందంతో ఉప్పొంగిపోయిన ఇమ్మాన్యుయెల్, దానిదేముందే తనకు చిరంజీవి, నాగార్జున, పవన్ కళ్యాణ్ వీలంతా తెలుసు అంటూ బిల్డప్ కొట్టారు. దీంతో వారిని పెళ్లికి తీసుకురమ్మని చెప్పింది వర్ష. ఆమె కోరికని కాదనలేకపోయాడు ఇమ్మూ. ఆమెపై ఉన్న ప్రేమ ముందు ఇది పెద్ద కష్టం కాదనుకున్నాడు. దీంతో సెలబ్రిటీలను రంగంలోకి దించారు.
చిరంజీవి, నాగార్జున, పవన్ కళ్యాణని పెళ్లికి ఆహ్వానించారు. వారంతా వచ్చిన డాన్సులతో రఫ్ఫాడించారు. తమదైన సిగ్నేచర్ స్టెప్పులతో హోరెత్తించారు. పెళ్లికి ముందు మరో ట్విస్ట్ ఇచ్చింది వర్ష. సంగీతం ఫంక్షన్ పెట్టుకుందామని తెలిపింది. దీంతో చిరు, నాగ్, పవన్(గెటప్ ఆర్టిస్టులు)లతో కలిసి మాస్ స్టెప్పులేసింది. `నేను అట్టాంటి ఇట్టాంటి ఆడదాన్ని కాదు మామో.. ` అనే పాటకి ఊరమాస్ స్టెప్పులేసింది వర్ష.
ఇది చూసిన ఇమ్మాన్యుయెల్ఆమెపై షాకింగ్ కామెంట్ చేశారు. చిరు, నాగ్, పవన్ లకు సారీ చెబుతూ, ఆమె అంతకు ముందు అలాంటి పనులే చేసేది అందుకే ఇలా చేసింది, ఏమనుకోకండి అంటూ తెలిపారు. దీంతో జబర్దస్త్ హౌజ్లో నవ్వులు పూయగా, వర్ష మొఖం వాడిపోయింది. వీరి స్కిట్ ఆద్యంతం కామెడీని పండించింది. హైలైట్గా నిలిచింది.
ఎక్స్ ట్రా జబర్దస్త్ లేటెస్ట్ ప్రోమో విడుదలై యూట్యూబ్లో ట్రెండ్ అవుతుంది. ఇందులో గెటప్ శ్రీను, గౌతమ్రాజు, రాకేష్ టీమ్ల స్కిట్లు సైతం నవ్వులు పూయించాయి.దీనికి ఖుష్బు చాలా ఎగ్జైట్ అయ్యారు. ఇది అసలైన కామెడీ షో అంటూ కీతాబిచ్చింది.