ఇమ్మాన్యుయెల్‌తో ఉన్న బంధాన్ని బహిర్గతం చేసిన `జబర్దస్త్` వర్ష.. అన్ని ప్రశ్నలకు సమాధానం.. అవాక్కయిన ఖుష్బు..

`జబర్దస్త్`లో కమెడియన్లు వర్ష, ఇమ్మాన్యుయెల్‌ మధ్య లవ్ ట్రాక్‌ నడుస్తున్న విషయం తెలిసిందే. వీరి లవ్‌లో నిజమెంతా అనేది అందరికీ ఉన్న డౌట్‌. తాజాగా అందరికీ షో వేదికగా క్లారిటీ ఇచ్చింది వర్ష. ఇదే ఇప్పుడు హాట్‌ న్యూస్‌ అవుతుంది. 

`జబర్దస్త్`లో లవ్‌ స్టోరీలు చాలా ఫేమస్. రష్మి-సుధీర్‌, వర్ష-ఇమ్మాన్యుయెల్‌, రాకేష్‌-సుజాత ఫేమస్‌ లవ్‌ ట్రాకులుగా రాణిస్తున్నాయి. `జబర్దస్త్` కి మంచి టీఆర్‌పీని తీసుకొస్తున్నాయి. అందులో భాగంగా వర్ష, ఇమ్మాన్యుయెల్‌ లవ్‌ స్టోరీ కూడా ఆద్యంతం ఆకట్టుకుంటున్న విషయం తెలిసిందే. వీరిద్దరు కలిసి చేసే స్కిట్లలో ఏదో రూపంలో తమ ప్రేమని వ్యక్తం చేసేలా స్కిట్లు రూపొందిస్తుంటారు. 

అయితే మొదట్లో ఇద్దరూ తమ ప్రేమని వ్యక్తం చేస్తూ రెచ్చిపోయారు. అది పీక్‌లోకి వెళ్లింది. కానీ విమర్శలు,ట్రోల్స్ ఎక్కువ కావడంతో కొన్ని రోజులు వర్ష జబర్దస్త్ కి దూరంగా ఉంది. మళ్లీ రీఎంట్రీ ఇచ్చిన తర్వాత ఇమ్మాన్యుయెల్‌తో దూరం మెయింటేనే చేస్తుంది. కామెడీ స్కిట్లు చేస్తున్నారు కానీ, ప్రేమని వ్యక్తం చేసే స్పెషల్‌ స్కిట్లకి దూరంగా ఉంటూ వచ్చారు. దీంతో వీరి లవ్ ట్రాక్‌ బెడిసికొట్టిందా అనే రూమర్లు వినిపించాయి. కానీ ఇన్నాళ్లకి మరోసారి రెచ్చిపోయారు. అందరిలో ఉన్న ప్రశ్నలకు సమాధానం చెప్పారు. 

తాజాగా `జబర్దస్త్` వేదికగా తమ ప్రేమని, తమ మధ్య ఉన్న బంధాన్ని బహిర్గతం చేశారు. గతంలో మాదిరిగానే `ఇమ్మూ లేకపోతే కష్టం మేడమ్‌` అన్నట్టుగానే మరోసారి ఆయనపై తన ప్రేమని వ్యక్తం చేసింది వర్ష. ఆయన లేకపోతే తాను బతకలేనని తెలిపింది. `జబర్దస్త్` లేటెస్ట్ ప్రోమో విడుదలైంది. ఇందులో నరేష్‌తో కలిసి రష్మి డాన్సు చేయడం ఆద్యంతం ఆకట్టుకుంది. 

ఆ తర్వాత కెవ్వు కార్తిక్‌ మ్యాన్‌ హోల్‌లో పడిపోయే సీన్‌ నవ్వులు పూయించింది. అనంతరం రాకింగ్‌ రాకేష్‌,సుజాత ఎపిసోడ్‌ నవ్వించింది. దీని తర్వాత `యమలోకం` స్కిట్లు చేశారు రాంప్రసాద్‌, గెటప్‌ శ్రీను, ఇమ్మాన్యుయెల్‌, వర్ష, ఫైమా, రాకేష్‌, సుజాతలు. వీరిలో గెటప్‌ శ్రీను యముడిగా చేయగా, రాంప్రసాద్‌ ఆయన సహాయకుడిగా చేశారు. రాకేష్‌, సుజాత, ఇమ్మూ, వర్ష, ఇలా వారంతా కింద తప్పులు చేసి చనిపోయి యమలోకానికి వస్తారు. అక్కడ యమధర్మరాజు వారికి శిక్షలు వేయాలని నిర్ణయిస్తాడు. 

ఈ క్రమంలో వర్ష, ఇమ్మాన్యుయెల్‌ జంటని విచారిస్తుంటారు. వీరిద్దరితో చాలా డేంజర్ అని చెప్పగా, అవును చూస్తుంటే వీరి చాలా డేంజర్‌గానే అనిపిస్తుందని గెటప్‌ శ్రీను చెప్పడంతో నవ్వులు విరిసాయి. అయితే వీరు శిక్ష నుంచి విముక్తి కావాలంటే తమ మధ్య ఉన్న ప్రేమ నిజమైనదని నిరూపించుకోవాలనే టాస్క్ ఇస్తారు. ఇదే అదనుగా భావించిన వర్ష రెచ్చిపోయింది. ప్రేమతో కొట్టింది. 

వర్ష ఇమ్మాన్యుయెల్‌ని ఉద్దేశించి చెబుతూ, `ఇమ్మూ అందరికి డౌట్‌ ఉంది. ఏంటీ వీరిద్దరు పెళ్లి చేసుకుంటారా లేదా? అని, అందరికి చెప్పాల్సిందేంటంటే ఇమ్మూ కాదన్న రోజు, ఈ వర్ష ఊపిరి ఉండదు` అని ఎమోషనల్‌గా చెప్పేసింది వర్ష. దీంతో ఇమ్మాన్యుయెల్లో పట్టలేని ఆనందంతో కూడిన నవ్వు విరిసింది. ఉబితబ్బిబ్బయ్యాడు. వర్ష సైతం ఆనందంతో ఉప్పొంగిపోయింది. 

ఇక షో నిర్వహకులు ఒకే ఒక లోకం నువ్వే అంటూ పాటేసుకోవడం విశేషం. ఇది చూసిన యముడిగా ఉన్న గెటప్‌ శ్రీను ఆపండి యముండా, మాట్లాడితే లవ్‌ ట్రాక్‌లేసుకుని మొత్తం.. అంటూ లోలోపల గునగడంతో నవ్వులు పూసాయి. గత లవ్‌ ట్రాక్ లను ఉద్దేశించి ఆయన లోలోపల కామెంట్లు చేశాడని అర్థమవుతుంది. అంతేకాదు ఫైమా,ప్రవీణ్‌ వచ్చినప్పుడు మరో లవ్‌ సాంగ్‌ వేయడంతో గెటప్‌ శ్రీను సాంగ్‌ వేసే వాళ్ల వద్దకెళ్లి ఏమయ్యా ఇలాంటి సాంగులేసి వారిలో లేనిపోని పుట్టిస్తావు చిరాగ్రా అంటూ కామెంట్ చేయడం కామెడీని పంచింది. ఇది ఆద్యంతం ఆకట్టుకుంటుంది. ప్రోమోలో హైలైట్‌ అయ్యింది.