Bigg Boss Telugu 8: దేవుడా, నాగార్జున రెమ్యునరేషన్ పై దిమ్మతిరిగే ట్విస్ట్, తెలుగు బుల్లితెర చరిత్రలో రికార్డ్

కింగ్ నాగార్జున హోస్ట్ గా చేయబోతున్న బిగ్ బాస్ సీజన్ 8 త్వరలో ప్రారంభం కాబోతోంది. బిగ్ బాస్ 8 లోగోని కూడా రీసెంట్ గా అఫీషియల్ గా అనౌన్స్ చేశారు. సెప్టెంబర్ నుంచి బిగ్ బాస్ సీజన్ 8 ప్రారంభం కాబోతున్నట్లు తెలుస్తోంది. దీనితో ఇప్పటి నుంచే ప్రేక్షకుల్లో ఆసక్తి పెరిగిపోయింది. 

గత సీజన్ సూపర్ హిట్ అయింది. వినోదంతో పాటు వివాదాలు కూడా హైలైట్ అయ్యాయి. పల్లవి ప్రశాంత్, శివాజీ, అమర్ దీప్, శోభా శెట్టి లాంటి కంటెస్టెంట్స్ మంచి ఎంటర్టైన్మెంట్ ఇచ్చారు. ఈ సీజన్ లో అలాంటి కంటెస్టెంట్స్ ని తీసుకురాబోతున్నారు. కంటెస్టెంట్స్ లిస్ట్ గురించి కూడా లీకులు అందుతున్నాయి. 

ఇదిలా ఉండగా హోస్ట్ గా సీజన్ 3 నుంచి తనదైన మార్క్ ప్రదర్శిస్తున్న నాగార్జున తెలుగు బిగ్ బాస్ కి బ్రాండ్ గా మారారు. బిగ్ బాస్ షోకి ఉన్న ఆదరణ, క్రేజ్ దృష్ట్యా నాగార్జున రెమ్యునరేషన్ గురించి కూడా క్రేజీ రూమర్స్ వైరల్ అవుతున్నాయి. 

నాగార్జున బిగ్ బాస్ 8 కి అందుకోబోయే రెమ్యునరేషన్ గురించి వింటే మైండ్ బ్లాక్ కావడం ఖాయం. బిగ్ బాస్ 8 కోసం నాగార్జున ఏకంగా 30 కోట్ల పారితోషికం అందుకోబోతున్నట్లు వార్తలు వస్తున్నాయి. ఇది ఊహించని రెమ్యునరేషన్ అని చెప్పొచ్చు. 

గత సీజన్ లో నాగార్జున 20 కోట్ల వరకు పారితోషికం అందుకున్నారు. ఈసారి బిగ్ బాస్ ఇంకా ఘాటుగా ఉండబోతోంది. క్రేజ్ కూడా తారా స్థాయికి చేరింది. దీనితో నాగ్ రెమ్యునరేషన్ కూడా పెంచేసారు. బిగ్ బాస్ షో 100 రోజుల పైగా ఉండబోతోంది. 

నాగార్జున కనిపించేది శని, ఆదివారాలు మాత్రమే. అంటే నెలకి 8 రోజులు. షో మొత్తం చూసుకుంటే నాగార్జున 30 రోజులు కూడా కనిపించరు. అయినా 30 కోట్ల పారితోషికం అంటే రోజుకు కోటి పైనే అని చెప్పొచ్చు. తెలుగు బుల్లితెర చరిత్రలో ఇది రికార్డ్ అంటున్నారు.