పవన్ కళ్యాణ్ తో హీరోయిన్ గా నటించాలని ఉంది, ఛాన్స్ వస్తే పిచ్చ హ్యాపీ.. సీనియర్ నటి క్రేజీ కామెంట్స్

పవన్ కళ్యాణ్ పై ఓ సీనియర్ హీరోయిన్ చేసిన వ్యాఖ్యలు వైరల్ అవుతున్నాయి. ఆమె సీనియర్ హీరోయిన్ అయినప్పటికీ వయసు పరంగా పవన్ కళ్యాణ్ కంటే చిన్నవారే.

Pawan Kalyan

జనసేన అధినేత పవన్ కళ్యాణ్ డిప్యూటీ సీఎంగా బిజీగా ఉన్నారు. పవన్ తాను పూర్తి చేయాల్సిన చిత్రాల షూటింగ్ ని ఇంకా తిరిగి ప్రారంభించలేదు. ఓజి, హరిహర వీరమల్లు, ఉస్తాద్ భగత్ సింగ్ చిత్రాల షూటింగ్ ఇంకా పెండింగ్ లో ఉంది. ముందుగా పవన్ ఓజి చిత్రాన్ని ఫినిష్ చేయాలనే ఆలోచనతో ఉన్నారు. దీనికి కారణం ఓజి షూటింగ్ ఆల్మోస్ట్ పూర్తయింది. ఇక కొద్దిరోజులు పవన్ డేట్లు ఇస్తే సరిపోతుంది. 

ఇదిలా ఉండగా పవన్ కళ్యాణ్ పై ఓ సీనియర్ హీరోయిన్ చేసిన వ్యాఖ్యలు వైరల్ అవుతున్నాయి. ఆమె సీనియర్ హీరోయిన్ అయినప్పటికీ వయసు పరంగా పవన్ కళ్యాణ్ కంటే చిన్నవారే. ఆమె ఎవరో కాదు శ్రీదేవి డ్రామా కంపెనీ లాంటి షోలకు జడ్జిగా వ్యవహరిస్తున్న నటి ఇంద్రజ. ఒకప్పుడు ఇంద్రజ హీరోయిన్ గా రాణించారు. 

ఇప్పుడు ఆమె అవకాశం ఉన్నప్పుడు క్యారెక్టర్ రోల్స్ చేస్తూ.. జబర్దస్త్, శ్రీదేవి డ్రామా కంపెనీ షోలలో జడ్జిగా చేస్తున్నారు. ఓ ఇంటర్వ్యూలో ఇంద్రజ పవన్ కళ్యాణ్ గురించి క్రేజీ కామెంట్స్ చేసారు. ఇప్పుడు ఉన్న హీరోల్లో ఛాన్స్ వస్తే ఎవరి సరసన హీరోయిన్ గా చేస్తారు అని యాంకర్ ప్రశ్నించగా.. ఇంద్రజ ఏమాత్రం తడుముకోకుండా పవన్ కళ్యాణ్ అని చెప్పింది. 

Indraja

పవన్ కళ్యాణ్ అంటే నాకు చాలా ఇష్టం. ఆయన పక్కన హీరోయిన్ గా ఛాన్స్ వస్తే పిచ్చ హ్యాపీ అంటూ ఇంద్రజ సమాధానం ఇచ్చింది. అదే విధంగా కొన్ని ఆసక్తికర ప్రశ్నలకి కూడా ఇంద్రజ సమాధానం ఇచ్చింది. రష్మీ, సుధీర్ లలో ఎవరు బెస్ట్ యాంకర్ అని ప్రశ్నించగా.. రష్మీ అని ఇంద్రజ సమాధానం ఇచ్చారు. రష్మీ యాంకర్ గా తన కెరీర్ ని బిల్డ్ చేసుకుంది. తనకంటూ ప్రత్యేక స్థానం దక్కించుకుంది అని ఇంద్రజ ప్రశంసించింది. 

ఇక సుధీర్ ని తాను ఎప్పుడూ హీరోగానే ఊహించుకున్నానని ఇంద్రజ అన్నారు. అదే విధంగా హైపర్ ఆది గురించి కూడా స్పందించారు. హైపర్ ఆది నాపై పంచ్ లు వేస్తుంటే నేనేమి ఎంజాయ్ చేయను. పీక పిసికేయాలనిపించేంత కోపం వస్తుంది అని ఇంద్రజ సరదాగా అన్నారు.