Gay: అయ్యో.. నేను గే కాదు, అందుకోసం విడాకులు తీసుకోలేదు, హర్ట్ అయిన హీరోయిన్
Gay: 'నాగిని' సీరియల్తో దేశవ్యాప్తంగా మంచి పాపులారిటీ తెచ్చుకుంది మౌనీ రాయ్. తరువాత సినిమాల్లోకి ఎంట్రీ ఇచ్చింది. తన విడాకులపై వస్తున్న పుకార్లపై ఆమె స్పందించింది. తాను గే కాదని చెప్పింది.
మౌని రాయ్ విడాకులు
నాగిని సీరియల్ లో పాపులారిటీ తెచ్చుకుని సినిమాల్లోకి ఎంట్రీ ఇచ్చింది మౌని రాయ్. ఈమె కెరీర్ మంచి స్టేజ్ లో ఉన్నప్పుడే బెంగళూరుకు చెందిన సూరజ్ నంబియార్ ను ప్రేమించి పెళ్లి చేసుకుంది. కానీ రెండేళ్లకే వీరిద్దరూ విడిపోయారు. అధికారికంగా విడాకులు కూడా తీసుకున్నారు. మౌనీ రాయ్ ఎందుకు విడాకులు తీసుకుందనే విషయంపై పెద్ద చర్చనే నడిచింది. నటి దిశా పటానీ, మౌనీ రాయ్ మంచి స్నేహితులు. వీరిద్దరు కలిసి తిరిగిన ఫోటోలు బాగా వైరల్ అయ్యాయి. దాంతో వీరిద్దరూ రిలేషన్ షిప్ లో ఉన్నారని పుకార్లు పుట్టుకొచ్చాయి. ఆ సంబంధం వల్లే మౌని రాయ్ విడాకులు తీసుకున్నారనే రూమర్ వచ్చింది.
ఇంటర్వ్యూలో ఆసక్తికర ప్రశ్న
అయితే దీనిపై ఇంతవరకు దిశా పటానీ, మౌని రాయ్ స్పందించలేదు. అయితే తాజాగా మౌని ఈ విషయంపై మాట్లాడింది. ఒక ఇంటర్వ్యూలో మౌనీ రాయ్కు ఒక ప్రశ్న ఎదురైంది. "బాలీవుడ్లో మీ గురించి మీరు విన్న అతిపెద్ద రూమర్ ఏంటి?" అని అడిగాడు యాంకర్. దానికి మౌని రాయ్ మాట్లాడుతూ … "నేను గే అనే రూమార్" అని సమాధానం ఇచ్చింది. తాను గే కాదని చెప్పుకొచ్చింది. విడాకుల సమయంలో తన కుటుంబం, స్నేహితులు తనకు అండగా నిలిచారని మౌనీ రాయ్ చెప్పింది.
రెండేళ్లకే పెళ్లి పెటాకులు!
2022లో మౌనీ రాయ్, సూరజ్ నంబియార్ ఒకరినొకరు ఇష్టపడి పెళ్లి చేసుకున్నారు. కానీ వారిద్దరూ రెండేళ్లుగా దూరంగా ఉంటున్నారని వార్తలు వచ్చాయి. తరువాత పరస్పర అంగీకారంతోనే విడాకులు తీసుకున్నట్లు వార్తలొచ్చాయి. ప్రస్తుతం మౌనీ రాయ్ సినిమాలు, రియాలిటీ షోలతో బిజీగా ఉంది.
