సినిమా చూసి వారితో ప్రేమలో పడకపోతే నా పేరు మార్చుకుంటా.. మృణాల్‌ ఠాకూర్‌ బోల్డ్ స్టేట్‌మెంట్‌..

`సీతారామం` బ్యూటీ మృణాల్‌ ఠాకూర్‌ తాజాగా హాట్‌ టాపిక్‌ అవుతుంది. తాజాగా ఆమె చేసిన కామెంట్‌ ఇండస్ట్రీనిలో రచ్చ చేస్తుంది. సోషల్‌ మీడియాలో వైరల్‌ అవుతుంది. ఒక సినిమా కోసం తన పేరు మార్చుకుంటానని తను చేసిన కామెంటే అందుకు కారణం. 
 

మృణాల్‌ ఠాకూర్‌ ప్రస్తుతం హీరో నానితో కలిసి `హాయ్‌ నాన్న` చిత్రంలో  నటిస్తుంది. ఇందుల్‌ శౌర్యువ్‌ దర్శకత్వం వహిస్తున్న చిత్రమిది. ఆయన డెబ్యూ డైరెక్టర్‌. ఈ చిత్రం విడుదలకు సిద్దమవుతుంది. తాజాగా వైజాగ్‌లో ప్రీ రిలీజ్‌ఈవెంట్‌ని నిర్వహించారు. 
 

అందులో భాగంగా రెడ్‌ శారీలో మెరిసింది మృణాల్‌. ఆమె అందాలు అదరహో అనేలా ఉన్నాయి. చీరలో ఆద్యంతం కట్టిపడేస్తుంది. తెలుగమ్మాయిలా కనిపిస్తుంది. `హాయ్‌ నాన్న` ఈవెంట్‌కి స్పెషల్‌ ఎట్రాక్షన్‌గా నిలిచింది. అయితే ఆమె చేసిన కామెంట్స్ మరింత ఆకట్టుకుంటున్నాయి. సినిమా పై ప్రశంసలు కురిపించింది. 
 

మృణాల్‌ ఇందులో ఆమె మాట్లాడుతూ, శౌర్యువ్‌ తనకు కథ చెప్పినప్పుడు చాలా ఎగ్జైట్‌ అయ్యానని, అయితే నానితో స్క్రీన షేర్‌ చేసుకోబోతున్నానని తెలిసి మరింత ఎగ్జైట్‌ అయ్యాను. నానితో పనిచేయడం వండర్‌ఫుల్‌ ఎక్స్ పీరియెన్స్. కియారా(బాలనటి)తో పనిచేయడం అద్భుతంగా అనిపించింది. ఈ సినిమాతో నాకు మంచి ఫ్రెండ్‌ దొరికింది. 

నన్ను ఆదరిస్తున్న తెలుగు ఆడియెన్స్ కి ధన్యవాదాలు. `సీతారామం`లో సీతగా ఎంతో ఆదరించారు. ప్రేమించారు. ఒక తెలుగు అమ్మాయిగా గుర్తించారు. ఈ ప్రేమని ఎప్పటికీ మర్చిపోలేనని తెలిపింది. అలాగే `దర్శన` అనే పాటతో మ్యూజిక్‌ డైరెక్టర్‌ హేషామ్‌ అబ్దుల్‌ వాహబ్‌తో ప్రేమలో పడిపోయా. దర్శన పాట లాగే ఇందులోని పాట మారుమోగుతుంది. 

ఇక సినిమాలో కూతురు తండ్రి మధ్య బాండింగ్‌ అద్భుతంగాఉంటుంది. సినిమా చేసేటప్పుడు నాకు మా నాన్న గుర్తొచ్చారు. నాని, పాప మధ్య బాండింగ్‌ బాగుంటుంది. సినిమా చూశాక వారితో మీరు ప్రేమలో పడతారు. ఒకవేళ పడకపోతే నా పేరు మార్చుకుంటా` అని హీరోయిన్‌ మృణాల్‌ ఠాకూర్‌ బోల్డ్ స్టేట్‌మెంట్‌ ఇచ్చింది. 

ఇందులో తాను యష్నా పాత్రలో కనిపిస్తుందని తెలిపింది మృణాల్‌. డిసెంబర్‌ 7న ఈ చిత్రం తెలుగుతోపాటు తమిళం, కన్నడ, మలయాళం, హిందీలో విడుదల కానుంది. ఇందులో శృతి హాసన్‌ గెస్ట్ రోల్‌ కనిపిస్తుంది.