బాలయ్యనే భయపెట్టిన అల్లు అర్జున్ కూతురు అర్హ, ఆమె చేసిన పనికి నటసింహం షాక్!

అందరినీ భయపెట్టే బాలయ్యనే భయపెట్టింది అల్లు అర్జున్ గారాల పట్టి అల్లు అర్హ. ఈ లిటిల్ బేబీ బాలయ్యను తన చర్యలతో షాక్ కి గురి చేసింది.  

Unstoppable Show

మోస్ట్ సక్సెస్ఫుల్ టాక్ షో అన్ స్టాపబుల్ సీజన్ 4 ఇటీవల మొదలైంది. పలువురు సెలెబ్స్ గెస్ట్స్ గా వచ్చారు. వారిలో అల్లు అర్జున్ చాలా ప్రత్యేకం. ఇటీవల అల్లు అర్జున్ ఎపిసోడ్ ప్రసారమైంది. విశేష ఆదరణ దక్కించుకుంది. పలు కీలక విషయాలు ఈ టాక్ షోలో చర్చకు వచ్చాయి. 

మెగా హీరోలతో, ముఖ్యంగా పవన్ కళ్యాణ్ తో అల్లు అర్జున్ కి దూరం పెరిగినట్లు వార్తలు వస్తున్నాయి. కోల్డ్ వార్ జరుగుతుందన్న వాదన ఉంది. జనసేన కీలక నేతలు బహిరంగంగానే అల్లు అర్జున్ పై విమర్శల దాడికి దిగారు. ఈ క్రమంలో పవన్ కళ్యాణ్ మీద అల్లు అర్జున్ అభిప్రాయం ఏమిటనే ఆసక్తి నెలకొంది. పవన్ కళ్యాణ్ పై అల్లు అర్జున్ కామెంట్ ఏమిటని బాలయ్య అడగ్గా.. అల్లు అర్జున్ పాజిటివ్ గా స్పందించారు. 

అలాగే గోవా వైన్ షాప్ లో మద్యం కొనుగోలు చేస్తున్న అల్లు అర్జున్ వీడియో బాలకృష్ణ ప్రదర్శించాడు. అది నిజమేనా అని అడిగాడు. అవును నేను గోవాలో మద్యం కొన్నది నిజమే. అది నా కోసం కాదు. నాకు ఒక ఫ్రెండ్ ఉన్నాడు. అతడు మీకు డైహార్డ్ ఫ్యాన్. తన కోసం ఆ రోజు మద్యం కొనుగోలు చేశానని అల్లు అర్జున్ చెప్పుకొచ్చారు. 

అల్లు అర్జున్ ఫస్ట్ ఎపిసోడ్ ప్రసారమైంది. ఆహా సెకండ్ ఎపిసోడ్ స్ట్రీమింగ్ కి సిద్ధం అవుతుంది. అల్లు అర్జున్ అన్ స్టాపబుల్ టాక్ షో సెకండ్ ఎపిసోడ్ ప్రోమో తాజాగా విడుదల చేశారు. ఈ ఎపిసోడ్లో అల్లు అర్జున్ పిల్లలు అర్హ, అయాన్ ప్రత్యేక ఆకర్షణగా నిలిచారు. అల్లు అర్హ, అయాన్ లను కూడా బాలకృష్ణ తనదైన ప్రశ్నలు వేశాడు. 

కాగా అర్హ చిచ్చర పిడుగు అనిపించింది. బాలయ్యనే భయపెట్టింది. సాధారణంగా బాలయ్యకు అందరూ భయపడతారు. అర్హ మాత్రం ఆయనకు ఝలక్ ఇచ్చింది. నీకు తెలుగు వచ్చా? అని అర్హను బాలకృష్ణ అడిగారు. తెలుగు వచ్చా... దంచేస్తుందని అల్లు అర్జున్ అన్నారు. ఆ వెంటనే అర్హ పద్యం అందుకుంది. 

అటజని కాంచె భూమిసురుడు... అనే పద్యాన్ని గుక్క తిప్పుకోకుండా చెప్పింది. ప్రవరుని స్వగతం పేరుతో అల్లసాని పెద్దన రాసిన ఈ కావ్యం 10వ తరగతి తెలుగు సబ్జెక్టులో ఉంటుంది. ఈ పద్యాన్ని గుర్తు పెట్టుకోవడం చాలా కష్టం. అలాంటిది అర్హ గుక్క తిప్పుకోకుండా చెప్పింది. అర్హ టాలెంట్ కి బాలకృష్ణ విస్తుపోయాడు. 

బాలకృష్ణ తెలుగు భాషాభిమాని అన్న విషయం తెలిసిందే. తెలుగు పద్యం చెప్పి అర్హ బాలయ్య మనసును దోచేసింది. తెలుగు ఈ భూమ్మీద నాలుగు కాలాల పాటు చల్లగా మనుగడ సాగిస్తుందనే నమ్మకం కలిగిందని బాలకృష్ణ.. అర్హ పద్యం విన్నాక ఆమెను ముద్దాడుతూ అన్నాడు. 

అల్లు అర్జున్ కొడుకుపై కూడా బాలకృష్ణ ప్రశంసలు కురిపించాడు. మీవాడు ఐకాన్ స్టార్ అమ్మ మొగుడు అయ్యేలా ఉన్నాడని అన్నాడు. యానిమల్ మూవీలో రన్బీర్ కపూర్ క్యారెక్టర్ మావాడిది. నాన్న కోసం ఏదైనా చేస్తాడని అల్లు అర్జున్ చెప్పారు. అన్ స్టాపబుల్ సీజన్ 4 లేటెస్ట్ ప్రోమో వైరల్ గా మారింది. మరోవైపు అల్లు అర్జున్ నటించిన పుష్ప 2 డిసెంబర్ 5న విడుదల కానుంది.