Manchu Lakshmi: తీవ్ర మనస్తాపంలో మంచు లక్ష్మి... సరిదిద్దుకోలేని తప్పులు చేశానంటూ సెన్సేషనల్ కామెంట్స్

మంచు లక్ష్మి సోషల్ మీడియా పోస్ట్ పలు అనుమానాలకు కారణమైంది. ఆమె సరిదిద్దుకోలేని తప్పులు చేశానని చెప్పడం సంచలనం రేపుతోంది.  

Manchu Lakshami

టాలీవుడ్ బడా ఫ్యామిలీస్ లో మంచు కుటుంబం ఒకటి. ఆర్థికంగా ఉన్నత స్థితిలో ఉన్నప్పటికీ నటులుగా ఒకప్పటి వైభవం కోల్పోయారు. మోహన్ బాబు(Mohan Babu) విలన్, హీరో, కమెడియన్, క్యారెక్టర్ రోల్స్ తో విలక్షణ నటుడు అనిపించుకున్నాడు. 500లకు పైగా చిత్రాల్లో నటించి రికార్డులు నెలకొల్పాడు. ఆయన లెగసీని ముందుకు తీసుకెళ్లడంలో వారసులు ఫెయిల్ అయ్యారు. 

మంచు విష్ణు, మనోజ్ హీరోలుగా కనీస గుర్తింపుకు నోచుకోలేదు. స్టార్ హీరోలు కావడం అంటుంచితే... టైర్ టు హీరోలుగా కూడా నిలదొక్కుకోలేకపోయారు. మోహన్ బాబుకు ఇది అతిపెద్ద రిగ్రీట్. మంచు ఫ్యామిలీలోని మరో ఫెయిల్యూర్ యాక్టర్ లక్ష్మీ ప్రసన్న. మోహన్ బాబు వన్ అండ్ ఓన్లీ డాటర్ ఏదో చేద్దామని ట్రై చేసినా ఫలితం దక్కలేదు.

చాలా కాలం అమెరికాలో ఉన్న మంచు లక్ష్మి(Manchu Lakshmi) అమెరికన్ టెలివిజన్ షోస్ హోస్ట్ గా వ్యవహరించారు. హాలీవుడ్ చిత్రాల్లో కూడా నటించడం విశేషం. మంచు లక్ష్మి ఇంగ్లీష్ స్కిల్స్ అందుకు ఉపయోగపడ్డాయి. దీంతో టాలీవుడ్ ని దున్నేద్దామని హైదరాబాద్ లో ల్యాండ్ అయ్యింది. బ్రదర్స్ మాదిరి మంచు లక్ష్మికి కూడా కాలం కలిసిరాలేదు. 

ఏకంగా హీరోయిన్ కావాలని ప్రయత్నాలు చేసి కనీసం క్యారెక్టర్ ఆర్టిస్ట్ కూడా కాలేకపోయింది. వాళ్ళ యాక్టింగ్ ఇంట్రెస్ట్ తీర్చుకోవడానికి సొంతగా సినిమాలు నిర్మించుకోవాల్సిన పరిస్థితి నెలకొంది. మొత్తంగా మోహన్ బాబు నుండి మంచు లక్ష్మి వరకు ఎవరి చిత్రాలు ఆడియన్స్ చూడటం లేదు. 

ఈ క్రమంలో మంచు లక్ష్మి చేసిన సోషల్ మీడియా పోస్ట్ ఆసక్తిరేపుతోంది. ఆమె ఇంస్టాగ్రామ్ స్టేటస్ లో''గతంలో నేను సరిదిద్దుకోలేని తప్పులు చేశాను. ఇప్పుడు నేను మారాను. ఇకపై ఆ తప్పులు చేయాలి అనుకోడం లేదు'' అంటూ కామెంట్ చేశారు. ఇది పలు అనుమానాలకు దారితీసింది.

Manchu Lakshmi

మంచు లక్ష్మి చేసిన అంత పెద్ద తప్పులు ఏమిటని సోషల్ మీడియా జనాలు చర్చకు దిగారు. ఆమె చెబుతున్న తప్పులు వ్యక్తిగత జీవితానికి సంబంధించినవా? లేక వృత్తిపరమైనవా? అనే సందిగ్ధంలో పడ్డారు. మంచు లక్ష్మి కెరీర్ గురించి అందరికీ తెలుసు. వ్యక్తిగత జీవితంలో మాత్రం కొన్ని తెలియని కోణాలు ఉన్నాయి. ఏది ఏమైనా మంచు లక్ష్మి సోషల్ మీడియా పోస్ట్ పలు అనుమానాలకు కారణమైంది.