ఇంకెన్నాళ్లు రష్మీ-సుధీర్ రొమాన్స్, విసుగెత్తిన ఆడియన్స్, ఇక ఆపరా అంటున్న నెటిజన్లు

దాదాపు పదేళ్లుగా స్క్రీన్ పై అదే పాటలు.. అదే రొమాన్స్.. అదే ఎలివేషన్లు.. ఏదో ఉందని చూపించడం.. చివర్లో తుస్సుమనిపించడం.. ఇదే పని అయిపోయింది రష్మీ-సుధీర్ పరిస్థితి.  

బుల్లితెరపై రష్మీ-సుధీర్ జోడీకి మంచి డిమాండ్ ఉంది. దాన్ని అక్కడి మేకర్స్ గట్టిగా ఉపయోగించుకున్నారు. టీఆర్పీలు పెంచుకోవడం కోసం చాన్స్ దొరికినప్పుడల్లా వీళ్ళ రొమాన్స్ ను ఎపిసోడ్ లో స్పేస్ లేకపోయినా సరే ఇరికించి మరీ.. వైరల్ చేశారు. ఒకటి కాదు రెండు కాదు సందు దొరికితే చాలు ఓ పదినిమిషాలు వీళ్ళ బాగోతమే ఉండేది జబర్థస్త్ లో కూడా. అదే ఇతన ఎపిసోడ్స్ కు కూడా పాకించేశారు.

 వీళ్ళిద్దరికి ఆన్ స్క్రీన్ పెళ్ళి చేశారు. డ్యూయోట్లు వేశారు, పెళ్ళి చూపులు చేశారు. లవ్ ఫెయిల్యూర్ ఎపిసోడ్లు కూడా చేశారు. రష్మీ-సుధీర్ ల మధ్య ఏం ఉంది ఏం లేదు అనేది తెలియదు కాని.. వీరిమధ్య ప్రేమ అనే టైటిల్ కార్డ్ ఇచ్చి ఎంత వాడాలో అంత వాడేశారు. ఇక రష్మీ-సుధీర్ జోడీకి రెండు తెలుగు రాష్ట్రాల్లో విపరీతమైన ఫాలోయింగ్ ఉంది. వీరి ఎపిసోడ్స్ ఎప్పుడు వస్తాయా అని కళ్లు కాయలు కాచేలా ఎదరు చూసేజనాలు బోలెడు మంది. ఇక ఇలాంటివి నచ్చక వీరిని ప్రత్యేకంగా విమర్శించే బ్యాచ్ కూడా ఉన్నారు. 

ఎపిసోడ్స్ కోసం ఇంతలా బరితెగించాల్సిన అవసరం ఏముంది అని చాలామంది ప్రశ్నిస్తున్నారు. బుల్లితెర ఆడియస్స్ లో ఎక్కుగా ఫ్యామిలీ లేడీస్ ఉంటారు. ఇంట్లో ఆడవారు కుటంబంతో కలిసి చూస్తుంటారు. పిల్లలు చూస్తుంటారు. సినిమాల ఎలాగో ఓవర్ డోస్ రొమాన్స్, యాక్షన్ తో ఇబ్బందిపెడుతున్నాయి. ఇక బుల్లితెరపై కూడా ఇలాంటివే ఉంటే ఎలా అని ప్రశ్నించేవారు కూడా లేకపోలేదు. 

ఈక్రమంలో రష్మీ-సుధీర్ జంట చాలా కాలంగా తెరపై కనిపించలేదు. సుధీర్ జబర్ధస్త్ మానేసి సినిమాలపై ఫోకస్ చేయడంతో.. వీరిద్దరు కలిసే ఛాన్స్ రాలేదు. ఇక సుధీర్ కు సినిమాలు పెద్దగా వర్కౌట్ అవ్వలేదు. దాంతో క్యారెక్టర్ రోల్స్ చేసుకుంటూ మళ్ళీ బుల్లితెరమీకు రీ ఎంట్రీ ఇచ్చేశాడు. ఇక మళ్ళీ చాలా కాలం గ్యాప్ తరువాత రష్మీ-సుధీర్ లు మళ్ళీ రొమాన్స్ మొదలు పెట్టారు.

Sudigali Sudheer

 రీసెంట్ సంక్రాంతి స్పెషల్ ప్రోగ్రామ్ ను హోస్ట్ చేశారు ఈ స్టార్స్. ఇక వచ్చారుగా మొదలెట్టారు. రొమాంటిక్ డైలాగ్స్.. రొమాంటిక్ సాంగ్స్ తో మళ్ళీ హీటెక్కించే పనిలో పడ్డారు. ఈ ప్రోగ్రామ్ చూసిన జనాల్లో వీరి ఫ్యాన్స్ మాత్రం రీ ఎంట్రీ ఇచ్చినందుకు దిల్ ఖుష్ అవుతుంటే.. మరో బ్యాచ్ మాత్రం వచ్చార్రా బాబు మళ్ళీ మొదలైంది డ్రామా అంటూ విసుక్కుటున్నారు. ఇప్పటికే జనాలకు వెగటు పుట్టింది. 

ఇంకా ఎన్నాళ్ళు  ఈ పిచ్చి డైలాగ్స్ తో ఇలా ఆడియన్స్ ను వెర్రొళ్ళను చేస్తారు అంటూ విసుక్కుంటున్నారు. ఏదో ఎపిసోడ్ లో చూపించినట్టు.. ముసలివాళ్ళు అయిన తరువాత కూడా ఇలానే వెనకాల రొమాంటిక్ ఆర్ఆర్ లు వేసుకుంటూ.. సాంగ్స్ చేస్తారేమో అని సెటైలర్లు కూడా వేస్తున్నారు జనాలు.