Brad Pitt-Angelina Jolie:మాజీ భార్య ఏంజెలీనా జోలీపై నటుడు బ్రాడ్ పిట్ లీగల్ యాక్షన్!

హాలీవుడ్ నటుడు బ్రాడ్ పిట్ (Brad Pitt) తనకు చెప్పకుండా రష్యన్ ఒలిగార్చ్‌కు చాటౌ మిరావల్ వైనరీని విక్రయించినందుకు మాజీ భార్య ఏంజెలీనా జోలీపై దావా వేశారు. 

 ఫ్రెంచ్ వైనరీలో తన అనుమతి లేకుండా ఆమె వాటా విక్రయించినందుకు మాజీ భార్య నటి ఏంజెలీనా జోలీ (Angelina Jolie)పై బ్రాడ్ పిట్ దావా వేసినట్లు సమాచారం. ఒకప్పటి భార్యాభర్తలైన బ్రాడ్ పిట్, ఏంజెలీనా జోలీ కలిసి ఉన్నప్పుడు కొనుగోలు చేసిన షాటో మిరావల్, కోర్రెన్స్, ఫ్రాన్స్ వైనరీకి సంబంధించి ఏంజెలీనా జోలీ నిర్వహించిన వ్యాపార లావాదేవీల కారణంగా వివాదం ఏర్పడింది. 

బ్రాడ్ పిట్, ఏంజెలినా  2008లో ఫ్రాన్స్‌లో ఉన్న కొరెన్స్ అనే వైనరీని కొనుగోలు చేశారు.  బ్రాడ్ పిట్ తను చాలా సంవత్సరాలుగా వైనరీలో డబ్బు పెట్టుబడి పెట్టినట్లు పేర్కొంటున్నాడు. $28.4 మిలియన్లకు వైనరీ కొనుగోలు చేయగా...  అందులో 40 శాతం ఏంజెలీనా పెట్టుబడి పెట్టిందంటున్న బ్రాడ్ ఫిట్, మిగిలిన 60 శాతం వాటా తనదని అంటున్నారు. అలాగే వైనరీని అభివృద్ధి చేయడానికి మరలా కొంత డబ్బు ఇన్వెస్ట్ చేసినట్లు చెప్పారు.

2019లో జరిగిన వారి విడాకుల నిబంధనల ప్రకారం, ఇద్దరి అనుమతి లేకుండా వైనరీలోని తమ వాటాలను వేరొకరికి అమ్మలేరు. ఈ విషయంలో ఇద్దరికీ పరస్పర అవగాహన ఉందని బ్రాడ్ పిట్ ఆరోపిస్తున్నారు. 

నిబంధనలకు విరుద్ధంగా ఏంజెలినా ఆమె వాటాను తనకు తెలియకుండా రష్యన్ ఒలిగార్చ్ యూరి షెఫ్లర్‌కు విక్రయించిందని అలాగే ఆమె వాటా అమ్మకాన్ని అడ్డుకునే హక్కు తనకు లేదన్నట్లు నిబంధనలు మార్చారని  కంప్లైంట్ లో పేర్కొన్నారు.

ఇక ఈ వివాదంలో ఏంజెలా నుండి నష్టపరిహారం కోరుతున్న బ్రాడ్ పిట్... వైనరీలో తన వాటా అమ్మకం చెల్లదని తీర్పు ఇవ్వాల్సిందిగా కోర్టును కోరుతున్నారు. ప్రస్తుతం అంతర్జాతీయంగా బ్రాడ్ ఫిట్, ఏంజెలినా జోలీ వివాదం ప్రాధాన్యత సంతరించుకుంది.