Shruti Haasan: నాలో దాన్ని లోపంగా చూశారు, కానీ అదే ప్లస్ అయ్యింది!

విషయం ఏదైనా నిర్మొహమాటంగా చెబుతుంది శృతి హాసన్. ఈ క్రమంలో శృతి తన శరీరంపై గతంలో వినిపించిన నెగిటివ్ కామెంట్స్ ఉద్దేశిస్తూ ఆసక్తికర వ్యాఖ్యలు చేశారు.  

Shruti Haasan

శృతి హాసన్(Shruti Haasan) కెరీర్ మరలా పుంజుకుంది. సొంత పరిశ్రమ తమిళంలో ఆఫర్స్ తగ్గినప్పటికీ తెలుగులో ఆమె బిజీ అయ్యారు. ఏకంగా మూడు భారీ చిత్రాలు ఆమె చేతిలో ఉన్నాయి. వీరసింహారెడ్డి, వాల్తేరు వీరయ్య విడుదలకు సిద్ధం అవుతున్నాయి. సలార్ షూటింగ్ జరుపుకుంటుంది. 

శృతి 2023 సంక్రాంతి హీరోయిన్ కానుంది. చిరంజీవి(Chiranjeevi), బాలయ్యల పండగ చిత్రాల్లో ఆమె నటిస్తున్నారు. గతంలో అతికొద్ది మంది హీరోయిన్స్ మాత్రమే సంక్రాంతికి విడుదలవుతున్న రెండు పెద్ద చిత్రాల్లో హీరోయిన్ గా చేశారు. 2001 సంక్రాంతికి నరసింహనాయుడు, మృగరాజు చిత్రాలు విడుదలయ్యాయి. ఈ రెండు చిత్రాల్లో  సిమ్రాన్ హీరోయిన్ గా నటించారు.

వీరసింహారెడ్డి, వాల్తేరు వీరయ్య(Waltair Veerayya) చిత్రాల్లో హీరోయిన్ గా ఉన్న శృతి సీనియర్ హీరోయిన్ సిమ్రాన్ సరసన చేరారు. ఈ రెండు చిత్రాలపై పరిశ్రమలో భారీ అంచనాలు ఉన్నాయి. ఇక శృతి చేస్తున్న అతిపెద్ద ప్రాజెక్ట్ సలార్. కెజిఎఫ్ ఫేమ్ ప్రశాంత్ నీల్ దర్శకత్వంలో ప్రభాస్ హీరోగా తెరకెక్కుతుంది. చాలా వరకు షూటింగ్ జరుపుకున్న ఈ చిత్రం వచ్చే ఏడాది విడుదల కానుంది. 

సలార్ (Salaar)విజయం సాధిస్తే శృతి కెరీర్ కి మరింత ప్లస్ అవుతుంది.  శృతి నటించిన చిరు-బాలయ్యల చిత్రాలు విడుదలకు సిద్ధం అవుతుండగా... ఆమె ఒక ఇంటర్వ్యూలో పాల్గొన్నారు. ఈ సందర్భంగా శృతి చేసిన కామెంట్స్ ఆసక్తిని రేపుతున్నాయి. కెరీర్ బిగినింగ్ లో కొన్ని నెగిటివ్ కామెంట్స్ ఎదుర్కొన్నట్లు శృతి వెల్లడించారు.

చాలామంది నా హైట్ ని లోపంగా చూశారు. ఇంత హైట్ ఉన్నావేంటని పరోక్షంగా ఎగతాళి చేశారు. కొందరు లోపంగా చూసిన హైట్ నాకు ప్లస్ అయ్యింది. ప్రభాస్, మహేష్ వంటి హీరోలతో జతకట్టినప్పుడు పొడుగుగా ఉండటం  మంచిదైంది,అని శృతి హాసన్ చెప్పుకొచ్చారు. 

నాలో కొన్ని లోపాలు ఉన్నాయి. అయితే వాటిని నేను అధిగమిస్తూ వచ్చానని శృతి మరో మాటగా చెప్పారు. కాగా శృతి ప్రస్తుతం ముంబైలో ఉంటున్నారు. ఆమె డూడుల్ ఆర్టిస్ట్ శాంతను హజారికతో డేటింగ్ చేస్తున్నారు. ఒకే ఇంట్లో ఉంటున్న ఈ జంట సహజీవనం చేస్తున్నట్లు సమాచారం. శాంతను కి ముందు శృతి మైఖేల్ కోర్స్లే అని లండన్ వ్యకితో రిలేషన్ నడిపారు.