నేను రిలేషన్షిప్ లో ఉన్నా... ఓపెన్ గా చెప్పేసిన కృతి శెట్టి, ఎవరితోనో తెలుసా?
హీరోయిన్ కృతి శెట్టి రిలేషన్షిప్ లో ఉన్నానంటూ కీలక కామెంట్స్ చేసింది. మనమే చిత్ర ప్రమోషన్స్ లో పాల్గొంటున్న ఆమె ఈ మేరకు ఓపెన్ అయ్యారు. మరి కృతి శెట్టి రిలేషన్ లో ఉంది ఎవరితోనో తెలుసా?
ఉప్పెన మూవీతో హీరోయిన్ గా ఎంట్రీ ఇచ్చింది కృతి శెట్టి. దర్శకుడు బుచ్చిబాబు సాన తెరకెక్కించిన ఉప్పెన భారీ విజయం సాధించిన సంగతి తెలిసిందే. వైష్ణవ్ తేజ్ హీరోగా నటించాడు.
ఉప్పెన సక్సెస్ తో కృతి శెట్టి ఓవర్ నైట్ స్టార్ అయ్యింది. ఆమెకు వరుస ఆఫర్స్ వచ్చాయి. రెండో చిత్రం శ్యామ్ సింగరాయ్ సైతం సూపర్ హిట్ కొట్టింది. నాని హీరోగా సోషియో ఫాంటసీ అంశాలతో ఈ చిత్రం తెరకెక్కించారు. సాయి పల్లవి మరొక హీరోయిన్ గా నటించింది. బంగార్రాజు మూవీతో హ్యాట్రిక్ పూర్తి చేసింది.
2022 సంక్రాంతి కానుకగా విడుదలైన బంగార్రాజు హిట్ టాక్ సొంతం చేసుకుంది. అయితే బంగార్రాజు అనంతరం ఆమెకు వరుస పరాజయాలు ఎదురయ్యాయి. కృతి శెట్టి గత చిత్రం కస్టడీ డిజాస్టర్ గా నిలిచింది. ఈ క్రమంలో ఆమెకు ఆఫర్స్ తగ్గాయి.
తాజాగా కృతి శెట్టి మనమే చిత్రంతో ప్రేక్షకులను పలకరించనుంది. జూన్ 7న మనమే విడుదల కానుంది.ఈ చిత్ర ప్రమోషన్స్ లో కృతి శెట్టి విరివిగా పాల్గొంటుంది. ఓ ఇంటర్వ్యూలో ఆమెకు వ్యక్తిగత ప్రశ్న ఎదురైంది. మీరు రిలేషన్షిప్ లో ఉన్నారా? అని అడగ్గా... అవును అని సమాధానం చెప్పింది.
ఎవరితో రిలేషన్షిప్ లో ఉన్నారని అడగ్గా... నా ప్రొఫెషన్ తో అని చెప్పింది. నా వర్క్ తో నేను రిలేషన్షిప్ లో ఉన్నానని చెప్పుకొచ్చింది. మనమే చిత్రంలో శర్వానంద్ హీరోగా నటించాడు. రొమాంటిక్ లవ్ ఎంటర్టైనర్ గా మనమే తెరకెక్కింది. ఈ చిత్ర విజయంపై కృతి శెట్టి చాలా ఆశలే పెట్టుకుంది.