చంద్రముఖి పాత్ర విషయంలో.. కంగనాపై జ్యోతిక కామెంట్స్... ఏమన్నదంటే...?
దాదాపు 18 ఏళ్ల తరువాత చంద్రముఖి సినిమా సీక్వెల్ తెరకెక్కుతోంది. అయితే ఈసారి చంద్రముఖిగా బాలీవుడ్ బ్యూటీ కంగనా రనౌత్ నటిస్తుండగా.. గతంలో ఈ పాత్రలో జీవించిన జ్యోతిక ఇంట్రెస్టింగ్ కామెంట్స్ చేశారు. కంగనా గురించి ఆమె ఏమన్నారంటే..?
2004 లో వచ్చిన చంద్రముఖి సినిమాకు సీక్వెల్ గా తెరకెక్కుతోంది చంద్రముఖి2 మూవీ. ఆసినిమాను డైరెక్ట్ చేసిన పి.వాసు ఈసినిమాను డైరెక్ట్ చేస్తున్నారు. రజనీకాంత్ సీక్వెల్ చేయడానికి ఇంట్రెస్ట్ చూపించకపోవడంతో.. ఈ ప్రాజెక్ట్ ను రాఘవ లారెన్స్ చేస్తున్నాడు హర్రర్ సినిమాలకు బ్రాండ్ గా మారిపోయాడు రాఘవ.. ఆ ఎక్స్ పీరియన్స్ తో ఈసినిమాను అద్భుతంగా చేస్తాడన్న నమ్మకం ఆడియన్స్ లో ఉంది.
ఇక రాఘవాతో పాట్ కంగనా రనౌత్ కాంబినేషన్ లో సూపర్ హిట్ మూవీకి సీక్వెల్ గా తెరకెక్కుతున్న చంద్రముఖి 2 రిలీజ్ కు రెడీగా ఉంది. వినాయక చవితి శుభాకాంక్షలతో.. సెప్టెంబర్ 15న రిలీజ్ కు రెడీ అవుతోంది మూవీ. ప్రమోషన్లు కూడా భారీ స్థాయిలో చేశారు టీమ్. ఇక ఆస్కార్ విజేత ఎంఎం కీరవాణి ఈ సినిమాకు సంగీతం అందిస్తున్నాడు. లైకా ప్రొడక్షన్స్ నిర్మిస్తున్న ఈ సినిమా పాన్ ఇండియా వైడ్ రిలీజ్ కాబోతుంది.
ఈక్రమంలో ఈసినిమా గురించి కంగనా నటన గురించి.. మాజీ చంద్రముఖి జ్యోతిక కామెంట్స్ చేశారు. జ్యోతికా సోషల్ మీడియా పేజ్ లో ఈసినిమా గురించి కంగనా గురించి ఏం రాశారంటే.. భారతీయ చలన చిత్ర పరిశ్రమ గొప్ప నటుల్లో ఒకరు కంగనా రనౌత్ అని, ఆమె చంద్రముఖి పాత్రను పోషించడం చాలా గర్వంగా ఉందని జ్యోతిక ట్వీట్ చేశారు. పద్దెనిమిదేళ్ల క్రితం 2005లో వచ్చిన చంద్రముఖి సినిమాలో లక.. లక.. లక అంటూ జ్యోతిక అందర్నీ అలరించిన విషయం తెలిసిందే.
Jyothika
ఈ సినిమాకు సీక్వెల్గా చంద్రముఖి-2 వస్తోంది. ఇందులో చంద్రముఖిగా కంగనా రనౌత్ నటించారు. సెప్టెంబర్ 15న ఈ సినిమా విడుదల కానుంది. ఈ సందర్భంగా చంద్రముఖి-2 బృందానికి జ్యోతిక శుభాకాంక్షలు తెలుపుతూ, కంగనను ప్రశంసించారు. కంగనా గొప్ప నటి అని, ఆమె ఈ పాత్రను పోషించడం గర్వంగా ఉందన్నారు. చంద్రముఖి లుక్లో ఆమె అద్భుతంగా ఉన్నారని, ఆమె నటనకు తాను అభిమానిని అని చెప్పారు.
Photo Courtesy: Instagram
ఈ సినిమా కోసం తాను ఎంతో ఆసక్తిగా ఎదురు చూస్తున్నానని, రాఘవ లారెన్స్ మాస్టర్, పీ వాసు సర్ ఆల్ ది బెస్ట్.. మీకు విజయం దక్కాలని కోరుకుంటున్నానని పోస్ట్లో పేర్కొన్నారు.ప్రస్తుతం ఈ కామెంట్స్ సోషల్ మీడియాలో వైరల్ అవుతున్నాయి. చంద్రముఖిగా అద్భుత నటన ప్రదర్శించిన జ్యోతికానే ఈ కామెంట్స్ చేయడంతో.. సినిమాపై అంచనాలు ఇంకా పెరిగిపోతున్నాయి.
jyothika
ఇక ఇదే విధంగా గతంలో జ్యోతిక నటన గురించి కూడా కంగనా రనౌత్ కామెంట్స్ చేసింది. ఓ ఇంటర్వ్యూలో మాట్లాడిన కంగనా రనౌత్.. చంద్రముఖి సినిమాలో నటి జ్యోతిక నటన సాటిలేదని ఆమెకు ధీటుగా నటించడం తనకే కాదు ఇంకెవరికీ సాధ్యం కాదని కంగన స్పష్టం చేసింది. చంద్రముఖిగా జ్యోతిక అద్భుతంగా నటించారని, ఆ స్థాయికి తన నటన ఉండదని తెలిపింది.
ఇక చంద్రముఖి సినిమాను డైరెక్ట్ చేసిన సీనియర్ దర్శకుడు పి.వాసు చంద్రముఖీ 2ని కూడా డైరెక్ట్ చేస్తున్నారు. ఇక ఈ సీక్వెల్ మూవీలో ప్రముఖ నటుడు, దర్శకుడు, కొరియోగ్రాఫర్ రాఘవ లారెన్స్తో పాటు కంగనా రనౌత్, వడివేలు తదితరులు ప్రధాన పాత్రలు పోషిస్తున్నారు.