షోలో అందరి ముందే జబర్దస్త్ కమెడియన్ పై చేయి చేసుకున్న వెంకీ... కారణం ఏంటంటే!

అల్లుడా మజాకా పేరుతో సంక్రాంతి స్పెషల్ ఈవెంట్ ఏర్పాటు చేశారు. ఈ షోకి గెస్ట్ గా వచ్చిన వేంకటేశ సహనం కోల్పోయాడు. ఓ కమెడియన్ పై చేయి చేసుకున్నాడు. ఈ వీడియో వైరల్ అవుతుంది.  

Venkatesh

వెంకటేష్ లేటెస్ట్ మూవీ సైంధవ్. సంక్రాంతి కానుకగా జనవరి 13న విడుదల కానుంది. ఈ చిత్ర ప్రమోషన్స్ లో వెంకటేష్ విరివిగా పాల్గొంటున్నారు. ఈ క్రమంలో మల్లెమాల ఎంటర్టైన్మెంట్స్ రూపొందించిన సంక్రాంతి స్పెషల్ షో 'అల్లుడా మజాకా' కి వెంకటేష్ గెస్ట్ గా హాజరయ్యారు. 

వెంకటేష్ ఒకప్పటి హీరోయిన్స్ అయిన మీనా, కుష్బూ సైతం ఆయనతో జాయిన్ అయ్యారు. సుడిగాలి సుధీర్, హైపర్ ఆది, ఆటో రామ్ ప్రసాద్ తో పాటు పలువురు జబర్దస్త్ కమెడియన్స్ పాల్గొన్న అల్లుడా మజాకా షో ఎంటర్టైనింగ్ ఉంది. హైపర్ ఆది వరుస పంచులతో నవ్వులు పూయించాయి.

సుడిగాలి సుధీర్ ఎప్పటిలాగే తన టాలెంట్ తో ఆకట్టుకున్నాడు. టిల్లు స్క్వేర్ మూవీలోని 'రాధికా' సాంగ్ కి అదిరిపోయే స్టెప్స్ తో అలరించాడు. అనంతరం అనూహ్య పరిణామం చోటు చేసుకుంది. కమెడియన్ సునామీ సుధాకర్ పై వెంకటేష్ చేయి చేసుకున్నాడు. 

వేదిక మీదకు వెళ్లిన వెంకటేష్ ముందు, గ్యాంగ్ స్టర్ గెటప్ లో ఉన్న సునామీ సుధాకర్ 'రింగ రింగ రింగ రింగా' సాంగ్ పాడాడు. ఏంట్రా అది అని వెంకటేష్ అడిగాడు. పాట అని నిర్లక్ష్యంగా సమాధానం చెప్పాడు. దాంతో వెంకటేష్ చెంప మీద కొట్టాడు. 

ఇక పొట్టి నరేష్ ని అయితే.. అసలు ఎక్కడ కొట్టాలిరా నిన్ను అంటూ వంగి విపరీతమైన సైగలు చేశాడు వెంకీ. కాగా ఇదంతా స్కిట్ లో భాగమే. వెంకటేష్ ఘర్షణ మూవీలో ఏసీపీ రామచంద్ర గెటప్ వేశాడు. లోకల్ గ్యాంగ్ స్టర్ రోల్ ప్లే చేసిన సునామీ సుధాకర్ చెంప చెళ్లుమనిపించాడు. 

వెంకీ తన కామెడీ టైమింగ్ తో అల్లుడా మజాకా షోలో నవ్వులు పూయించారు. అల్లుడా మజాకా ప్రోమో ఆకట్టుకుంది. ఇక సైంధవ్ చిత్రంలో వెంకటేష్ సీరియస్ రోల్ చేశాడు. ఈ మధ్యలో కాలంలో వెంకీ నుండి ఈ రేంజ్ యాక్షన్ చూడలేదు. సైంధవ్ చిత్రానికి శైలేష్ కొలను దర్శకుడు.