ఆ హీరోతో లయ పెళ్లి ఆల్మోస్ట్ ఫిక్స్, అతడికి ఆ పిచ్చి, అనూహ్యంగా బ్రేకప్... హోమ్లీ హీరోయిన్ లవ్ స్టోరీ తెలుసా!

విజయవాడలో పుట్టిన లయ చైల్డ్ ఆర్టిస్ట్ గా ఓ చిత్రం చేసింది. స్వయంవరం మూవీతో హీరోయిన్ గా ఎంట్రీ ఇచ్చింది. ఈ చిత్రంతో వేణు తొట్టెంపూడి కూడా హీరోగా పరిచయం అయ్యాడు. ఈ రొమాంటిక్ లవ్ ఎంటర్టైనర్ సూపర్ హిట్. దాంతో లయకు ఆఫర్స్ వెలువెత్తాయి. 

టాలీవుడ్ లో సక్సెస్ అయిన తెలుగు అమ్మాయిలో లయ ఒకరని చెప్పొచ్చు. మనోహరం, ప్రేమించు, హనుమాన్ జంక్షన్, మిస్సమ్మ, నువ్వు లేక నేను లేను వంటి హిట్ చిత్రాల్లో ఆమె నటించారు. విజయేంద్ర వర్మ చిత్రంలో బాలయ్య వంటి స్టార్ పక్కన ఆమె జతకట్టారు. 

లయ ఎక్కువగా టైర్ టు హీరోల చిత్రాల్లో నటించారు. కాగా లయ కెరీర్లో ప్రేమించు చాలా ప్రత్యేకం. ఈ మూవీలో ఆమె అంధురాలు పాత్ర చేసింది. సీనియర్ నటి లక్ష్మీ తో పోటీపడి మరి నటించింది లయ. సురేష్ ప్రొడక్షన్స్ నిర్మించిన ప్రేమించు సూపర్ హిట్. ఈ చిత్రంలో సాయి కిరణ్ హీరోగా నటించారు.

సాయి కిరణ్-లయ ప్రేమలో ఉన్నారని అప్పట్లో పుకార్లు వినిపించాయి. ప్రేమించు మూవీ సమయంలోనే ఈ కథనాలు వెలువడగా... ఎవరు స్పందించలేదు. అయితే లయను సాయి కిరణ్ వివాహం చేసుకోవాల్సింది అట. ఈ విషయాన్ని ఆయన స్వయంగా వెల్లడించాడు. ఆ పెళ్లి ఎందుకు ఆగిపోయిందో కూడా చెప్పాడు.

ప్రేమించు మూవీలో లయతో నా కెమిస్ట్రీ అద్భుతంగా కుదిరింది. ప్రేక్షకులు ఆ చిత్రాన్ని బాగా ఆదరించారు. మా జంట చూడముచ్చటగా ఉండేది. దాంతో కుటుంబ సభ్యులు మాకు పెళ్లి చేయాలి అనుకున్నారు. అంతా ఓకే అనుకున్నాక... మా ఇద్దరి జాతకాలు కలవలేదు. నాకు జాతకాల పిచ్చి ఉంది. కుటుంబ సభ్యులు కూడా గట్టిగా విశ్వసిస్తారు. ఈ కారణంగా లయతో నా వివాహం క్యాన్సిల్ అయ్యింది...అని సాయి కిరణ్ చెప్పుకొచ్చాడు. 
 

సాయి కిరణ్ హీరో, సపోర్టింగ్ రోల్స్ చేశాడు. పాతిక పైగా చిత్రాల్లో నటించాడు. ప్రస్తుతం సీరియల్ నటుడిగా కొనసాగుతున్నాడు. 2006లో లయ యూఎస్ లో సెటిల్ అయిన డాక్టర్ గణేష్ గోర్తి ని వివాహం చేసుకుంది. వీరికి ఒక అమ్మాయి, అబ్బాయి సంతానం. సెకండ్ ఇన్నింగ్స్ స్టార్ట్ చేసిన లయ.. నితిన్ హీరోగా తెరకెక్కుతున్న తమ్ముడు చిత్రంలో కీలక రోల్ చేస్తుంది.