హత్య కేసులో సినిమాని మించే ట్విస్టులు..నన్ను అమ్మని వదిలేయండి, వెక్కి వెక్కి ఏడుస్తున్న హీరో దర్శన్ కొడుకు

కన్నడ చిత్ర పరిశ్రమలో దర్శన్ సూపర్ స్టార్ డమ్ ఉన్న హీరో. రీసెంట్ గానే దర్శన్ కాటేరా అనే చిత్రంతో సూపర్ హిట్ సొంతం చేసుకున్నాడు. దీనితో మరోసారి దర్శన్ పేరు కన్నడ నాట మారుమోగింది. ఆయన ఫ్యాన్స్ సంబరాలు చేసుకున్నారు. అయితే ఇటీవల జరిగిన సంఘటనతో దర్శన్ ఇమేజ్, వ్యక్తిగత జీవితం మసకబారేలా కనిపిస్తున్నాయి. 

హీరో దర్శన్ తన అభిమాని అయిన 28 ఏళ్ళ రేణుకాస్వామిని హత్య చేయించినట్లు ఆరోపణలు వస్తున్నాయి. దీనితో బెంగుళూరు పోలీసులు దర్శన్ ని అరెస్ట్ చేయడం సంచలనంగా మారింది. దర్శన్ చాలా ఏళ్ళ క్రితమే విజయ లక్ష్మిని వివాహం చేసుకున్నాడు. వీరికి 15 ఏళ్ళ కొడుకు కూడా ఉన్నారు. 

కానీ దర్శన్ తన భార్యకి దూరంగా ఉంటూ మరో నటితో సహజీవనం చేస్తున్నారు. ఆమె పేరు పవిత్ర గౌడ. పవిత్ర గౌడ వల్లే ఈ హత్య జరిగినట్లు పోలీసుల విచారణలో కొన్ని విషయాలు తెలిశాయి.దీనితో పోలీసులు ఆమెని కూడా అదుపులోకి తీసుకున్నారు. రేణుకా స్వామి హీరో దర్శన్ కి వీరాభిమాని. పవిత్ర గౌడ వచ్చి తన అభిమాన హీరో కాపురంలో నిప్పులు పోస్తోందని రేణుకా స్వామి కోపంతో రగిలిపోయాడట. 

దీనితో రేణుకా స్వామి.. పవిత్ర గౌడకు అశ్లీల ఫోటోలు, అసభ్యకర మెసేజ్ లు పంపాడట. దీనితో పవిత్ర ఈ విషయాన్ని దర్శన్ కి చెప్పినట్లు పోలిసుల విచారణలో తెలుస్తోంది. దర్శన్ మనుషులతో రేణుకా స్వామిని హత్య చేయించినట్లు ఆరోపణలు వస్తున్నాయి. అంతే కాదు బాడీని మాయం చేస్తే 30 లక్షలు ఇస్తానని కూడానా దర్శన్ కొందరికి ఆఫర్ ఇచ్చినట్లు పోలీసులు ఎంక్వరీలో తేలింది. 

సినిమాలో క్రైమ్ సీన్ ని మించేలా దర్శన్ కేసులో రోజుకి ఒక ట్విస్టు బయట పడుతోంది. దీనివల్ల హీరో దర్శన్ కుటుంబ సభ్యులు కూడా తీవ్రంగా మానసిక వేదనకి గురవుతున్నారు. ముఖ్యంగా హీరో దర్శన్ కొడుకు వినీష్ వెక్కి వెక్కి ఏడుస్తున్నాడట. 15 ఏళ్ళ చిన్నారి వినీష్ పెట్టిన సోషల్ మీడియా పోస్ట్ వైరల్ గా మారింది. 

మీరంతా మా కుటుంబాన్ని బూతులు తిడుతున్నందుకు ధన్యవాదాలు. కొంతమంది అసభ్యకరమైన భాష వాడుతున్నారు. నా వయసు 15 ఏళ్ళు. అయినప్పటికీ మిమ్మల్ని వేడుకుంటున్నా. ఈ క్లిష్ట సమయాల్లో నన్ను అమ్మని ప్రశాంతంగా వదిలేయండి. మా నాన్న హత్య చేసి ఉంటాడని నమ్మడం లేదు. దర్యాప్తు జరుగుతోంది. ఆయనకి మీ సపోర్ట్ ఇవ్వండి అంటూ తీవ్ర భావోద్వేగంతో చిన్నారి వినీష్ పోస్ట్ చేశాడు. 

వినీష్ పోస్ట్ ప్రస్తుతం వైరల్ గా మారింది. దర్శన్, విజయలక్షి 2000 లోనే వివాహం చేసుకున్నారు. అయితే కొంతకాలంగా దర్శన్ పవిత్రతో సహజీవనం చేస్తున్నారు. వీళ్ళిద్దరూ పెళ్లి చేసుకున్నారనే ప్రచారం కూడా ఉంది. కానీ దానికి ఎలాంటి ఆధారాలు లేవు. కేసు బలంగా మారుతున్న తరుణంలో దర్శన్ కెరీర్ పై నీలి నీడలు కమ్ముకుంటున్నాయి.