డైరెక్టర్ల గురించి చులకనగా మాట్లాడిన స్టార్ హీరో వైఫ్, ఆమె వ్యాఖ్యల ఫలితం ఏంటో తెలుసా ?

హీరామండి తర్వాత ఏ సినిమాకీ సైన్ చేయలేదని అదితి రావ్ హైదరీ చెప్పడం హాట్ టాపిక్ అయింది. దీనిపై నెటిజన్లు ఏమంటున్నారో చూద్దాం.

హీరామండిలో అదితి రావ్ హైదరీ అద్భుత నటన!

సంజయ్ లీలా భన్సాలీ హీరామండి సిరీస్‌లో అదితి రావ్ హైదరీ అదరగొట్టింది. బిబ్బోజాన్‌గా ఆమె నటన, గజగామిని నడకకు అందరూ ఫిదా అయ్యారు. స్వాతంత్ర్య పోరాటం బ్యాక్‌డ్రాప్‌లో ఆమె టాలెంట్ చూపించింది. ప్రశంసలు వచ్చినా, ప్రమోషన్ల తర్వాత కెరీర్ ఊహించని మలుపు తిరిగింది.

హీరామండి తర్వాత అవకాశాలు కరువు!

ఆమె మాట్లాడుతూ.. మంచి అవకాశాల కోసం ఎదురు చూశానని, కానీ నిరాశ ఎదురైందని చెప్పింది. దీంతో ఇండస్ట్రీ ఎలా ఉంటుందో, ప్రమోషన్ల వల్ల తన కెరీర్‌పై ఎలాంటి ప్రభావం పడుతుందో ఆలోచించాల్సి వచ్చిందని తెలిపింది.

దర్శకులను బాధపెట్టిందనే ఆరోపణలు!

ఆమె ఇంటర్వ్యూల్లో ముగ్గురు పెద్ద డైరెక్టర్ల గురించి మాట్లాడింది. మిగతా డైరెక్టర్లను తక్కువ చేసి మాట్లాడిందని టాక్. అందుకే ఆమెకు అవకాశాలు రావట్లేదని అంటున్నారు.

హీరామండి ప్రమోషన్లలో అదితి మాట్లాడిన మాటలు కొందరు డైరెక్టర్లకు నచ్చలేదని సమాచారం. ఇండస్ట్రీ గురించి ఆమె చేసిన కామెంట్స్ అపార్థాలకు దారితీశాయి. దీంతో ఆమెకు అవకాశాలు తగ్గిపోయాయని అంటున్నారు. ఈ వార్తల్లో నిజమెంతో తెలియదు కానీ.. నటీనటులు పబ్లిక్‌గా మాట్లాడేటప్పుడు జాగ్రత్తగా ఉండాలని మాత్రం అర్థమవుతోంది.

అదితి భవిష్యత్తు ఎలా ఉండబోతోంది?

అన్ని కష్టాలనూ తట్టుకుని అదితి తన కెరీర్‌పై ఆశలు పెట్టుకుంది. హీరో సిద్దార్థ్ ని పెళ్లి చేసుకుని కొత్త జీవితాన్ని ప్రారంభించింది. త్వరలోనే కొత్త అవకాశాలతో మీ ముందుకు వస్తానని చెబుతోంది. ఆమెకు అభిమానులు అండగా ఉన్నారు.చిరంజీవి మెగా 157 చిత్రంలో అదితి రావు హైదరి హీరోయిన్ గా నటించబోతున్నట్లు ప్రచారం జరుగుతోంది.