- Home
- Entertainment
- Hari Hara Veera Mallu: బాబీ డియోల్‌ పాత్రకి ముందు అనుకున్న నటుడు ఎవరో తెలుసా? పవన్ కళ్యాణ్ బయటపెట్టిన నిజం
Hari Hara Veera Mallu: బాబీ డియోల్‌ పాత్రకి ముందు అనుకున్న నటుడు ఎవరో తెలుసా? పవన్ కళ్యాణ్ బయటపెట్టిన నిజం
పవన్ కళ్యాణ్ హీరోగా రూపొందిన `హరి హర వీరమల్లు` సినిమాలో బాబీ డియోల్‌ పాత్రకి మొదట అనుకున్న నటుడు ఎవరో తెలుసా? పవన్ చెప్పిన ఆసక్తికర నిజం.
- FB
- TW
- Linkdin
Follow Us
`హరి హర వీరమల్లు`లో బాబీ డియోల్‌ పాత్రపై పవన్ కళ్యాణ్ కామెంట్‌
పవన్ కళ్యాణ్ నటించిన `హరి హర వీరమల్లు` మూవీ మరో మూడు రోజుల్లో ఆడియెన్స్ ముందుకు రాబోతుంది. ఈ క్రమంలో పవన్ కళ్యాణ్ చాలా ఏళ్ల తర్వాత మీడియా ముందుకు వచ్చారు.
సోమవారం `హరి హర వీరమల్లు` మూవీ ప్రెస్‌ మీట్‌లో ఆయన పాల్గొన్న విషయం తెలిసిందే. సినిమా మీడియాతో ఇంటరాక్ట్ కావడమనేది చాలా తక్కువగా జరుగుతుంది.
ఈ సినిమా కోసం ఆయన మీడియా ముందుకు రావడమే కాదు సినిమాని ప్రమోట్‌ చేసే బాధ్యతలు తీసుకున్నారు. ఇదే విషయాన్ని ఆయన వెల్లడించారు.
నిధి అగర్వాల్‌ తన భుజాలపై వేసుకుని సినిమాని ప్రమోట్‌ చేస్తుంటే సిగ్గుగా అనిపించిందని, తాను కూడా సినిమా భుజాలపై వేసుకోవాల్సిన అవసరం ఉందని చెప్పి నిర్మాత ఏఎం రత్నం కోసం మీడియా ముందుకు వచ్చినట్టు తెలిపారు పవన్.
అదే సమయంలో బాబీ డియోల్‌ ఇందులో ఎలా వచ్చారో? ముందు ఎవరిని అనుకున్నారో హింట్‌ ఇచ్చారు పవన్. ఆ విశేషాలు చూస్తే..
`హరి హర వీరమల్లు` కథ లీక్‌ చేసిన పవన్
ఈ క్రమంలో పవన్ కళ్యాణ్ ఒక ఆసక్తికర విషయాన్ని వెల్లడించారు. 17వ శాతాబ్దంలో జరిగే కథ ఇది అని, మొఘల్‌ సామ్రాజ్యం ఇండియాని రాజ్యమేలుతున్న కాలంలో జరిగే కథ అని,
అప్పటి మన విజయవాడ సమీపంలో దొరికిన కొహినూర్‌ వజ్రం మన నిజాం రాజుల వద్దకు ఎలా వెళ్లింది? అక్కట్నుంచి బ్రిటీష్‌ వారి చేతుల్లో ఎలా పడింది? దాని కోసం వీరమల్లు పాత్ర ఏం చేసిందనేది ఈ సినిమా కథగా ఉంటుందని తెలిపారు పవన్.
మొఘల్‌ సామ్రాజ్యంలోని రాజు అయిన ఔరంగజేబ్‌ పాత్ర ఇందులో చాలా కీలకంగా ఉంటుంందని, ఆ పాత్ర కోసం మొదట వేరే ఒకరిద్దరు నటులను అనుకున్నారట. ఒక నటుడితో షూటింగ్‌ కూడా చేశారట.
కానీ బాగా రాలేదని, ఆ తర్వాత బాబీ డియోల్‌ని తీసుకున్నామని, ఆయన ఈ పాత్రకి పర్‌ఫెక్ట్ సూట్‌ అయ్యారని, అంతే బాగా చేశారని తెలిపారు పవన్ కళ్యాణ్. ఆయనతో పనిచేయడం ఆనందంగా ఉందన్నారు.
బాబీ డియోల్‌ పాత్ర కోసం ముందు అనుకున్నది ఎవరినంటే?
ఈ నేపథ్యంలో `హరి హర వీరమల్లు`లో బాబీ డియోల్‌ పాత్రకి ముందుగా అనుకున్న హీరో ఎవరో అనేది ఆసక్తికరంగా మారింది. తాజాగా దీనికి సంబంధించిన ఆసక్తికర విషయం బయటకు వచ్చింది.
బాబీ డియోల్‌ కంటే ముందు వేరే నటుడిని అనుకున్నారు. బాలీవుడ్‌లో హీరోగా, విలన్‌గా నటిస్తూ ఆకట్టుకున్న అర్జున్‌ రాంపాల్‌ని ఔరంగజేబ్‌ పాత్రకి అనుకున్నారట.
కొన్ని రోజులు షూటింగ్‌ కూడా చేశారు, కానీ సినిమా డిలే కావడంతో అర్జున్‌ రాంపాల్‌ డేట్స్ అడ్జస్ట్ కాకపోవడంతో ఆయన తప్పుకున్నారని సమాచారం. ఆ తర్వాత ఆ పాత్ర కోసం బాబీ డియోల్‌ని ఎంచుకున్నారట.
ఔరంగజేబ్‌ పాత్ర కోసం అర్జున్‌ రాంపాల్‌ ఎంపిక
అర్జున్‌ రాంపాల్‌ ఆ మధ్య తెలుగులోకి ఎంట్రీ ఇచ్చి `భగవంత్‌ కేసరి` చిత్రంలో నటించారు. బాలయ్య హీరోగా రూపొందిన ఈ మూవీలో విలన్‌గా నటించారు అర్జున్‌. అనిల్‌ రావిపూడి దర్శకత్వంలో రూపొందిన ఈ మూవీలో కాజల్‌ హీరోయిన్‌గా నటించగా, శ్రీలీల కీలక పాత్ర పోషించింది.
ఈ మూవీ రెండేళ్ల క్రితం వచ్చి మంది ఆదరణ పొందింది. దీంతోపాటు వెంకటేష్‌, రానా ప్రధాన పాత్రలు పోషించిన `రానా నాయుడు 2` వెబ్‌ సిరీస్‌లోనూ నటించారు అర్జున్‌ రాంపాల్‌.
జులై 24న గ్రాండ్‌గా `హరి హర వీరమల్లు రిలీజ్‌
క్రిష్‌ దర్శకుడిగా ప్రారంభమైన `హరి హర వీరమల్లు` మూవీ ఇప్పుడు జ్యోతికృష్ణ దర్శకత్వంలో పూర్తయ్యింది. క్రిష్‌ తప్పుకోవడంతో నిర్మాత ఏఎం రత్నం కొడుకు జ్యోతికృష్ణ దర్శకత్వం బాధ్యతలు తీసుకున్నారు.
ఆయన ఎంట్రీ తర్వాత సినిమా స్టయిలే మారిపోయిందని, ఇండియానా జోన్స్ తరహాలో మార్చేశారని నిర్మాత ఏఎం రత్నం తెలిపారు. తను చాలా సర్‌ప్రైజ్‌ చేశాడని, ఆయన వర్క్ చూసి పవన్‌కళ్యాణ్‌కి నమ్మకం వచ్చిందని తెలిపారు రత్నం.
పవన్ కళ్యాణ్‌కి జోడీగా నిధి అగర్వాల్‌ హీరోయిన్‌గా నటించిన ఈ మూవీ ఈ గురువారం (జులై 24)న విడుదల కానుంది. పవన్ కళ్యాణ్ నటించిన తొలి పాన్‌ ఇండియా మూవీ కావడంతో అంచనాలు బాగానే ఉన్నాయి. మరి ఆ అంచనాలను అందుకుంటుందా అనేది చూడాలి.