ఇంట్లో ఖాళీగా ఉన్న నిధి చేస్తున్న పనులు ఇవా... బోల్డ్ బ్యూటీ అలా కూడా సంపాదిస్తుంది!

నిధికి డస్టర్ అనే పెట్ డాగ్ ఉంది. దాని బొచ్చు ఇల్లంతా పడుతుందట. అది కంట్రోల్ చేయడానికి తనకో పరికరం దొరికింది. సదరు ప్రొడక్ట్ ని ప్రమోట్ చేస్తూ ఇంస్టాగ్రామ్ పోస్ట్ పెట్టారు. ఇంట్లో ఖాళీగా ఉన్న సమయంలో కూడా సోషల్ మీడియా ప్రమోషన్స్ తో నిధి డబ్బులు సంపాదిస్తున్నారు.

 మరో వైపు నిధి అగర్వాల్(Nidhi Agerwal) వరుస ప్లాప్స్ ఆమె సతమతమవుతున్నారు. 2022లో ఆమె  'హీరో' మూవీతో తెలుగు ప్రేక్షకులను పలకరించింది. సంక్రాంతి కానుకగా విడుదలైన హీరో పర్వాలేదు అనిపించుకుంది. మహేష్ మేనల్లుడు అశోక్ గల్లా ఈ మూవీతో హీరోగా పరిచయమయ్యాడు. కమర్షియల్ గా సక్సెస్ కాకపోవడంతో మరో ప్లాప్ ఆమె ఖాతాలో చేరింది. 

ప్రస్తుతం పవన్ కళ్యాణ్ ( Pawan Kalyan) కెరీర్ లోనే అత్యధిక బడ్జెట్ లో తెరకెక్కుతున్న హరిహర వీరమల్లు చిత్రంలో నిధి అగర్వాల్ నటిస్తోంది. ఈ చిత్రంలో నిధి అగర్వాల్ పాత్ర చాలా ప్రత్యేకంగా ఉండబోతున్నట్లు తెలుస్తోంది. చిత్రీకరణ జరుపుకుంటున్న హరి హర వీరమల్లు ఈ ఏడాది విడుదలయ్యే సూచనలు కలవు. 

నిధి అగర్వాల్ ఆశలన్నీ హరి హర వీరమల్లు మీద పెట్టుకుంది. పాన్ ఇండియా చిత్రంగా హరి హర వీరమల్లు విడుదల చేయనున్నారు. హరి హర వీరమల్లు హిట్ టాక్ తెచ్చుకుంటే నిధి కెరీర్ కి చాలా ప్లస్ అవుతుంది. ఈ మూవీలో మరో హీరోయిన్ గా నోరా ఫతేహి నటిస్తున్నారు. 
 

హరి హర వీరమల్లుతో పాటు ఓ తమిళ చిత్రంలో నిధి నటిస్తున్నారు. ఈ మూవీ చిత్రీకరణ జరుపుకుంటుంది. ఇక 2021లో నిధి ఈశ్వరన్, భూమి అనే రెండు తమిళ చిత్రాలు చేశారు. ఆ రెండు ఆమెకు బ్రేక్ ఇవ్వలేదు.

నిధి కెరీర్ లో ఇస్మార్ట్ శంకర్ క్లీన్ హిట్ మూవీగా ఉంది. దర్శకుడు పూరి జగన్నాధ్ తెరకెక్కించిన ఆ మూవీలో రామ్ హీరోగా నటించారు. నిధి అగర్వాల్ తో పాటు నభా నటేష్ హీరోయిన్ గా నటించారు. ఈ మూవీ రూ. 75 కోట్ల వరల్డ్ వైడ్ గ్రాస్ తో వసూళ్లు దుమ్మురేపింది. ఆ రేంజ్ హిట్ మరలా ఆమెకు దక్కలేదు.

ఇక హీరోయిన్ గా ఎదగాలంటే టాలెంట్ కాదు లక్ ముఖ్యమని నిధి గట్టిగా నమ్ముతుంది. ఈ విషయాన్ని ఓపెన్ గా చెప్పేసింది. స్క్రిప్ట్ దశలో కథలను జడ్జి చేయడం సులభం కాదు. కాబట్టి సక్సెస్ లక్ మీదే ఆధారపడి ఉంటుందని చెప్పింది.