యానిమల్ ట్రైలర్ చూసి ఒక్కసారి స్పిరిట్ లో ప్రభాస్ ని ఊహించుకుంటే.. వెన్నులో వణుకు ఖాయం

ఆ సమయంలో సందీప్ వారికి సమాధానం ఇస్తూ వయెలెన్స్ అంటే ఏంటో నా నెక్స్ట్ మూవీలో చూపిస్తా అని తెలిపాడు. కట్ చేస్తే యానిమల్ ట్రైలర్ హాట్ టాపిక్ గా మారుతోంది.

సందీప్ రెడ్డి వంగా 'అర్జున్ రెడ్డి' లాంటి కల్ట్ మూవీ అందించి తన ప్రత్యేకత చాటుకున్నారు. దీనితో సందీప్ తదుపరి చిత్రంపై ఫ్యాన్స్ లో ఆసక్తి పెరిగింది. ముఖ్యంగా యువత సందీప్ తెరకెక్కించబోయే చిత్రాల కోసం ఎదురుచూస్తున్నారు. ప్రస్తుతం సందీప్.. బాలీవుడ్ స్టార్ రణబీర్ కపూర్ తో యానిమల్ అనే చిత్రం తెరకెక్కిస్తున్న సంగతి తెలిసిందే.   

భారీ అంచనాలతో యానిమల్ చిత్రం డిసెంబర్ 1 న వరల్డ్ వైడ్ గా రిలీజ్ కానుంది. ఇటీవల విడుదలైన ట్రైలర్ సినిమాపై ఆకాశాన్ని తాకే అంచనాలు పెంచడమే కాదు.. సర్వత్రా చర్చనీయాంశంగా కూడా మారింది. 

తండ్రి కొడుకుల మధ్య బంధాన్ని ఇంత వయలెంట్ గా కూడా చూపించవచ్చా అంటూ బాలీవుడ్ వాళ్ళు సైతం ముక్కున వేలేసుకుంటున్నారు. అర్జున్ రెడ్డి రీమేక్ ని సందీప్ హిందీలో చేస్తున్నప్పుడు ఇది వయలెంట్ లవ్ స్టోరీ అంటూ విమర్శలు చేశారు బాలీవుడ్ వాళ్ళు. 

ఆ సమయంలో సందీప్ వారికి సమాధానం ఇస్తూ వయెలెన్స్ అంటే ఏంటో నా నెక్స్ట్ మూవీలో చూపిస్తా అని తెలిపాడు. కట్ చేస్తే యానిమల్ ట్రైలర్ హాట్ టాపిక్ గా మారుతోంది. అదేం యాటిట్యూడ్ అదేం ఊచకోత అంటూ కామెంట్స్ చేస్తున్నారు. ట్రైలర్ విడుదలయ్యాక అడ్వాన్స్ బుకింగ్స్ మామూలుగా లేవు. టికెట్లు హాట్ కేకుల్లా అమ్ముడవుతున్నాయి. మరోసారి సందీప్ జూలు విదిల్చాడు అని అంటున్నారు. 

యానిమల్ హీట్ కొనసాగుతుండగానే స్పిరిట్ చిత్రం కూడా చర్చనీయాంశం అవుతోంది. చాలా కాలం క్రితమే సందీప్ రెడ్డి వంగా ప్రభాస్ తో స్పిరిట్ చిత్రాన్ని అనౌన్స్ చేసిన సంగతి తెలిసిందే. యానిమల్ ట్రైలర్ చూసిన తర్వాత.. రణబీర్ కపూర్ నే ఇంత అరాచకంగా చూపిస్తున్నాడు.. ఇంకా ప్రభాస్ ని ఏ రేంజ్ లో చూపిస్తాడో సందీప్ అంటూ ఫ్యాన్స్ మధ్య హాట్ హాట్ చర్చలు మొదలయ్యాయి. 

ప్రభాస్ స్పిరిట్ చిత్రంలో జాలి దయ లేని క్రూరమైన పోలీస్ అధికారిగా నటించబోతున్నట్లు తెలుస్తోంది. ఇక సందీప్ వంగా చేయబోయే విధ్వంసం ఊహించుకుంటే వెన్నులో వణుకు ఖాయం. మరోవైపు యానిమల్ చిత్రం మహేష్ బాబు చేయాల్సిన చిత్రం అని.. అనవసరంగా మహేష్ రిజెక్ట్ చేశారని కూడా వార్తలు వస్తున్నాయి. ఇప్పటికైతే అంచనాలు అదిరిపోతున్నప్పటికీ యానిమల్ ప్రభావం పూర్తిగా తెలియాలంటే రిలీజ్ వరకు ఎదురు చూడాల్సిందే.