దీపావళి 2024: ఈ ఐదు సినిమాల మధ్యే పోటీ, ఏది సూపర్ హిట్ అవుతుంది?
. ఈ ఐదు చిత్రాల్లో గేమ్ ఛేంజర్, కంగువ సినిమాలపై భారీ బజ్ ఉంది. మరి వీటిలో ఈ సినిమా ప్రేక్షకులను ఆకట్టుకుంటుందో చూడాలి.
Diwali 2024
మనకు పెద్ద సినిమాలు రిలీజ్ అంటే వేసవి శెలవుల్లో అయినా ఉండాలి లేదా పండగ రోజుల్లో అయినా ఉంటాయి. అయితే తెలుగు బాక్సాఫీస్ బాగా డల్ గా ఉంది. ఈ వేసవి కి చెప్పుకోదగ్గ సినిమాలు ఏమీ రిలీజ్ లేక పూర్తి నీరసపడిపోయింది. కేవలం డిజే టిల్లు స్క్వేర్ మాత్రమే సూపర్ హిట్ తెచ్చుకుని కలెక్షన్స్ తెచ్చిపెట్టింది. ఎంతో ఎక్సపెక్ట్ చేసిన ఫ్యామిలీ స్టార్ డిజాస్టర్ అయ్యి కూర్చుంది. ఈ వారం రిలీజైన గీతాంజలి మళ్లీ వచ్చింది సినిమా కూడా సేమ్ టు సేమ్. అలా సమ్మర్ కాస్తా చప్పగా ముగిసిపోతోంది. దాంతో టాలీవుడ్ భారీ హిట్ కోసం మళ్లీ పండగ సీజన్ వరకు ఎదురుచూడాల్సిన పరిస్థితి ఏర్పడింది.
యంగ్ టైగర్ ఎన్టీఆర్ దేవర సినిమా కు వస్తుందనుకున్నాం. కానీ దేవర కాస్తా దసరాకి వెళ్లిపోయింది. ప్రభాస్ కల్కి అయినా రచ్చ రచ్చ చేసి వేసవిని ఒడ్డున పడేస్తుందనుకుంటే... ఎన్నికల పోలింగ్ ఉండటంతో వాయిదా పడే అవకాశాలే ఉంది. కానీ దీపావళి మాత్రం మామూలుగా ఉండేటట్లు కనపడటం లేదు. దీపావళికి ఐదు క్రేజీ సినిమాలు రెడీ అవుతున్నాయి. అవేంటో చూద్దాం.
గేమ్ ఛేంజర్ : గ్లోబల్ స్టార్ రామ్ చరణ్ టాప్ డైరెక్టర్ శంకర్ కాంబోలో తెరకెక్కుతున్న ఈ సినిమా అక్టోబర్లో విడుదల కానుందని తెలుస్తోంది. అంటే ఈ దీపావళికి థియేటర్లో ముందగా చరణ్ సినిమానే కనిపించనుందన్నమాట. ఇప్పటికే సినిమాలోని ఓ పాటను కూడా విడుదల చేశారు. పొలిటికల్ యాక్షన్ డ్రామాగా రూపొందుతున్న ఈ చిత్రంలో రామ్ చరణ్ సరసన కియారా అద్వానీ హీరోయిన్గా నటిస్తోంది.
Kanguva,
తమిళ స్టార్ హీరో సూర్య కెరీర్లోనే అత్యంత ఖరీదైన ప్రాజెక్ట్ కంగువ. సూర్య సినిమా అంటే తమిళంలోనే కాదు తెలుగు ప్రేక్షకులు ఎదురుచూడటం కలిసి వస్తుంది. తమిళంలో పాటే తెలుగులోనూ సూర్యకు ఫ్యాన్ ఫాలోయింగ్ ఉంది. ఈ క్రమంలో సూర్య కెరీర్లోనే అత్యంత భారీ బడ్జెట్తో తెరకెక్కుతున్న సినిమా కంగువ. ఈ సినిమాకు సిరుత్తై శివ దర్శకత్వం వహిస్తున్నారు. తాజాగా విడుదలైన టీజర్ ఈ సినిమా మీద ఆసక్తి పెరిగేలా చేసింది. ఈ చిత్రంతో దిశా పటాని తమిళ పరిశ్రమకు పరిచయమవ్వనుంది. యానిమల్తో విలన్గా మెప్పించిన బాబీ దేఓల్ ఇందులో నెగటివ్ రోల్ చేస్తున్నట్టు సమాచారం. ఈ మూవీ దీపావళికి విడుదల కానుందని చిత్ర యూనిట్ ప్రకటించింది.
Vettaiyan
దీపావళికి థియేటర్లలోకి వస్తున్నాడు రజనీకాంత్. జైలర్ సక్సెస్తో మంచి ఊపు మీద ఉన్న రజనీ జై భీమ్ ఫేమ్ టీజే జ్ఞానవేల్ దర్శకత్వంలో వెట్టయాన్ సినిమా చేస్తున్నారు. ఈ చిత్రంలో అమితాబ్ బచ్చన్, ఫహాద్ ఫాజిల్, రానా దగ్గుబాటి, మంజు వారియర్, రితీకా సింగ్ ప్రధాన పాత్రలు పోషిస్తున్నారు.ఈ దీపావళికి రాబోతున్న మరో పెద్ద చిత్రంగా ఈ సినిమాని లెక్కేస్తున్నారు.
Singham Again
ఇదిలా ఉంటే బాలీవుడ్లోనూ దీపావళికి సినిమాలు రిలీజ్ కి రెడీ అవుతున్నాయి. అలా ఈ సారి సింగం ఫ్రాంచైజీ నుంచి సింగం ఎగైన్ సినిమా వస్తుంది. ఈ సినిమాలో అజయ్ దేవగణ్, కరీనా కపూర్, రణవీర్ సింగ్, దీపికా పదుకోణ్, అక్షయ్ కుమార్ వంటి స్టార్ క్యాస్టింగ్ తో దీపావళికి భారీగా విడుదల కానుంది ఈ చిత్రం. ఈ ఫ్రాంచైజీ కు ప్రేక్షకుల్లో అద్భుతమైన ఫాలోయింగ్ ఉంది. ఈ మసాలా ఎంటర్టైనర్కి రోహిత్ శెట్టి దర్శకత్వం వహిస్తున్నారు.
Bhool Bhulaiyaa 3
అక్షయ్ కుమార్కు మంచి గుర్తింపుని ఇచ్చిన భూల్ భులయ్యా ఫ్రాంచైజీ కార్తీక్ ఆర్యన్కు కూడా మంచి హిట్ ఇచ్చింది. ఇప్పుడు మళ్లీ అదే ఫ్రాంచైజీ నుంచి ముచ్చటగా మూడోసారి ప్రేక్షకులను భయపెట్టడానికి ఈ దీపావళి కానుకగా విడుదల కానుంది భూల్ భులయ్యా 3. ఈ చిత్రంలో కార్తీక్ ఆర్యన్తో పాటు త్రిప్తి దామ్రీ, విద్యా బాలన్, మాధురి దీక్షిత్ నటించారు. ఈ హారర్ కామెడీ చిత్రంలో కార్తీక్ ఆర్యన్, విద్యాబాలన్, త్రిప్తి డిమ్రి, మాధురీ దీక్షిత్ ప్రధాన పాత్రల్లో నటించారు. రెండవ భాగానికి దర్శకత్వం వహించిన అనీస్ బాజ్మీ ఈ మూడో పార్ట్కి కూడా దర్శకత్వం వహిస్తున్నారు.