రజినీకాంత్ బయోపిక్ తీయబోతున్న శంకర్, తలైవాగా నటించేది ఎవరో తెలుసా?

తమిళ సినిమాలో స్టార్  దర్శకుడు శకర్. జెంటిల్ మేన్ సినిమాతో దర్శకుడిగా పరిచయమైన ఆయన తన మొదటి సినిమాతోనే అందరినీ తనవైపు తిప్పుకున్నారు. తర్వాత  వరుస సినిమాలతో అందరి దృష్టినీ ఆకర్షించారు. కమల్ హాసన్ తో ఇండియన్ సినిమా తీసి భారతీయ సినీ లోకాన్ని తమిళ సినిమా వైపు చూసేలా చేశారు.

ఒకే ఒక్కడు, అపరిచితుడు, శివాజీ, రోబో, 2.0 వంటి బ్లాక్ బస్టర్ సినిమాలతో భారతదేశంలోని విజయవంతమైన దర్శకులలో ఒకరిగా నిలిచారు. అయితే, భారీ అంచనాల మధ్య విడుదలైన ఇండియన్ 2 సినిమా డిజాస్టర్ అయ్యింది. 

Also Read: భన్సాలీతో బన్నీ భేటీ... టాలీవుడ్ పై భారీ ప్లాన్ చేసిన అల్లు అర్జున్..

ఇప్పుడు రామ్ చరణ్ తో గేమ్ ఛేంజర్ సినిమా తీశారు. రామ్ చరణ్, కియారా అద్వానీ ప్రధాన పాత్రల్లో నటించిన ఈ సినిమాలో రామ్ చరణ్ ఐఏఎస్ అధికారిగా నటించారు. ఎస్.జె. సూర్యా ప్రధాన విలన్ గా నటించిన ఈ చిత్రంలో అంజలి, సముద్రఖని, శ్రీకాంత్, జయరాం తదితరులు నటించారు.

ప్రపంచవ్యాప్తంగా జనవరి 10 సంక్రాంతి కానుకగా రిలీజ్ అయిన ఈసినిమా  మంచి స్పందన సాధించింది. భారతదేశంలో మాత్రమే మొదటి రోజు ఈసినిమా .50 కోట్లు వసూలు చేసిందని సమాచారం.

Also Read:చికెన్ గున్యా తో బాధపడుతున్న సమంత, నోప్పులు తగ్గడానికి హీరోయిన్ ఎం చేసిందంటే..?

ఇటీవల ఓ డిజిటల్ మీడియాకి ఇచ్చిన ఇంటర్వ్యూలో దర్శకుడు శంకర్ బయోపిక్  సినిమాలపై తనకున్న ఆసక్తి గురించి మాట్లాడారు. “నేను ఇప్పటివరకు బయోపిక్ సినిమా తీయాలని అనుకోలేదు, కానీ ఒకవేళ తీస్తే అది రజినీ సార్ గురించే” అని అన్నారు.

సూపర్ స్టార్ గురించి ప్రజలకు ఇప్పటికే తెలిసిన దానికంటే ఎక్కువ చెప్పలేమని దర్శకుడు చెప్పారు. ఆయన గురించి, ఆయన ప్రయాణం గురించి అందరికీ తెలుసు కాబట్టి, జీవిత చరిత్ర సినిమా తీయాలంటే తనకు ముందుగా రజినీకాంత్ పేరే గుర్తుకొస్తుందని అన్నారు.

Also Read:డాక్టర్ సమరం నటించిన ఏకైక సినిమా ఏదో తెలుసా..?

రజినీకాంత్ పాత్రకు ఎవరు నటిస్తారని అడిగినప్పుడు, దర్శకుడు సరదాగా “ఇప్పుడే ఈ ఆలోచన వచ్చింది. మీరు అడిగేసరికి స్పార్క్ వచ్చింది. అయితే అది జరుగుతుందో లేదో చూద్దాం” అని అన్నారు.

ఇప్పటికే రజినీకాంత్ గురించి జీవిత చరిత్ర సినిమా తీస్తున్నారనే వార్తలు వచ్చాయి. అయితే అధికారిక ప్రకటన ఏమీ రాలేదు. అలాగే, నటుడు ధనుష్ కూడా ఒకసారి రజినీకాంత్ గురించి జీవిత చరిత్ర సినిమా తీయాలనే తన కోరికను వ్యక్తం చేశారు.

Also Read: ఇండియన్ ఫిల్మ్ హిస్టరీలోనే అత్యంత కాస్ట్లీ సాంగ్ ఏదో తెలుసా..?

ఇక రజినీకాంత్ ప్రస్తుతం దర్శకుడు లోకేష్ కనకరాజ్ దర్శకత్వంలో కూలీ సినిమాలో నటిస్తున్నారు. సన్ పిక్చర్స్ నిర్మిస్తున్న ఈ సినిమాకు అనిరుధ్ సంగీతం అందిస్తున్నారు. ఈ సినిమాలో నాగార్జున, ఉపేంద్ర, సౌబిన్ షాహిర్, సత్యరాజ్, శృతి హాసన్ తదితరులు నటిస్తున్నారు. ఈ సినిమా ఈ ఏడాది మే నెలలో విడుదల కానుంది.